Mataos 27:2 - Kálara Zyɛ̌m Edwán é mpʉ̌n

² É jɔʼ bé a be, bé mu si kaʼ nye monkara ɛ, bé ntɔʼ ze to e nye, to kɛhɔ nye boo Pilat, a be ngoman ɨ.

Kálar Nzyɛ̌m : Ejwán é Sáá

² Jɔʼ bé á be, bé mû sí kâʼ nyé menkara yɨ́, bê nzě tô e né, tó tímlɔɔ nyé Pilátos, á be ngóvina nyá.

Mataos 27:2 ပူးပေါင်းရင်းမြစ်များ

Mɨlʉmlʉ 3:13

Nyi tiʼɔ mpʉnʉ ó, ebe Zyɛm mo Abraham, e Ɨzak ndwe e Yakɔb ndwe e bɨmpam ga bɨna. Nyɛɛ be ó si kpɛl ó, nye dwiibɨ syɛl mosa we Yesʉs. Bɨn bɛɛ, bé a si kɛha nye, ntɛŋɔ nye é mobo mo Pilat ó, nye jʉʼo nye. Bɨn bé a kɛha nye no ó, Pilat, nye osi tiʼe é leme we ó, nye bir ó nye.

Mataos 20:19

Bé òkɛha nteme nye boo bʉr o bɨkul é l'efu ó, bé kpeʼla nye, le efuura nye mɨmbihe le ecyèl nye é klos kʉ. Nye òbula pàh é l'elu elɛl.»

1 Timotɛ 6:13

Me elɛɛ go é mih mo Zyɛm Sɔŋ, waa lé edwe bɨsa bibyɛh tiʼ ɨ, ndwe e maa mo Yesʉs-Krɨst, mʉr a mɛʼle mbɨmbɨa é mih mo Pɔŋtos Pilat ɨ,

Lʉkas 13:1

É til molu yaa ó bʉʉ bʉr, bé a si ze lɛɛ e Yesʉs mpʉ Pilat a jʉ bʉʉ bʉr o Galɨle é jɔʼ bé a be lé edwe Zyɛm motwina mɔɔ ɛ. Nye a si syɛŋ motié mɔɔ e motwina bé a to dwe Zyɛm ɨ.

Ebrœ̂ 13:3

Toŋla ga mɨmbʉʼ: diʼe ga mpʉ sa lɛɛ ó, bɨn e boo nɔɔ bɨbɛh, bé ó mɨmbʉʼ e mɨmbʉʼ. Toŋla ga baa lé ebɔma e mɨtuu ɨ, ebe, bɨn bé egʉa mpʉ bɨntɨʼa ndɨ ekpaa é nyʉl ɨ.

2 Timotɛ 2:9

Bʉr, bé a si kaʼ me monkara mpʉ sa lɛɛ ó, me a be ó zilngan. Me esia e mɨtuu ó ebe Mbɨambɨa Lɔɔ me lé elɛɛ ɛ. Dam be no, ntʉʼ lɔɔ ndɨ eduho boo Zyɛm ɨ, wé a kaʼɔ!

Mɨlʉmlʉ 28:20

Ebe no ó me a be lé ekpɛl bee bɨn, le elwib e bɨn ɨ. Me mu é nkara ó, ebe mbɛla bɨna ga e boo bwa b'Ɨzraɛl ndɨ e tɨʼ é mɨleme e.»

Mɨlʉmlʉ 24:27

Pie e mɨmbu mɨmba, Pɔrkios Fɛstwis ze nʉa dia mo Felik. Mpʉ ngoman Felik a be lé ekpɛl ó, oYʉden, bé beŋɨ nye mbɨmbɨa ɛ, no ó nye a liʼe Pol é mbɛr mɨmbʉʼ ɨ.

Mɨlʉmlʉ 22:29

Cye e cye yaa, bʉr, bé o b'a ngbaa bî nye é l'efu ó, nye lwibɨ ɨ, bé ntɔʼ kpahbe duho é gumo nye a be e. Njwɨɨ bɨzima nɨnɨ nye mʉr tɨ, nye ze joʼo bʉa é jɔʼ nye a gʉa ó, Pol a byɛl ó mʉr Rom, gʉa nteme ó, nyi bana kaʼɔ nye e mɨkʉkob ɨ.

Mɨlʉmlʉ 22:25

Jɔʼ bé a sil kaʼ nye e mɨkol ó, bé fuura nye mɨmbihe e, Pol ze lɛɛ e njwɨɨ nter bɨzima a cyɛb é l'empàh ó: «Zê etie ga lɨna bʉr o Rom, lé akamle ó, go fuura me mɨmbihe é jɔʼ me l'apa kar é mih me olɔ̀b, olɔ̀b l'apa nʉa etiʼ ɨ?»

