Mataos 3:2 - Kálara Zyɛ̌m Edwán é mpʉ̌n

² Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ, ebe, jɔʼ Da ócyel jwɨ̀ʼa ye cyecye e, yé mu ó kunokuno le epyal ɔɔ!»

Kálar Nzyɛ̌m : Ejwán é Sáá

² Nye á lɨlɛ́ɛ ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má gá yɨ́ná.

Mataos 3:2 ပူးပေါင်းရင်းမြစ်များ

Mataos 4:17

É dobo laa ó Yesʉs a ze taare lé etuno ó: «Gwɨma ga mobebe mɨn ɔɔ! Bɨn bé à dwir mɨleme ɔɔ! Ebe, jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!»

Markus 1:15

Nye a lɛɛ-lɛɛ ó: «Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ! Gwɨma ga mobebe mɨn ɔɔ! Bɨn bé à dwir mɨleme ɔɔ! Buʼla ga Mbɨambɨa Lɔɔ ɔɔ!»

Lʉkas 24:47

Yé a bɛa be tila nteme ó, bʉr, bé óto le elɛɛ Mbɨambɨa Lɔɔ é die le, lé eto le elɛɛ bʉr ó, bé gwɨma mobebe mɔɔ, le edwir mɨleme, Zyɛm pɛʼɛ be bɨbaa bɨ ebebe byɔɔ. Lɔb waa, wé ótunɔ ó, taare ɨ Yerʉsalɛm, to pyal é bɨkul bibyɛh.

Mataos 6:10

Jwɨ̀ʼa yo, yé ntaʼ. Gwɨma yo, yé syɛŋɨ é si nwa, mpʉ nteme yé ndɨ é jobo tʉŋlʉ ɨ.

2 Korɛnt 7:10

ebe, é jɔʼ bɨna bé eliʼ ga é gœʼra-gœʼra e mocyɛʼ mo nyʉl ebe sa Zyɛm lé esa-sa bɨna ga ɛ, yé esa-sa ó, mʉr gwɨma mobebe me le edwir leme. Ndwira leme waa, wé esa ó, bɨna biʼe tiʼ molu mo mpoʼ mɨmɛh. Mʉr nyiwɛh Zyɛm lé ekwɨɨ empime e, nye abe lé egwɨma empime laa pie tɨ. To kœb ó, é jɔʼ bʉr o si nwaʼ lé egba mʉr empime é leme e, lé ebula jʉ mʉr waa ó, jʉ jʉʼo.

Mataos 10:7

Zi e zi, dɨʼe tuno ga ó: “Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!”

Mɨlʉmlʉ 3:19

No ó, gwɨma ga mobebe mɨn. Bɨn bé à dwibra nko Zyɛm ndɨ ɨ, nye nkʉʼ pɛʼ bɨbaa bɨ ebebe nye a niʼe é lɔb mɨsyem min ɨ.

Lʉkas 15:10

Me elɛɛ bɨn ó, jwɨʼ gwar yaa nteme ó bé lé esoho é mih beengles mo Zyɛm é jɔʼ syɛl mɨsyem ngwar ndɨ si gwɨma mobebe me, le edwir leme e.»

Lʉkas 13:3

Hɨʼɨ, me elɛɛ bɨn ó nɛɛ: ǃbɨn si be, agwɨma mobebe mɨn, nkʉ dwir mɨleme nɛʼɛ, bɨn bɨbɛh, bé ódim é nkɔb bʉr mpʉ be!

Lʉkas 11:20

Yé be ó, me edwih bʉr moleme e nkul dine mo Zyɛm nɛʼɛ, kʉ gʉa ó, Zyɛm mu ó kunokuno le ecyel jwɨ̀ʼa ye é bɨn cyecye.

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

Mɨlʉmlʉ 17:30

«É jɔʼ mya, bɨmpam bin, byé a be-be ó, lé ejeʼe Zyɛm. Nye a baabul gba ebɨh laa é nkɔb. No ó, banana, nyi ka lɛɛ e bʉr bɨbɛh é bɨgumo bibyɛh ó, bé gwɨma mobebe mɔɔ le edwir mɨleme.

