Mataos 26:13 - Kálara Zyɛ̌m Edwán é mpʉ̌n

¹³ Me elɛɛ bɨn cyecye ó nɛɛ: fum yiyɛh é si nwaʼ nyiwɛh bé ólɛɛ Mbɨambɨa Lɔɔ wiʼ ɨ, syɛɛla mʉma nwaʼ sa ɛ, yé ótaŋlɔ nteme. Bʉr, bé ótoŋlo nye tɨ.»

Kálar Nzyɛ̌m : Ejwán é Sáá

¹³ Mě lɛ́ɛ́ bɨ́n lɨ́ otyeetye ó, súm yɨ́yɛ̂h bé ngá túnǒ Mbɨambɨa Lɔ́ɔ́ wɨ̂ʼ ɨ́ sí yɨ̂ʼ yɨ́yɛ̂h yɨ́, syɛ́ɛla mʉ́má nyâʼ sá yɨ́, yé ólɛ́ɔɔ ntémé. Bʉr, bé ósímsa nyé tɨ̂.»

Mataos 26:13 ပူးပေါင်းရင်းမြစ်များ

Markus 14:9

Me elɛɛ bɨn cyecye ó nɛɛ: fum yiyɛh é si nwaʼ nyiwɛh bé ólɛɛ Mbɨambɨa Lɔɔ ɛ, syɛɛla mʉma nwaʼ sa ɛ, yé ótaŋlɔ nteme. Bʉr, bé ótoŋlo nye tɨ.»

Mataos 24:14

Ebe no, Mbɨambɨa Lɔɔ lé etiibe e jwɨ̀ʼa mo Da ɛ, wé ólɛɔ gumo yiyɛh é si nwa, lé esa ó, bʉr o ndɨ abe oYʉden ɨ, bé joʼa bʉr lé eboʼlo lɔɔ waa. Pie tɨʼ ó esie e mbi jɔʼ yi, lé óka bɔma ɛ.»

Ebrœ̂ 6:10

Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

Mɨngwiha 14:6

No ó, me a si bee nuu engles lé epiili é l'ejyoo kʉ. Nye a ze ó, lé eze lɛɛ Mbɨambɨa Lɔɔ. Wé ó lɔɔ ndɨ asiila-siila njʉmdia e njʉmdia ɛ. Nye ólɛɛ-lɛɛ lɔɔ waa ó, boo bʉr o bɨkul bibyɛh, bʉr o moveh mɨmɛh, bʉr o bɨlwib bibyɛh, ndwe e bʉr o mɨlal mimyɛh.

1 Timotɛ 2:6

Nye ó b'a kɛha tiʼ ye lé ejala e mobebe mo bʉr bɨbɛh, le ekʉr be e. No ó, mboʼla waa, wé a lɛɔ ó, njɨ é jɔʼ wé a jala le elɛɔ ɛ.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

Kolosi 1:6

Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.

2 Korɛnt 10:18

Ebe, ntʉʼ waa lé eseʼle nye mʉr tɨʼ ɨ, Da lé emɛʼle. Da mɛʼle ó, waa nye mʉr tɨʼ lé eseʼle e.

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

Rôm 10:18

No ó, me edî ó nɛɛ: «Zê oYʉden bɛɛ, bé a baajoʼo lɔɔ waa ɛ?» Ndɨ, bé a be ó si kʉ gʉa joʼo we! Yé ó njɨ, mpʉ bé a tile é Kalara Zyɛm ɨ. Yé ó tila ó: «Bʉr, bé a be ó si to le esa tuno waa gumo yiyɛh; motwii mɔɔ si jwɨ̂ʼ é si nwaʼ nyiwɛh, to pyal é modumo mo si mɨmɛh.»

Lʉkas 24:47

Yé a bɛa be tila nteme ó, bʉr, bé óto le elɛɛ Mbɨambɨa Lɔɔ é die le, lé eto le elɛɛ bʉr ó, bé gwɨma mobebe mɔɔ, le edwir mɨleme, Zyɛm pɛʼɛ be bɨbaa bɨ ebebe byɔɔ. Lɔb waa, wé ótunɔ ó, taare ɨ Yerʉsalɛm, to pyal é bɨkul bibyɛh.

Markus 16:15

No ó nye a lɛɛ e be ó: «Toʼ ga é si nwaʼ nyiwɛh, lé eto le elɛɛ mɨcyea bɨsa bibyɛh Mbɨambɨa Lɔɔ.

Markus 13:10

Sa efoʼ, yé ekʉ jala ó, Mbɨambɨa Lɔɔ taara lɛɔ é bɨkul bibyɛh.

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

Mɨlʉmlʉ 10:4

Nye ze dwɛʼ engles waa é tʉʉʉŋ e bʉa. Nye e nye ó: «Yé mu nyá, Da?» Engles ntɔʼ bɨha e nye ó: «Zyɛm, nyi bɨha mɨnjwɨʼla myo mbɨmbɨa. Nye etoŋlo go ó, ebe ngula go lé egul baanteʼenteʼe e.