Mataos 3:17 - Kálara Zyɛ̌m Edwán é mpʉ̌n

¹⁷ Pie tɨ, nye ntɔʼ joʼo twii lé eduho é jobo kʉ, lé elɛɛ ó: «Nwaʼ, nye ó mwan kpɛl wam. Sʉhʉ yam yiyɛh, yé ó é nye.»

Kálar Nzyɛ̌m : Ejwán é Sáá

¹⁷ Píe tɨ̂, nyě kǎ jóʼo ó, etyêl nzě duho ɨ́ jʉ́o kʉ́, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e né.»

Mataos 3:17 ပူးပေါင်းရင်းမြစ်များ

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

2 Pyɛr 1:17

Zyɛm Sɔŋ a si dwe nye duu. É jɔʼ Zyɛm Sɔŋ a ntɨh twii, duho é dia kum nɨnɨ ye e, nye a lɛɛ ó: «Nwaʼ, nye ó mwan kpɛl wam. Me ekʉ mɨɨla e nye.»

Lʉkas 9:35

Bé ka joʼo ó, nuu twii lé eduho é mɨnkur tʉŋlʉ ó: «Nwa, nye ó mwan wam, waa me ndɨ si pɛh ɛ. Joʼa ga nye.»

Mataos 12:18

Zyɛm, nye elɛɛ ó: «Nwaʼ mʉr ó ndɨ syɛl mosa wam me a pɛh ɛ. Nye ó waa me lé ebul kpɛl, waa me lé emɨɨla e nye e. Me ólomlo nye sisim wam. Wé óbe ó ɨ nye. Nye óto le etuno ó, bʉr o ndɨ abe oYʉden ɨ, lɔb wɔɔ, wi tiʼ é l'ocɨcyel.

Markus 9:7

Dwine ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwa, nye ó mwan kpɛl wam. Joʼa ga nye.»

Lʉkas 3:22

Mbɨambɨa Sisim ze fulo nye é nyʉl é baaa, mpʉ epɨba. Twii ze duho é jobo kʉ, lé elɛɛ ó: «Go ó mwan kpɛl wam. Me ekʉ mɨɨla e go.»

Markus 1:11

Twii ze duho é jobo kʉ lé elɛɛ ó: «Go ó mwan kpɛl wam! Me ekʉ mɨɨla e go.»

Kolosi 1:13

Zyɛm, nyi syɛb bɨna ga e boo nɔɔ é mpel mo Satan, ntɛŋ bɨna ga é jwɨ̀ʼa mo Mwan kpɛl we.

Éfɛsɔs 1:6

Bɨna dwiibɨ ga nye ebe mocyɛʼ mo mpom we nye sʉ bɨna ga é zi Mwan kpɛl we e.

Yʉanes 5:37

Ndwe nteme, Sɔŋ wam, mʉr a ntɨh me e, nye mʉr tɨʼ a be ó si boʼlo é lɔb wam. Bɨn bé apa joʼo twii we, nkʉ bee mpʉ nye lé enyin ɨ.

Mɨngwiha 14:2

No ó, me a si joʼo twii lé eduho é jobo kʉ ɨ. Nye a lwib mpʉ sa cɨŋɔ ó, nye ó bwaʼbwaʼ esʉʼ lé esoʼo é dibe nɨnɨ ɨ. Yé a jwɨ̂ʼ nteme ó, mpʉ mpâm nkɛl-jobo é kaaa. Twii waa a jwɨ̂ʼ é mogwal ó mpʉ mɨsaŋ mɨ mper.

Yʉanes 5:20

ebe, Zyɛm Sɔŋ, nye ekpɛl Mwan mo Zyɛm. Nye elɛʼle nye sa nye mʉr tɨʼ lé esa ɛ. Nye ólɛʼle nye bɨsyɛɛla nye óka to le esa-sa ɛ. Byé ólaa byaa bi, bɨn nkʉʼ bul jehe,

1 Yʉanes 5:9

Bɨna pa taare mɛʼle ga é jɔʼ bʉr lé eboʼlo lɔb mboʼla ngwar ɨ, a dwɛʼra e Zyɛm. Mboʼla mo Zyɛm, wé ejala le ebe ó e modile, laa waa bʉr lé esa-sa ɛ, ebe, wé ó waa Zyɛm nye mʉr tɨʼ lé eboʼlo, tiibe e Mwan we e.