Mataos 22:16 - Kálara Zyɛ̌m Edwán é mpʉ̌n

¹⁶ No ó bé a ze lomo bʉʉ ompʉn bɔɔ nko nye a be e, bé e bʉr o mpoʼo Erod. Bé e nye ó: «Yeʼle, bɨh bɨ gʉa ó, go elɛɛ ó ocyecye. Go nteme, go edwe bɨh sikʉlʉ tiibe e Zyɛm é l'ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ.

Kálar Nzyɛ̌m : Ejwán é Sáá

¹⁶ Bé ntɔ̂ʼ lómo bʉ́ʉ́ ómpʉ́n bɔ́ɔ́ nko nyé á be yɨ́, bé e bʉ́ʉ́ bʉ̂r o nkɔ́m mé Erôd. Nó ó bé á lɛ́ɛ e né ó: «Lɛ̂ʼla, bɨ̌h bɨ́ gʉ́a ó, gǒ lɛ́ɛ́ ó, otyeetye. Go ntémé, gǒ lɛ́ʼlé bɨ́h ó, nzɨ̌ mé Nzyɛ̌m lɨ́ otyeetye. Go ntémé, gó abe lɨ́ edwáawo bʉ̂r mempǒm.

Mataos 22:16 ပူးပေါင်းရင်းမြစ်များ

Markus 3:6

No ó oFarizyɛŋ bé e bʉr o mpoʼo Erod, bé a ze pyal kʉl, ze to diŋɔ bʉm, bé ze dîila mpʉ bé jala le ejʉ Yesʉs ɨ.

Lʉkas 20:21

No ó bé a ze lɛɛ e nye ó: «Yeʼle, bɨh bé ekʉ gʉa ó, sikʉlʉ go lé edwe bɨh ɨ, yé ó njɨ cɨcyel. Go ádwaabe bʉr é lɔb mompom mɔɔ. Go eyeʼle bɨh ekœʼ ebò e cyen Zyɛm lé ekpɛl ó, bʉr kœʼœ œ.

Markus 12:14

No ó bé a ze lɛɛ e nye ó: «Yeʼle, bɨh bé egʉa ó, go elɛɛ ó ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ. Go edwe-dwe bɨh sikʉlʉ ó, lé eyeʼle mpʉ mʉr lé ejala le ekœʼ ebò e cyen Zyɛm lé ekpɛl ó, bʉr kœʼœ œ. No ó, lɛŋɨ bɨh: Zê motie ga mɨna, mé ekamle mʉr lé ejɛna tœa mo Kɛɛza ɛ? Zê yé kɔmlʉ ó, mʉr jɛna nye ya ɛ? Zê bɨna jɛna ga ɛ? Zê bɨna beʼ l'ajɛna ga ɛ?»

Markus 8:15

Yesʉs ntɔʼ bal be ó: «Diʼe ga ncye é motɨɨ mo oFarizyɛŋ ndwe e maa mo nkɔm mo Erod é lɔb levure bé ndɨ e ye e!»

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Yʉanes 18:37

Pilat, nye e nye ó: «No ó, go ó bana kʉ be njwɨɨbʉr!» Yesʉs ze bɨha ó: «Go mʉr tɨ, gɨ lɛɛ ó, me ó njwɨɨbʉr. Me a byɛl, ze kaʼ é si nwaʼ ó, lé eze lɛɛ bʉr ocyecye. Mʉr nyiwɛh lé egumo e mʉr lé elɛɛ ocyecye e, nye ejoʼo sa me lé elɛɛ ɛ.»

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yʉanes 7:18

Mʉr lé elwib é nkul we nye mʉr tɨʼ ɨ, nye esaa ó, bʉr dwiibɨ nye. No ó, mʉr lé esaa ó, bʉr seʼla mʉr a ntɨh nye e, nyɛɛ ó lé elɛɛ ocyecye. Nye akœʼ ebò e cyen ndɨ ozyɛhozyɛh ɛ.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

1 Tesalonika 2:4

Bɨh bé a lwib e bɨn ó, lé edu mpʉ Zyɛm lé ekpɛl ɨ. Nye a ntɨh bɨh Mbɨambɨa Lɔɔ we ó, bɨh lɛŋɨ bʉr wa. Bɨh bé a baasaa enyin mbɨmbɨa é mih mo bʉr, njɨ é mih mo Zyɛm, waa lé epahle mɨleme ga mina ɛ.