Mɨlʉmlʉ 11:18

Jɔʼ bé a sil joʼo mɨlɔb myaa ɛ, mɨleme ze fila be si. Bé ze dwe Zyɛm kum. Bé ó: «Yé ó no: Zyɛm, nyi toŋlo nteme baa ndɨ abe oYʉden ɨ, ndwe le edib be zi egwɨma mobebe mɔɔ, le edwir mɨleme, bé nkʉʼ bi tiʼ molu mo mpoʼ mɨmɛh.»

Mɨlʉmlʉ 2:38

No ó Pyɛr a bɨha e be ó: «Gwɨma ga mobebe mɨn. Bɨn bé à dwir mɨleme. Mʉr nyiwɛh é sama yin, nye nʉŋa ndubo é nkul die mo Yesʉs-Krɨst, ó Zyɛm pɛʼɛ nye bɨbaa nye lé eniʼe é lɔb mɨsyem mye e. No ó bɨn bé òka ntɨhɔ Mbɨambɨa Sisim, sa Zyɛm a bɛa kɛʼ bɨn ɨ,

Lʉkas 6:20

No ó nye a ze dwɛʼ nko ompʉn be, bé a be e, ze lɛɛ e be ó: «Mocyɛʼ mo mpom, mé e bɨn, baanteʼenteʼe. Jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bɨn ɨ.

Mataos 13:52

Nye ze lɛɛ e be ó: «Ebe no, yeʼle motie nyiwɛh mu mpʉn é jwɨ̀ʼa mo Da ɛ, nye enwɨɨla ó e mʉr mbɛr lé eto-to é l'ekʉm le, to nʉa-nʉa bɨsa bye tɨʼ ɨ. Yiʼ jɔʼ, nye ebula ó e bɨsa modwan; yʉʉ jɔʼ, bula e bɨsa bɨmya.»

Mataos 13:47

«Jwɨ̀ʼa mo Da, yé ebâʼle nwɨɨla ó e kʉa bé a la é modibe maŋ ɨ. Bé a be ó lé egwɨm mɛr ofu bé ókwɨa tɨʼ ɨ, mɨmbi mimyɛh.

Mataos 13:33

Nye ntɔʼ bâʼle sa be kɨkɛna fih. Nye ó: «Jwɨ̀ʼa mo Da, yé enwɨɨla ó e levure. Nuu mʉma a syɛŋ nye e time bler, kwoʼ be okilo mowʉm moba ɛ, to pyal é jɔʼ time waa, wé a vus wiwɛh ɛ.»

Mataos 12:41

É dobo le etiʼ e mɨlɔb, bʉrʉm o nkana Niniv, bé ómʉa, nwahle bʉr o mya wi, ebe, bé a be ó si gwɨma mobebe mɔɔ le edwir mɨleme lé ejoʼo mpaŋla Yonas a cen be e. No ó, paʼ bee ga: cyela mɨtuno lé elaa Yonas ɨ, nye ó bana kʉ be wâ!

2 Timotɛ 2:25

Yé ejala ó, nye gʉa tɨe bʉr o ndɨ edo e nye e, e njwɨr é tala tala. ǃNye si sa no nɛʼɛ, Zyɛm óbɛm cyɛb be é mɨleme, ó bé gwɨma mobebe mɔɔ, le edwir mɨleme. Bé ògʉa ocyecye é jɔʼ yaa.

Kolosi 1:13

Zyɛm, nyi syɛb bɨna ga e boo nɔɔ é mpel mo Satan, ntɛŋ bɨna ga é jwɨ̀ʼa mo Mwan kpɛl we.

Mɨlʉmlʉ 20:21

Me a si boʼlo boo oYʉden, ndwe e bʉr o bɨkul bɨfih ó, bé gwɨma mobebe mɔɔ le edwir mɨleme, lé esa Zyɛm mojoʼo. Bé jyɛʼɛ taa buʼo yɔɔ boo Tî ga wina Yesʉs.

Lʉkas 15:7

Me elɛɛ bɨn ó, jwɨʼ gwar yaa nteme ó bé óbul soho é jobo kʉ é jɔʼ syɛl mɨsyem ngwar óbe si gwɨma mobebe me, le edwir leme e. Bé óbul soho é lɔb we, laa mpʉ bé ngbaa soho é lɔb “ocɨcyel o bʉr” mowʉm bu e bu ndɨ amɛʼle ó, bé lé ejala le egwɨma mobebe mɔɔ, le edwir mɨleme e.»

