Mataos 22:4 - Kálara Zyɛ̌m Edwán é mpʉ̌n

⁴ Nye ze bâʼle lomo bʉʉ osyɛl o mosa be. Nye ó: “Lɛŋɨ ga e bʉr me a baŋle ó nɛɛ: Mɨ sil kaʼ dina ebe bɨn. Mɨ tiʼe mɨnjʉm bɨntɛɛ e bwa bɨntɛɛ ndɨ é nwaʼbe e. Sa yiyɛh mu ó kwɨmla. Ntaʼ ga é zɔɔ eba.”

Kálar Nzyɛ̌m : Ejwán é Sáá

⁴ Nye nzě báʼǎ lómo bʉ́ʉ́ ósyɛ̂l o mésá bé. Nye ó: “Lɛ́yɨ́ɨ́ gá bʉr o mé á báŋle bá ó: mɨ́ sîl ékomlo nzɔ́ɔ. Mɨ́ tíʼe bíntœœ le otír o dí ɨ́ nwaʼwo bá. Sá yɨ́yɛ̂h mû ó kʉmsá. Ntáʼ gá ɨ́ nzɔɔ.”

Mataos 22:4 ပူးပေါင်းရင်းမြစ်များ

Mɨlʉmlʉ 13:46

Pol bé e Barnabas ze lwib e be é kpɛŋlɛm, abe e bʉa. Bé ó: «Yé a jala ó, lɔɔ Zyɛm, wé taara lɛɔ bɨn ye, oYʉden. Sa gwar, bɨn mu ó lé ebene we, bɨn bé ebee ó, mbi bɨbɨbla bɨ bʉr bɨn ndɨ ɨ, yé ajala ó, bɨn biʼe tiʼ molu mo mpoʼ mɨmɛh. Mpʉ bɨn sa no e, bɨn bé esa ó, bɨh laŋa, lé eto lɛɛ lɔɔ waa boo bʉr o ndɨ abe oYʉden ɨ,

Mataos 21:36

Mʉr peme ze bâʼle lomo bʉʉ bʉr é bɨjɔʼ é buobuo, laa bim nye a taare lomo e. Osyɛl o mosa baa ze bâʼle sa be jwɨʼ gwar bé a pa sa bʉʉ ɨ.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

Mɨlʉmlʉ 1:8

Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»

Lʉkas 14:17

Nye ze lomo syɛl mosa we é jɔʼ dina a jala le etaare e, ó nye lɛŋɨ e bʉr o b'a bɛa baŋlɔ ó, bé kaʼ ze, ebe, bɨsa bibyɛh, byé a be ó kwɨmla.

Mataos 22:8

Pie tɨ, nye ze lɛɛ e l'osyɛl o mosa be ó: “Zɔɔ eba nyɛɛ, dina ó kwɨmla. No ó, bʉr me a taare baŋle e, bé ajala le edi tɨ.

Mataos 22:5

Bʉr o nye a baŋle e, bɛɛ ze pyeh lɔɔ we waa, atoŋɔ. Bé a sa-sa ó: nwaʼ, to é ye peme; nuu, to é we mbɛr mompɛma.