Mataos 3:1 - Kálara Zyɛ̌m Edwán é mpʉ̌n

¹ É molu maa, Yʉanes Ndubʉr ze taare lé elɛɛ lɔɔ Zyɛm é feha si ndɨ é lal Yʉda ɛ.

Kálar Nzyɛ̌m : Ejwán é Sáá

¹ Ɨ́ melû maá, Yʉánɛs Ndubʉr nzě pyâl le elɛ́ɛ̌ lɔ́ɔ́ mé Nzyɛ̌m ɨ́ lʉá dí ɨ́ sí Yʉ́da wɨ́.

Mataos 3:1 ပူးပေါင်းရင်းမြစ်များ

Lʉkas 1:76

Gwɔɔ mwan wam, go ódɨ jebɔ ó, “Ngwiha mɨlɔb mo Zyɛm ndɨ Lʉ bɨsa bibyɛh ɛ”, ebe, go óto é l'efoʼ mo Da, lé eto komlo zi nye ócwɨɨ ɨ.

Mataos 11:11

Yesʉs ze to dolo lé elɛɛ e be ó: «Me elɛɛ bɨn cyecye ó nɛɛ: é sa yiyɛh yé a nya sʉ ɨ, abe e mʉr ngwar ndɨ é bwaʼ le buo kum mpʉ mo Yʉanes Ndubʉr. To kœb ó, mʉr ndɨ é twaʼbe é jwɨ̀ʼa mo Da ɛ, nye é bul bwaʼ, laa nye.

Markus 1:15

Nye a lɛɛ-lɛɛ ó: «Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ! Gwɨma ga mobebe mɨn ɔɔ! Bɨn bé à dwir mɨleme ɔɔ! Buʼla ga Mbɨambɨa Lɔɔ ɔɔ!»

Mataos 16:14

Ompʉn, bé ntɔʼ bɨha ó: «Baʼ bʉr, bé elɛɛ ó, go ó Yʉanes Ndubʉr. Bʉʉ, bé ó, go ó Élie. Bʉʉ nteme, bé elɛɛ ó, go ó Yeremi, nkʉ nuu ngwiha mɨlɔb fih.»

Lʉkas 7:24

É jɔʼ mɨlʉmlʉ mo Yʉanes, myé a bula ɛ, Yesʉs ze taare lé elɛɛ ntuntuma bʉr, tiibe e Yʉanes ó: «Yé bɨn bé a to bee é feha si ɨ? Zê ka lé epɨʼba é pubo e?

Mataos 11:7

Jɔʼ ompʉn mo Yʉanes, bé a be, bé mu si bula ɛ, Yesʉs ze taare lé elɛɛ ntuntuma bʉr yaa, tiibe e Yʉanes ó: «Yé bɨn bé a to bee é feha si ɨ? Zê ka lé epɨʼba é pubo e?

Mataos 3:8

Ebe no, guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e.

Mataos 21:32

ebe, Yʉanes a ze paʼra win ó, lé elɛʼle bɨn cɨcyel zi, bɨn bɛɛ l'akpɛl buʼla nye. To kœb ó, onwɨa o tœa ndwe e mɨmbambama bɛɛ, bé a si buʼla nye. Bɨn bɛɛ nteme lé ebee no, bɨn bé a baagwɨma mobebe mɨn, nkʉ dwir ba mɨleme, le ebuʼla lɔɔ we.»

Markus 1:2

Yé ó mpʉ yé ndɨ tila é kalara mo ngwiha mɨlɔb Ezayi ɨ. Yé ó tila ó: «Mbe! Me muno ze cen mwa mɨlʉmlʉ wam zi dolo, nye toʼ, to komlo go zi.