Mataos 27:3 - Kálara Zyɛ̌m Edwán é mpʉ̌n

³ Yʉdas, mʉr a kɛha Yesʉs ɨ, é jɔʼ nye a bee ó, bɨ dwe nye mobe mo jala e l'efie e, nye ntɔʼ gwɨma syɛɛla ye, ze to ó, nye to ó, buulo mɨsaŋ mɨ mɔn mowʉm molɛl bé a dwe nye e, dwe ojwɨɨ be opara ndwe e l'otamabʉr o lal.

Kálar Nzyɛ̌m : Ejwán é Sáá

³ Yʉ́das, mʉr á bɛ́ma Yésʉs nyá, ɨ́ jɔʼ nyé á bee ó, bɨ́ tíʼě lɔ̌b wé ó, nye dwêʼ yɨ́, nye á si jʉba. Nye ntɔ̂ʼ tô ó, nyě bwóóló ó minzaŋ mí nkóhó mɔnɨ́ myaá mekám mélɛ̂l, dwe ójwɨ́ɨ o mpáh Nzyɛ̌m le otɔ́má bʉ̂r o b'Ɨ́zraɛ̂l.

Mataos 27:3 ပူးပေါင်းရင်းမြစ်များ

2 Korɛnt 7:10

ebe, é jɔʼ bɨna bé eliʼ ga é gœʼra-gœʼra e mocyɛʼ mo nyʉl ebe sa Zyɛm lé esa-sa bɨna ga ɛ, yé esa-sa ó, mʉr gwɨma mobebe me le edwir leme. Ndwira leme waa, wé esa ó, bɨna biʼe tiʼ molu mo mpoʼ mɨmɛh. Mʉr nyiwɛh Zyɛm lé ekwɨɨ empime e, nye abe lé egwɨma empime laa pie tɨ. To kœb ó, é jɔʼ bʉr o si nwaʼ lé egba mʉr empime é leme e, lé ebula jʉ mʉr waa ó, jʉ jʉʼo.

Yʉanes 18:3

Yʉdas ze du be gʉ, bé e ntoo bɨzima ndwe e byʉʉ bɨpulʉm ojwɨɨ be opara bé e l'oFarizyɛŋ, bé a lomo e. Bé a be ó e mokʉa mo dɔm ndwe e molama; baʼ e motwim mo mpah.

Yʉanes 13:27

Enʉa Yʉdas a kʉ nʉa peh bler yaa nɛʼɛ, cye e cye yaa Satan ntɔʼ ze ni é nye. Yesʉs, nye e nye ó: «Kpahba sa sa go lé egwɨm sa nɨ.»

Yʉanes 13:2

Yesʉs bé e l'ompʉn be, bé a be ó lé ede é bii kʉʼ. É jɔʼ yaa, Njwɨɨ moleme a be ó si cyɛb Yʉdas Iskariot, mwan mo Simɔn, é leme, dwe nye jwɨʼ ó, nye kɛha Yesʉs.

Mɨlʉmlʉ 1:18

Tina, yé ó, é mɔn Yʉdas a bi tɔɔ myɛna duho é syɛɛla ozyɛhozyɛh ye e, nye ze to bwam peme. É peme gwar yaa, nye ze duma si mbumbur, mo we ntɔʼ bʉl, bɨsa bɨ mo bibyɛh kʉl é lɛʼ-lɛʼ si e si.