Mɨlʉmlʉ 21:33

No ó njwɨɨ bɨzima nɨnɨ a ze naʼ nye mobo é nyʉl, ntɔʼ dwe nkul ó, bé kaʼa nye e mɨkʉkob mɨmba. No ó nye a dî mbi mʉr nye a be e, ndwe e sa ebebe nye a pa kʉ sa ɛ.

Mɨlʉmlʉ 12:6

É guu pum, Pyɛr a be ó njaʼa si paʼra bɨzima bɨba, mbo wiwɛh kɛʼa e kʉkob, bɨzima bɨba, é mompàh mo nyʉl we, e mɨkʉkob mɨkɛʼa é mɔɔ mobo. Byʉʉ bɨzima byɛɛ, byé a be ó é l'ebe e mbɛr mɨmbʉʼ si. Erod a be lé egwɨm ó, é mɛn tɨ, nye ócyel Pyɛr é mih me ó, lɔb we, wé kaʼ lwibɔ.

Mɨlʉmlʉ 9:2

lé eto dî nye okalara lé edwe nkul é paʼ mompah mɨnjwɨʼla mɨ oYʉden ndɨ ɨ Damas ɨ. ǃBé si láa wa, bé òbir nye, ó nye mɛrɨ bʉr o lé edu Zi Tiʼ ɨ. Nye òbula e be mobo mɨkɛʼa Yerʉsalɛm, taare é bʉba, to pyal é bʉrʉm.

Mɨlʉmlʉ 4:27

Obuʼla ze ko tɨʼ ó: «Mpʉ yaa nteme ó yé a ka fuʼla ɛ! Ebe, yé cyecye ó, njwɨɨbʉr Erod Antɨpas bé e ngoman Pɔŋtos Pilat, bé a si syɛŋa é nkana yi, bé e bwa b'Ɨzraɛl, ndwe e bʉr o ndɨ abe oYʉden ɨ. Bɨbɛh, bé a si di bʉm, bònɔ pɨʼ ó, bé lwimla ó e syɛl mosa go Yesʉs, Mʉr ndɨ ti, waa go a lœm mulo e.

Yʉanes 18:24

Anas ze bula cen nye kɛʼa monkara boo njwɨɨ opara Kayɨfa.

Yʉanes 18:12

Njwɨɨ bɨzima nɨnɨ bé e ntoo bɨzima ye, ndwe e bɨpulʉm bɨ oYʉden, ze naʼɔ Yesʉs mobo é nyʉl, kaʼɔ nye.

Lʉkas 20:20

Bé ze taare lé ebaʼɔ nye, ze lomɔ bʉr o mpyɔm, nwɨɨla e l'ocɨcyel o bʉr, ó bé lam ó nye é mbi lwib nye óbɨha e be e, bé òkɛha nye é mobo mo ngoman.

Lʉkas 3:1

Yé a be ó é mbu ewʉm e tɛn Kɛɛza Tibɛrios a cyɛb njwɨɨ ɨ. Pɔŋtos Pilat a be ó ngoman é lal Yʉda; Erod Antɨpas nyɛɛ, njwɨɨbʉr é lal Galɨle. Ncyom we, die le Filip, a be ó lé ejwɨʼ mɨlal mɨ Itwire ndwe e Trakonitos. Lisanias nyɛɛ a jwɨɨ ó e lal Abilen.

Mataos 28:14

ǃƗ ngoman si fuuba joʼo lɔɔ waa nɛʼɛ, bɨh bé ógʉa mpʉ bɨh bé ólwib, cyeʼ nye, ó bɨn nkʉʼ di, akabɔ bɨntɨʼa tɨʼ ɨ.»

Lʉkas 23:1

No ó bʉr ó gwɨhla yaa, bé a ze mʉa e Yesʉs, toŋɔ e nye Pilat ye.

Lʉkas 23:12

Tina, yé ó, Erod bé e Pilat, bé a taare be ó bʉr o dɔm. No ó, é dobo laa ó bé a ka fuʼla ofo e.

Yʉanes 18:28

Bé ze bula e Yesʉs é bii mo Kayɨfa, ze toŋɔ e nye é bii mo ngoman. Yé a be ó é dwine mɛn. OYʉden bɛɛ, bé a baani é bii mo ngoman, lé ekpɛɛ ó, syɛɛla yaa, yé ódulo mpir é monyʉl mɔɔ, bé ntɔʼ ka fib mode mo Paska.