Lʉkas 13:5

Hɨʼɨ, me elɛɛ bɨn ó nɛɛ: ǃbɨn si be, agwɨma mobebe mɨn, nkʉ dwir mɨleme nɛʼɛ, gʉŋa ga ó, bɨn nteme, bé ódim é nkɔb bʉr mpʉ be!»

Lʉkas 9:2

Nye ntɔʼ lomo be ó, myé toʼ le elɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ, le etiʼ mɨsyoblʉ.

Markus 6:12

No ó ompʉn be, bé a ze to, to le etuno, le elɛɛ bʉr ó, bé gwɨma mobebe mɔɔ le edwir mɨleme.

Markus 1:4

Kʉ be jwɨʼ gwar mpʉ Ezayi a tile e, no nteme ó Yʉanes Ndubʉr a be e! Nye a be ó é feha si. Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ! Bɨn bé à nʉa ndubo, ó Zyɛm pɛʼɛ bɨbaa bɨ ebebe bin ɔɔ!»

Mataos 5:10

Mocyɛʼ mo mpom e bʉr o ndɨ etíilɔ ebe ebò e cyen bé lé ekœʼ é l'ocɨcyel mo Zyɛm ɨ, ebe, jwɨ̀ʼa mo Da, yé mu lé ecyelɔ cyecye ó, é l'efu e bʉr o ndɨ mpʉ be e!

Mataos 5:3

Nye ó: «Mocyɛʼ mo mpom e bʉr o ndɨ ekʉ gʉa ó, mɨsisim myɔɔ, myé ejyeb é nko paʼ egʉa Zyɛm ɨ, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e!

Mɨngwiha 2:21

Me a dwe nye jɔʼ ó, nye gwɨma bɨmala nye lé esa-sa ɛ, le edwir leme, nyɛɛ l'akpɛl sa no.

Mataos 13:31

Nye ntɔʼ bâʼle ze sa be yʉʉ kɨkɛna. Nye e be ó: «Jwɨ̀ʼa mo Da, yé enwɨɨla ó e mpœʼ ndɨ bim boho nʉo e. Nye ó mbèl mompœʼ a nʉa, ntɔʼ myɛʼ é modiʼe mo peme me e.

Mataos 13:11

Nye ntɔʼ bɨha e be ó: «Bɨn ó Da a gwih lwib odim lé etiibe e jwɨ̀ʼa ye e, ó bɨn gʉŋa ye é kpɛhla. No ó bɛɛ, bé a baagwihɔ ye.

Mataos 6:33

Sa efoʼ, kʉ bul saa ga eni é jwɨ̀ʼa ye, ndwe le ekœʼ ebò e cyen é l'ocɨcyel. Bɨsa bibyɛh bɨn lé ejɨ bɨnɨ, Zyɛm óloŋlo bɨn bya.

Mɨngwiha 2:5

Ebe no, toŋla ga gumo bɨn bé a syɛŋle é jɔʼ bɨn bé a duma ɛ. Gwɨma ga mobebe mɨn. Bɨn bé à dwir mɨleme. Dɨʼe loŋlo ga bɨsyɛɛla bɨ efoʼ mpʉ bɨn bé a bɛa sa-sa ɛ. ǃBɨn si be, asa no nɛʼɛ, me òze gʉʼ bɨn ye, ze pɛʼ cye elama yin gumo yé ndɨ cyela ɛ.

Ebrœ̂ 6:1

No ó, bɨna paʼ bir ga bɨsikʉlʉ bé lé etaare jwɨʼ é l'efoʼ, byaa lé etiibe e Krɨst ɨ. Bɨna dweela ga bɨsikʉlʉ lé esa ó, mʉr biʼe pɨʼ otamabʉr ɨ. Bɨh bé aŋa ka bâʼle yeʼle bɨn mɨlʉ mokan mi: egwɨma bɨbol bɨsyɛɛla, edwir leme, ejyɛʼ taa buʼo boo Zyɛm,

Mɨlʉmlʉ 26:20

Me a kʉ ka taare ó njɨ e tuno Mbɨambɨa Lɔɔ, taare é bʉr o Damas bé e baa o Yerʉsalɛm, ndwe e baa bɨbɛh ndɨ é lal Yʉda ɛ, to pyal é mɨlal mɨ bʉr o ndɨ abe oYʉden ɨ. Me a lɛɛ e bɨbɛh ó, bé gwɨma mobebe mɔɔ, dwir mɨleme, le ejyɛʼ taa buʼo yɔɔ boo Zyɛm. Bɨsyɛɛla byɔɔ, byé óbe ó bɨdweʼle, sa lé elɛʼle ó, bé mu ó ocɨcyel o bʉr, le mɨleme mɨndwira ɛ.

