Mataos 24:9 - Kálara Zyɛ̌m Edwán é mpʉ̌n

⁹ «É jɔʼ yaa ó bé ókɛha bɨn é mobo mo bʉr ofih, baa bé ótíile bɨn ɨ. Bé ójʉ bɨn bʉʉ bʉr. Bʉr o ndɨ abe oYʉden ɨ, bé ónwim bɨn é lɔb wam.

Kálar Nzyɛ̌m : Ejwán é Sáá

⁹ «Jɔʼ yaá ó bɨ́n ngá tyenɔɔ kwá bʉr o ngá buú lɛ̂ʼle bɨ́n túú bá. Bé ójʉ̂ bɨ́n. Bʉr o bíkúl bíbyɛ̂h, bé óbene bɨ́n ebe bɨ́n dí egúmo e me.

Mataos 24:9 ပူးပေါင်းရင်းမြစ်များ

Yʉanes 16:2

Bɨn bé ócyelɔ é pɨŋ, aka mɛʼlɔ é mompah mɨnjwɨʼla. Ewala, lé ópyal nteme, jɔʼ bʉr, bé ójʉ bɨn ɨ, bé ókʉ toŋlo ó, bé esa Zyɛm mɨmpaŋ bɨsyɛɛla é zi ejwɨɨ e bʉr laa.

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

Lʉkas 21:12

«No ó, é jɔʼ bɨsa byaa bibyɛh, byé óbe, l'apa syɛɛlɨ ɨ, bé ótaare lé enaʼ bɨn mobo é nyʉl, le etíile bɨn. Bé óto e bɨn é mompah mɨnjwɨʼla mɔɔ, le egba bɨn é mɨmbɛr mɨmbʉʼ. Bé óto e bɨn é mih mɨnjwɨɨbʉr myɔɔ le ongoman bɔɔ é lɔb wam, lé eto pur bɨn le ebuʼɔ bɨn mɨlɔb gʉ.

Mɨngwiha 7:14

Me e nye ó: «Da, gwɔɔ ó lé egʉa.» No ó nye a lɛɛ me ó: «Bʉr ba, bé ó baa b'a sia e ntɨʼa nɨnɨ pihe e. Bɨ sohlo bɨdur byɔɔ e motié mo Ma Ntœme. Ebe no ó mɨkan myɔɔ ndɨ é puum ɨ.

1 Pyɛr 4:16

Sa gwar, mʉr lé ebɔma e bɨntɨʼa ebe nye ndɨ kristen ɨ, nye l'ayi joʼo fwon ebe bɨntɨʼa byaa. Nye gumla njɨ Zyɛm, ebe, nyi mɛʼle ó, nye nkɛŋɨ die mo Krɨst.

Mɨngwiha 2:13

“Me egʉa gumo bɨn lé edi ɨ. Tɨʼ ó ndɨ dia taʼa mo Satan ɨ, bɨn yɛɛ lé eseʼle die lam. Bɨn bé a baakɛla ó, bɨn bé agʉa me, dam be é jɔʼ bé a jʉ Antɨpas ɨ. Bɨn bé a kʉ mɛʼle ó, bɨn bé edwiibɨ die lam. Antɨpas ó ndɨ mpaŋ mboʼla wam, le mʉr ebuʼla. Ebe no ó bé a mɛr nye é l'esama lɨn, jʉŋɔ nye e. Tɨʼ nteme ó ndɨ odia mo Satan.

Mɨlʉmlʉ 7:59

É mpʉ bé a be lé elumo nye mokoʼ e, Etyɛn a be ó njɨ lé ejwɨʼla e Zyɛm. Nye ó: «Da Yesʉs! Nʉŋa sisim wam.»

Lʉkas 11:49

Ebe no ó Zyɛm lé elɛɛ é l'ocyoo we ó: “Me ólomlo be ogwiha o mɨlɔb ndwe e mɨlʉmlʉ myam. Baʼ bʉr, bɨn bé ójʉ jʉʼo. Bʉʉ, bé ótíile.”

Mataos 23:34

Ebe no ó, mbe ga! Me ólomlo bɨn ogwiha o mɨlɔb bé e mɨpɨpɨʼ mɨ bʉr ndwe e l'oyeʼle o motie e. Baʼ bʉr, bɨn bé ójʉ jʉʼo. Bʉʉ, bɨn bé ócyèl é bɨklos kʉ. Bʉʉ nteme, bɨn bé ófuura be mɨmbihe é mompah mɨnjwɨʼla mɨn. Bɨn bé ótíile be, le edwih be é yiʼ nkana, le eto pɛʼ be é yʉʉ.

Mɨlʉmlʉ 28:22

No ó, bɨh bé ekpɛl joʼo mpʉ go lé epahle mɨlɔb myaa ɛ, ebe, é nko paʼ wih, sa bɨh bɛɛ ndɨ egʉa ɛ, yé ó, é bɨgumo bibyɛh, bé etɨ-tɨ mɨlɛa mɨ tɨ.»

Mataos 22:6

Baa bʉʉ, mɛrɔ osyɛl o mosa onɨ, saŋɔ be cere, jʉŋɔ be.

Yʉanes 15:18

«ǃƗ bʉr o ndɨ egumo e si nwaʼ si nwim bɨn nɛʼɛ, gʉŋa ga ó, bé a taare lé enwim ó me.

Yʉanes 15:21

«Sa gwar, bé ótíile bɨn ó, é lɔb wam, ebe, bé agʉa mʉr a ntɨh me e.