Mataos 22:5 - Kálara Zyɛ̌m Edwán é mpʉ̌n

⁵ Bʉr o nye a baŋle e, bɛɛ ze pyeh lɔɔ we waa, atoŋɔ. Bé a sa-sa ó: nwaʼ, to é ye peme; nuu, to é we mbɛr mompɛma.

Kálar Nzyɛ̌m : Ejwán é Sáá

⁵ Bʉr o nyé á báŋle bá, pyéhɔɔ mpáŋla nyé nyaá, atóŋɔɔ. Bé á sɨsâ ó: nyâ, tô ɨ́ yé pemé; nyʉ́ʉ́, tô ɨ́ wé mbɛ̌r mpɛ́ma.

Mataos 22:5 ပူးပေါင်းရင်းမြစ်များ

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

2 Timotɛ 3:4

Bé ókɛha bʉr o nduo yɔɔ. Bé ósa bɨsa bibyɛh mpʉ mɨcehle mɨ ogʉ. Bé óbul nkɛɛ monyʉl mɔɔ. Bé ókʉ kpɛl ó, njɨ bɨsyɛɛla bɨpuno byɔɔ lé ebul gwɨm ɨ, akpɛlɔ Zyɛm.

Rôm 8:6

Ebe, bʉr o ndɨ epahle njɨ bɨgwɨma bɨ nyʉl bɨpuno e, byé edaʼre ó efie é monyʉl mɔɔ. Gwɨma mo Mbɨambɨa Sisim yɛɛ, yé edwe bʉr tiʼ molu mo mpoʼ mɨmɛh ndwe e motala.

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

Mɨlʉmlʉ 24:25

Pol ze taare lé eyeʼle nye mɨlɔb mo Zyɛm, taare é mpʉ mʉr lé ejala le ekœʼ ebò e cyen é l'ocɨcyel ɨ, le mpʉ mʉr lé ejala le emɛr leme é lɔb ebebe e, to pyal é mbi Zyɛm ótiʼe bʉr bɨbɛh mɨlɔb ɨ. Felik ntɔʼ joʼo bʉa. Nye e nye ó: «Go ejala le efiʼ é banana! É jɔʼ me óbe e l'epʉla ɛ, me óbaŋle go.»

Mɨlʉmlʉ 2:13

Sa gwar, bʉʉ, bé a be ó lé ekpeʼle obuʼla. Bé ó: «Bé mu ó lé efwaʼ monwoʼ!»

Mataos 13:22

Nuu nteme, nye enwɨɨla ó e mpœʼ yé a kur é mɨndwinʉ ɨ. Nye a si kʉ joʼo lɔɔ Zyɛm. Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle nye, ntɔʼ kaʼ lɔɔ Zyɛm, wé l'aka johlo.

Mataos 22:4

Nye ze bâʼle lomo bʉʉ osyɛl o mosa be. Nye ó: “Lɛŋɨ ga e bʉr me a baŋle ó nɛɛ: Mɨ sil kaʼ dina ebe bɨn. Mɨ tiʼe mɨnjʉm bɨntɛɛ e bwa bɨntɛɛ ndɨ é nwaʼbe e. Sa yiyɛh mu ó kwɨmla. Ntaʼ ga é zɔɔ eba.”

Mataos 22:6

Baa bʉʉ, mɛrɔ osyɛl o mosa onɨ, saŋɔ be cere, jʉŋɔ be.

Yʉanes 2:16

Nye e bʉr o b'a be lé ebɛma mopɨba ó: «Pɛʼɛ ga mopɨba mɨn mɨmɛh wâ! Daʼ liŋ ga Mbɛr mo Sɔŋ wam mpah engar!»

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.