Galásia 2:6

Me a si to bee baa bé a nyin é mih ó, bé ó ocyɛb be efoʼ e... Nkʉ bé ó ocyɛb be efoʼ é l'ocyecye, nkʉ bé abe be, no yé asa mɛm sɔʼɔ, ebe, Zyɛm, nye adwaabe bʉr é lɔb mompom mɔɔ... Bʉr o b'a bul nyin no e, é jɔʼ me a lɛɛ be Mbɨambɨa Lɔɔ me lé elɛɛ bʉr ɨ, bé a baakɛl ekan egwar tɨʼ kʉ.

Galásia 1:10

No ó, banana, bɨn bé etoŋlo é yé? Zê me lé ekʉ bul saa ó, bʉr dweʼ me mokebe ɛ? Zê me lé esaa ó, Zyɛm dweʼ me ma ɛ? Zê gwɨma yam, yé ó bʉr kpɛlɨ me ɛ? Nkʉ me be ó be, sa sa bʉr o si nwaʼ lé egwɨm nɛʼɛ, mpa me aka kunbo e syɛl mosa mo Krɨst.

2 Korɛnt 5:16

Ebe no, banana, bɨh e bʉr o si nwa, bé aka bee mʉr mbea ngwar. Dam be mpʉ bɨh bé a taare bee Krɨst wɔɔ mbi mbea ɛ, banana, bɨh bé aka gʉa nye é mbi waa.

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

2 Korɛnt 2:17

No ó, bɨh bɛɛ, bé abe mpʉ obɛma o mɨlɔb mo Zyɛm. Zyɛm a lomo bɨh ó, loma. Lwib yaa, yé eduho bɨh é mɨmo si. Bɨh bé elwib mɨlɔb mye ó, é mih mo Zyɛm, é lɔb zyɛŋa wih boo Krɨst.

Lʉkas 7:40

Yesʉs ze nʉa lwib. Nye e Farizyɛŋ nɨ ó: «Simɔn, me e sa elɛɛ go.» Simɔn, nye e nye ó: «Yeʼle, lwibɨ, me ejoʼo.»

Markus 10:17

Mpʉ Yesʉs a be, nye mu lé etɨ cyen ɨ, nuu mʉr ze to kam, to kur moboo si é mih me, ntɔʼ dî e nye ó: «Mbɨambɨa yeʼle, me saʼ wáa mbi sɔʼɔ é l'efu ó, me biʼe tiʼ molu mo mpoʼ mɨmɛh?»

Mataos 26:49

Jɨh tɨʼ Yʉdas a kʉ pyal, dihle nteme kunokuno e Yesʉs, nye ntɔʼ lɛɛ ó: «Moswɨhlɨ, yeʼle!» Nye ntɔʼ du nye emuʼ é mpyɔʼ.

Mataos 26:18

Nye ze bɨha e be ó: «Toʼ ga é nkana nuu mʉr ye. Bɨn bé à lɛɛ e nye ó: “Yeʼle lɛɛ ó, jɔʼ ye, yé mu ó kunokuno le epyal. No ó, bé e l'ompʉn be, bé óze de mode mo Paska ó, go ye.”»

Mataos 22:26

Syɛɛla yaa pyal é waa mba, le waa lɛl, to-to ó toʼ, to pyal é waa tambɛl.

Mataos 22:24

«Yeʼle, Moyiz a be ó si tiile bɨna ga etie lɨ. Lé ó tila ó: “ǃƗ mbɛa mʉr, wé si dwè, aliʼe mwan nɛʼɛ, yé ejala ó, ncyom we, nye baʼ kuho mʉma we. Bé e mʉma waa nkʉʼ bya bwan é l'efu e tʉl.”

Markus 12:13

No ó bé a ze lomo bʉʉ oFarizyɛŋ bé e bʉʉ bʉr o mpoʼo Erod, ó bé toʼ, to pyal boo Yesʉs, lé esa ó, bé lam ó nye é mbi lwib nye óbɨha e be e.