Mataos 24:5 - Kálara Zyɛ̌m Edwán é mpʉ̌n

⁵ ebe, buobuo bʉr, bé óze e die lam, lé elɛɛ-lɛɛ ó: “Mɛm ó di Lœma mulo mo Zyɛm!” Bé ógomlo bʉr é buobuo é bebebebe zi.

Kálar Nzyɛ̌m : Ejwán é Sáá

⁵ Ebě, bʉr ɨ́ buo buo, bé ónzɨnze e díé lâm, lɨ́ elɨlɛ́ɛ ó: “Mɛm ó dí Mʉ̌r Nzyɛ̌m á lœm múló mé jwɨ́ɨ nyá!” Bé ódímle bʉ̂r ɨ́ buo buo.

Mataos 24:5 ပူးပေါင်းရင်းမြစ်များ

Mataos 24:24

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

Mataos 24:11

Mɨmpʉmpʉl mɨ ogwiha o mɨlɔb, myé ópyal é buobuo le egomlo bʉr é buobuo é bebebebe zi.

1 Yʉanes 2:18

Bwan bam aa! Esie e mbi jɔʼ yi, lé mu ó kunokuno le epyal. Bɨn bé a si bɛa joʼo ó: «Mʉr dɔm mo Krɨst, nye ekʉ jala le etaare ze.» No ó, banana, bʉr o dɔm mo Krɨst, bé mu ó si buo! Ebe no ó bɨna mu lé egʉa ga ó, yi pyal é l'esie e mbi jɔʼ yiʼ ɨ.

Yʉanes 5:43

Mɛm a ze ó, é die mo Sɔŋ wam, bɨn l'amɛʼle nʉa me e duu. Sa gwar, ǃɨ nuu mʉr si ka ze é die le nye mʉr tɨʼ nɛʼɛ, mʉr waa ó bɨn bé ónʉa e duu.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

Yʉanes 8:24

Ebe no, me elɛɛ bɨn ó nɛɛ: “Bɨn bé ójala e mɨsyem min” ɨ. ǃBɨn si bene lé ebuʼla ó, mɛm ó ndɨ Me-ó-tɨʼ nɛʼɛ, bɨn bé ókʉ jala e mɨsyem min!»

Yʉanes 8:28

Yesʉs ze lɛɛ e be ó: «É jɔʼ bɨn bé óbɨr Mwan mo Mʉr kʉ ɨ, é jɔʼ yaa ó bɨn bé ógʉa ó, mɛm ó ndɨ Me-ó-tɨʼ ɨ. Bɨn bé ógʉa ó, me abe lé esa yʉʉ sɔʼɔ njɨ é nkul wam me mʉr tɨ. Me ekʉ lwib-lwib ó, njɨ sa Sɔŋ wam a yeʼle me e.

1 Yʉanes 2:22

Zé nyɛɛ ndɨ mpʉmpʉl? Nye ó waa nyiwɛh ndɨ ekɛla ó, Yesʉs, nye abe Lœma mulo mo Zyɛm. Mʉr dɔm mo Krɨst ó nɨ! Nye ó mʉr lé ekɛla Zyɛm Sɔŋ, bâʼle kɛla Mwan mo Zyɛm ɨ.

1 Yʉanes 4:3

To kœb ó, waa ndɨ akpɛl mɛʼle ó, Yesʉs a ze é si nwaʼ ó e nyʉl mʉr ɨ, nyiha, nye abe e Sisim lé eduho boo Zyɛm ɨ. Sisim nye ndɨ e we e, wé ó kʉ be waa mo mʉr dɔm mo Krɨst. Bɨn bé a be ó si cenɔ mpaŋla ó, nye ejala le etaare ze. No ó, banana, nye mu ó si pyal é si nwa.