Mataos 26:41 - Kálara Zyɛ̌m Edwán é mpʉ̌n

⁴¹ Diʼe ga nkehe. Jwɨʼla ga e Zyɛm. Bé amu jaa boblo bɨn, bɨn duma. Sisim mo mʉr, wé e gwɨma esa mɨmpaŋ bɨsyɛɛla; mɨsʉn myɛɛ, akoʼo.»

Kálar Nzyɛ̌m : Ejwán é Sáá

⁴¹ Diʼee gá ɨ́ mpʉ̂n. Jɨʼlaa gâ, bɨ̌n ámû jaá bóblɔɔ, bɨ̌n ntɔ̂ʼ duma. Sísǐm mʉ̂r, wé damá gwɨ̂m ésâ bísyɛ́ɛla bimpâ, bipúno bíɛ, byé ɨ́ tyɛʼ.»

Mataos 26:41 ပူးပေါင်းရင်းမြစ်များ

Lʉkas 22:46

Nye ze jɨm be, le elɛɛ e be ó: «Ebe yé bɨn lé eja bɨdwo e? Mʉŋa ga si, saʼ ga mɨnjwɨʼla. Bé amu jaa boblo bɨn, bɨn duma.»

Markus 14:38

Diʼe ga nkehe. Jwɨʼla ga e Zyɛm. Bé amu jaa boblo bɨn, bɨn duma. Sisim mo mʉr, wé e gwɨma esa mɨmpaŋ bɨsyɛɛla; mɨsʉn myɛɛ, akoʼo.»

Éfɛsɔs 6:18

Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Lʉkas 21:36

Diʼe ga nkehe. Jwɨʼla ga é jɔʼ yiyɛh, ó bɨn nkʉʼ syɛhle bɨsyɛɛla bɨ moho waa bibyɛh. Jwɨʼla ga nteme ó, bɨn nkʉʼ be e nkul ecyɛb é mih mo Mwan mo Mʉr.»

Mɨngwiha 16:15

Tî ga wina, nye elɛɛ ó: «Mbe ga, me ó ma ze nɨ! Me ópyal bɨn ye ó, mpʉ ndiblʉ, mʉr abuʼla. Mocyɛʼ mo mpom, mé óswɨɨ é waa ndɨ edi nkehe, mɨkan mɨmbœra é nyʉl ɨ. Nyɛɛ, nye aŋa nyin fufwah, nkʉ sɔma.»

1 Korɛnt 16:13

Diʼe ga nkehe. Cyɛba ga é nkʉʼʉ é buʼo. Diʼe ga e leme onkɔɔ. Lela ga nkul.

1 Pyɛr 5:8

Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

2 Pyɛr 2:9

Yé be ó, Da a be si syɛb Lot é mɨtuu nɛʼɛ, lɛɛ ó, nye nteme ógʉa mpʉ nye ódɨ tiʼ bʉr bɨbɛh ndɨ edwaabe nye e, é jɔʼ bé lé entaa mobʉbla ɛ. Nye egʉa nteme mpʉ nye ókab ozyɛhozyɛh o bʉr bɨntɨʼa, le emɛr be é mpila é dobo le etiʼ e mɨlɔb ɨ.

Mataos 24:42

Ebe no, diʼe ga nkehe, ebe, bɨn bé agʉa dobo Tî win óbula ze e.

Mɨngwiha 3:10

No ó, me a lɛɛ e bɨn bɛɛ ó, bɨn dihba. Bɨn ntɔʼ ze baʼle lɔɔ wam waa. Mpʉ bɨn bé a joʼo me no e, me óbaʼle bɨn, ebe, bɨn bé amu jaa ni é bɨntɨʼa mu lé epyal é mʉr nyiwɛh é si nwaʼ ɛ.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

Lʉkas 22:40

É jɔʼ nye a pyal gumo yaa ɛ, nye ntɔʼ lɛɛ e be ó: «Saʼ ga mɨnjwɨʼla. Bé amu jaa boblo bɨn, bɨn duma.»

Galásia 5:24

Bʉr o ndɨ baa mo Yesʉs-Krɨst ɨ, bé a si cyèl nyʉl bɨpuno wɔɔ é klos kʉ, bé e bɨbebebebe bɨgwɨma bye bibyɛh.

1 Korɛnt 9:27

Me ejwɨʼ nyʉl wam é buobuo. Me egba nye é dia olʉa. Me amu jaa fib mompɔʼ, mɛm, mʉr a bɛa lɛɛ bʉr Mbɨambɨa Lɔɔ ɛ.

Mataos 25:13

Yesʉs ze lɛɛ e be ó: «Ebe no, diʼe ga nkehe, ebe, bɨn bé agʉa dobo nkʉ ewala me óbula ze e.»

Mataos 26:38

Nye ó: «Nyʉl mu ó lé ekʉ ze cyɛʼ me. Leme wam, wé ó mpʉ sa lɛɛ ó, me ópuro é l'empime. Diʼe ga wâ. Bɨna diʼe ga nkehe.»

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Lʉkas 11:4

Pɛʼɛ bɨbaa bɨ ebebe bɨh, mpʉ bɨh lé epɛʼ byaa bɨ bʉr o ndɨ esa bɨh ebebe e. Ato e bɨh é mobʉbla tʉŋlʉ.»

Lʉkas 8:13

Mʉʉ mompœʼ, mé a kur ó, é bwah yé a be é bah ekoʼ kʉ ɨ, sa nɨ lé edweʼle bʉr o b'a joʼo lɔɔ Zyɛm e bɨsʉhʉ é jɔʼ bé a jà we e. Sa gwar, bé a baadib lɔɔ waa zi ó, wé niʼe be é mɨleme tʉŋlʉ. Bé a kʉ ka buʼla we ó njɨ é ma jɔʼ, bʉr, bé ze tíile be é lɔb buʼo yɔɔ, bé ntɔʼ kaŋa e lɔɔ waa.