Mataos 23:4 - Kálara Zyɛ̌m Edwán é mpʉ̌n

⁴ Bé ekaʼ mɨmbeʼ modile, gbaŋɔ bʉr mya é mobɛʼ é ziʼrɨ. Sa gwar, bé bʉr o tɨ, bé agwɨm nkɛɛ mye, dam be e dine gwar.

Kálar Nzyɛ̌m : Ejwán é Sáá

⁴ Bé lɨ́ ekâʼ mímbeʼ médile, gbáŋɔɔ bʉ̂r myǎ ɨ́ mikoo. Sâ gwár, bé bʉr o tɨ̂, bé agwɨ̂m ékúna e myê, damá jóʼo ó e diné gwár.

Mataos 23:4 ပူးပေါင်းရင်းမြစ်များ

Lʉkas 11:46

Yesʉs, nye e nye ó: «A vwaʼ e bɨn nteme, oyeʼle o motie! Bɨn bé ekaʼ mɨmbeʼ modile, gbaŋɔ bʉr mya é mɨkoo é ziʼrɨ. Bɨn bɛɛ l'agul be lé enkɛɛ mye, dam be e dine gwar.

Mɨlʉmlʉ 15:10

A, ebe yé bɨn ka boblo Zyɛm é bananaʼ ɛ? Bɨn bé ejɨ gba ompʉn baa mbeʼ é dile dile é koo, abe ó, bɨmpam ga bina, nkʉ bɨna ga bʉr o tɨ, bé a si pa taare koʼo we lé enkɛɛ.

Galásia 6:13

Abe e mʉr ngwar lé edu motie mo Moyiz, alɨha, dam be baa ndɨ esaŋɔ mpʉn ɨ. Bé ekpɛl yɛɛ ó, bɨn saŋɔ mpʉn. No ó, bé ósʉna e bɨbam byé óliʼ é monyʉl mɨn ɨ.

Mataos 23:23

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, ebe, bɨn dam bi bɨsa ndɨ é twaʼbe e, mpʉ bɨka monumo, bɨka bɨ dʉm ndwe e l'atuŋɔ-mbɛh, bɨn bé ebana dwe Zyɛm nkɔb ewʉm tɨ. To kœb ó, bɨn bé adu motie ndɨ é bul dile e. Mé ó: etiʼe bʉr mɨlɔb é l'ocɨcyel, elɛʼle ncwɨncwɨa, le edira monkɛʼ. Yé a kʉ jala ó, bɨn duʼo motie monɨ, ajɨha nteme lé edwe nkɔb ewʉm é bwa o bɨsa bin byaa.

Mɨngwiha 2:24

No ó, bɨn, bʉr o ndɨ ɨ Tiatir, baa ndɨ ajoʼo bɨbla sikʉlʉ yiʼ ɨ, bɨn bé adu mɨfela bɨsikʉlʉ Satan lé edwe, byaa bʉʉ bʉr lé elɛɛ-lɛɛ ó, byé ó cyecye e. Me ako bɨn nuu mbeʼ modile fih.

Mɨlʉmlʉ 15:28

Ebe, bɨh e Mbɨambɨa Sisim, bé a si bee embɨa ó, bɨh beʼ l'akɛl bɨn mbeʼ fih, njɨ bɨsyɛɛla ndɨ é buo nyɔm ɨ.

Mataos 23:3

Ebe no, saʼ ga mpʉ bé lé elɛɛ bɨn ɨ. Duʼo ga sikʉlʉ yɔɔ yaa. Sa gwar, abaŋa ga yɛɛ bɨsyɛɛla byɔɔ, ebe, bé elɛɛ ó lɛŋɨ, asa.

1 Yʉanes 5:3

Mpʉ mʉr lé ejala le elɛʼle Zyɛm kpɛl ó yi: é zi edu motie me. Motie me, mé abul kɔbla lé edu,