Mataos 3:6 - Kálara Zyɛ̌m Edwán é mpʉ̌n

⁶ ze gwihɔ mɨsyem myɔɔ, Yʉanes ze dù be é dibe Yʉrdɛŋ.

Kálar Nzyɛ̌m : Ejwán é Sáá

⁶ bé ntɔ̂ʼ gwîh mísyóm myɔ́ɔ́, Yʉánɛs nzě du bé ɨ́ díbé Yɔrdên.

Mataos 3:6 ပူးပေါင်းရင်းမြစ်များ

Mɨlʉmlʉ 19:18

Buobuo bʉr o b'a jyɛʼ taa buʼo yɔɔ boo nye e, bé a be ó si gwih mobebe mɔɔ.

1 Yʉanes 1:9

To kœb ó, yé be ó, bɨna bé si gwih ga mɨsyem ga mina nɛʼɛ, Zyɛm ósa sa ndɨ cɨcyel ɨ, ebe, nye ó mʉr ebuʼlɔ. Nye ópɛʼ bɨbaa bɨ ebebe bibyɛh nye a niʼe bɨna ga ɛ, le epubo bɨna ga é bɨsyɛɛla bɨ ozyɛhozyɛh ga bina bibyɛh.

Ebrœ̂ 9:10

Zyɛm a nʉa tiʼa ó, bʉr, bé ódu mbi motie myaa ó, to pyal é jɔʼ nye óka komlo mozi bʉr, bé ójala le edu ɨ. Motie mo efoʼ monɨ, mé a kʉ dwɛʼ ó, njɨ bɨsa bɨ tiʼ mʉr kaʼ si. Mé a lɛʼle nye ó, mɨmbi monyɔmlʉ le monyʉla myé a jala le edeŋɔ ɛ, ndwe mpʉ bʉr lé ejala le edubo bɨsɔʼɔ é modibe lé epub bye e.

Mataos 3:11

«Mɛm, me edù bɨn ó e modibe, lé esaa ó, bɨn nkʉʼ gwɨma mobebe le edwir mɨleme min. Sa gwar, mʉr ndɨ edu me é koo pihe e, nye e nkul mojwɨ̀ʼa, laa me. Me abe mbi mʉr lé ejala le enkɛɛ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe!

Ebrœ̂ 6:2

edu sikʉlʉ lé edwɛʼ mpʉ bé lé enʉa mɨndubo e, egʉa mpʉ bé lé ekɛl bʉr mobo e, egʉa mpʉ odwè, bé ópàh é foo e, le egʉa mpʉ Zyɛm ótiʼe bʉr mɨlɔb etiʼ le epihe e.

Kolosi 2:12

É zi ndubo bɨn bé a nʉa ɛ, bɨn bé a si debe, bɨn e boo Krɨst é jɔʼ gwar e gwar yaa, bɨn e boo nɔɔ nteme ntɔʼ pàh, ebe, bɨn bé ebuʼla nkul nɨnɨ mo Zyɛm Sɔŋ, mʉr a pɛ̀h nye é foo e.

1 Korɛnt 10:2

Bɨbɛh, bé a si syɛŋa é Moyiz é jɔʼ bé e boo nɔɔ, bé a kœʼ é nkur tʉŋlʉ, le é jɔʼ bé a ntaa maŋ ɨ. Tɨʼ ó bé a ze nʉa ndubo é Moyiz ɨ.

Mɨlʉmlʉ 22:16

No ó, banana, yé go lé eka bâʼle bono e? Mʉŋa si. Nʉŋa ndubo. Go à puba é nko paʼ mɨsyem myo, lé ejebe die le.”»

Mɨlʉmlʉ 11:16

No ó, me ze toŋlo sa Da a lɛɛ bɨna ga ɛ. Nye a lɛɛ ó: “Yʉanes a dù-dù bʉr ó e modibe. Bɨn bɛɛ, bé ónʉa ndubo ó é Mbɨambɨa Sisim.”

Mɨlʉmlʉ 1:5

ebe, Yʉanes a dù-dù bʉr ó e modibe. Yi liʼ njɨ bwa molu abuo, bɨn bɛɛ, bé ónʉa ndubo ó, é Mbɨambɨa Sisim.»

Lʉkas 3:16

Yʉanes ze lɛɛ e bɨbɛh ó: «Mɛm, me edù bɨn ó e modibe. Sa gwar, mʉr ndɨ e nkul mojwɨ̀ʼa, laa me e, nye eze. Me abe mbi mʉr lé ejala le etii nye mɨkol mɨ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe.

Markus 1:5

No ó bʉr o lal Yʉda le baa o Yerʉsalɛm bɨbɛh, bé a ze gumo nye a be e, ze gwihɔ mɨsyem myɔɔ, Yʉanes ze dù be é dibe Yʉrdɛŋ.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

Jacques 5:16

Ebe no, é jɔʼ bɨn bé ófuuba syɛb ɨ, mʉr nyiwɛh, nye ejala le egwih mɨsyem mye. Bɨn bé ejala le esa mɨnjwɨʼla é l'efu lɨn é l'efu ó, bɨn tiʼa ɛ, ebe, mɨnjwɨʼla mɨ cɨcyel mʉr, myé é kpahbe na.

Lʉkas 1:16

Nye ósa ó, buobuo bwa b'Ɨzraɛl, bé dwirɨ mɨleme myɔɔ, jyɛʼ taa buʼo yɔɔ boo Da Zyɛm, Sɔŋ wɔɔ.