Mataos 22:2

«Jwɨ̀ʼa mo Da, yé enwɨɨla ó e guu njwɨɨbʉr wé a cyel zɔɔ eba é l'efu e mwan we e.

Mataos 25:1

«Jwɨ̀ʼa mo Da, yé enwɨɨla nteme ó e mɨndu mosehe ewʉm. Myé a be ó si nʉa molama lé eto sohɔ mbœm mʉma é mpula kwar we.

Mataos 23:13

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, bɨn bé ela bʉr zi lé eto gumo jwɨ̀ʼa mo Da ndɨ ɨ. Bɨn bʉr o tɨ, bɨn bé ajyɛl é zi waa. Bɨn bé adwe nteme bʉr o lé esaa ecwɨɨ tɨʼ ɨ, zi. [

Mataos 20:1

«Jwɨ̀ʼa mo Da, yé enwɨɨla ó e mʉr bɨpeme a pyal kʉl é dwine mɛn kuno, lé eto saa bɨlobila byé óto sea nye syɛɛ é peme motin mo orezɛŋ ye e.

Mataos 18:23

«Ebe no, me elɛɛ bɨn ó nɛɛ: Jwɨ̀ʼa mo Da, yé enwɨɨla ó e guu njwɨɨbʉr wé a be lé egwɨm láa osyɛl o mosa be sitɔʼ ɛ.

Mataos 11:20

No ó Yesʉs a tɛɛ bʉr o b'a bee-bee mosima me, bé yɛɛ l'agwɨma mobebe mɔɔ, nkʉ dwir mɨleme e. Nye ó:

Lʉkas 21:31

Mpʉ yaa nteme ó, é jɔʼ bɨn bé óbee bɨsyɛɛla bibyɛh byaa lé esyɛɛlɨ ɨ, gʉŋa ga ó, jɔʼ Zyɛm ócyel jwɨ̀ʼa ye cyecye e, yé óbe ó, yé mu kunokuno le epyal.

Lʉkas 16:30

Mbil bɨsa, nye ó: “Da Abraham ɔɔ! Bim yaa, yé ajala ɔɔ! Sa gwar, ǃɨ mʉr si duhɔ é l'odwè, to kœb be nɛʼɛ, bé ógwɨma mobebe mɔɔ, le edwir mɨleme ɔɔ!”

Mataos 25:14

«Jwɨ̀ʼa mo Da, yé enwɨɨla nteme ó e mʉr a be ó, nye tɨʼe cyen ɨ. Nye eto é cyen ó, nye osi jebe osyɛl o mosa be, ze dwe be mobi me ó, bé baʼla me.

Mataos 13:24

Yesʉs ntɔʼ bâʼle sa be kɨkɛna fih. Nye ó: «Jwɨ̀ʼa mo Da, yé enwɨɨla ó e mʉr a bè mbɨambɨa mpœʼ é peme ye e.

Mataos 4:23

No ó Yesʉs a to le ekœʼ é bɨgumo bɨ Galɨle bibyɛh, to le eyeʼle bʉr é mompah mɨnjwɨʼla mɔɔ, le elɛɛ Mbɨambɨa Lɔɔ lé etiibe e jwɨ̀ʼa mo Da ɛ, le etiʼ mɨsyoblʉ mɨ kul bʉr ye, lé epɛʼ mosyɛb mɨmɛh le bɨjyɛm bibyɛh.

Lʉkas 1:16

Nye ósa ó, buobuo bwa b'Ɨzraɛl, bé dwirɨ mɨleme myɔɔ, jyɛʼ taa buʼo yɔɔ boo Da Zyɛm, Sɔŋ wɔɔ.