Mataos 2:4 - Kálara Zyɛ̌m Edwán é mpʉ̌n

⁴ No ó nye a gohlo ojwɨɨ be opara bɨbɛh ndwe e l'oyeʼle o motie lé ekœʼ e bwa b'Ɨzraɛl ɨ. Nye ntɔʼ dî e be ó, yáa gumo Lœma mulo mo Zyɛm a jala le ebyɛl ɨ.

Kálar Nzyɛ̌m : Ejwán é Sáá

⁴ Nó nyé á gôhlo ojwɨ́ɨ o mpáh Nzyɛ̌m bɨ́bɛ̂h le olɛ̂ʼla o métié ó kûl bʉ̂r o b'Ɨ́zraɛ̂l. Nye ntɔ̂ʼ dî métwɨ́ɨ́ ɨ́ lɔ̌b Mʉ̂r Nzyɛ̌m á lœm múló mé jwɨ́ɨ nyá, ó nye gʉ́ŋaa gúmó yé á jala ó, nye byɛ́lɨɨ yɨ́.

Mataos 2:4 ပူးပေါင်းရင်းမြစ်များ

Mɨlʉmlʉ 23:9

Bé a be ó si bul bɨn motwii kʉ e nkul. No ó bʉʉ oyeʼle o motie é nkɔm oFarizyɛŋ, bé a cyɛb cɨcyel, ntɔʼ bɛʼ ó: «Bɨh bɛɛ, bé abee sa ebebe é mʉr nwa! Yé ó, go tiŋa ó, sisim, nkʉ ntɔʼ engles ó b'a lwib e nye!»

Mɨlʉmlʉ 6:12

Bé ze soʼlo mɨzɨze mɨ bʉr, ndwe e l'otamabʉr o lal, kɛl oyeʼle o motie ó, bé saʼ ntʉ. Bʉr ntɔʼ nkɔŋa, to nko Etyɛn a be e. Mɛrɔ nye, toŋɔ e nye é mih mo bʉr o Bʉm Nɨnɨ,

Mataos 21:23

Yesʉs ze bâʼle ni é jahla bii mo Zyɛm. É jɔʼ nye a be lé edwe bʉr sikʉlʉ tɨʼ ɨ, ojwɨɨ be opara ndwe e l'otamabʉr o lal «mpululu», ze dî e nye ó: «É wáa nkul mojwɨ̀ʼa go ndɨ esa mbi bɨsyɛɛla go lé esa biʼ ɛ? Go nteme go epa kʉ sa bye é die mo zé?»

Mataos 7:29

ebe, nye a baayeʼle mpʉ oyeʼle o motie bɔɔ. Nye a yeʼle-yeʼle ó e nkul mojwɨ̀ʼa Zyɛm a dwe nye e.

Mɨlʉmlʉ 4:5

É mɛn tɨ, ojwɨɨ be oYʉden bé e l'otamabʉr, ndwe e l'oyeʼle o motie ze fwalɔ Yerʉsalɛm.

Yʉanes 18:3

Yʉdas ze du be gʉ, bé e ntoo bɨzima ndwe e byʉʉ bɨpulʉm ojwɨɨ be opara bé e l'oFarizyɛŋ, bé a lomo e. Bé a be ó e mokʉa mo dɔm ndwe e molama; baʼ e motwim mo mpah.

Yʉanes 8:3

Oyeʼle o motie bé e l'oFarizyɛŋ ze pyalɔ nye e nuu mʉma bé a kʉ mɛr lé esa mɨfyɛba ɛ. Bé ze cyel nye teme bʉr.

Yʉanes 7:32

Mpʉ oFarizyɛŋ, bé a joʼo sa bʉr, bé a tʉʼra paʼra wɔɔ é lʉ mo Yesʉs ɨ, bé e l'ojwɨɨ be opara, bé ntɔʼ lomo bɨpulʉm lé eto naʼɔ nye mobo é nyʉl.

Yʉanes 3:10

Yesʉs, nye e nye ó: «Gwɔɔ yɛɛ njwɨʼ yeʼle motie é bwa b'Ɨzraɛl, zê yé abana go lé egʉa mɨlɔb mɨnɨ ɛ?

Lʉkas 23:10

Ojwɨɨ be opara bé e l'oyeʼle o motie, bé a be ó tɨʼ lé ebuʼɔ nye buobuo mɨlɔb.

Lʉkas 20:19

Oyeʼle o motie ndwe e l'ojwɨɨ be opara, bé a be ó lé ebà bɨjwɨʼ bɨ emɛr Yesʉs é jɔʼ gwar yaa, ebe, bé a be ó si gʉa ó, nye a sa kɨkɛna yaa ó, bé ó ndɨ osyɛl o mosa, ó die le «osyɛl o mosa», lé a dɨ tublo ó be! Sa gwar, bé a be yɛɛ ó, lé ekpɛɛ mɨzɨze mɨ bʉr.

Markus 8:31

Yesʉs ze taare lé eyeʼle ompʉn be. Nye ó: «Yé ókʉ be me é nere-nere ó, me sia e mɨtuu é buobuo, mɛm, Mwan mo Mʉr. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Mataos 27:1

É dwine mɛn, ojwɨɨ be opara bɨbɛh ndwe e l'otamabʉr o lal ze bòno pɨʼ, ó bé nkʉʼ jʉ Yesʉs.

Mataos 26:47

Yesʉs dina lé elwib no nɛʼɛ, Yʉdas bé e mpampaʼ bʉr é bwaʼbwaʼ ze pyalɔ é kpɨm. (Yʉdas a be ó mʉr ngwar é l'Esama le ompʉn ewʉm e l'oba mo Yesʉs.) Bʉr o b'a ze e, bé a ze ó, baʼ e mɨfòŋ, bʉʉ e mɨmbɨŋ. Ojwɨɨ be opara ndwe e l'otamabʉr o lal ó b'a lomo be.

Mataos 26:3

Ojwɨɨ be opara ndwe e l'otamabʉr o lal ze gwɨhla é bii mo njwɨɨ opara a be die Kayɨfa ɛ.

Mataos 21:15

É mpʉ ojwɨɨ be opara ndwe e l'oyeʼle o motie, bé a bee bɨsyɛɛla Yesʉs a sa ɛ, le ejoʼo mpʉ bwɔɔncyom, bé a bʉ bɨyaŋa é jahla bii mo Zyɛm, le elɛɔ ó: «Kɛɛɛɛɛɛ! Mwan mo David ó nɨ!» ɨ, bé ntɔʼ joʼo be ebebe.

Mataos 13:52

Nye ze lɛɛ e be ó: «Ebe no, yeʼle motie nyiwɛh mu mpʉn é jwɨ̀ʼa mo Da ɛ, nye enwɨɨla ó e mʉr mbɛr lé eto-to é l'ekʉm le, to nʉa-nʉa bɨsa bye tɨʼ ɨ. Yiʼ jɔʼ, nye ebula ó e bɨsa modwan; yʉʉ jɔʼ, bula e bɨsa bɨmya.»

Mataos 2:3

Jɔʼ njwɨɨbʉr Erod a jʉʼra lɔɔ epyal lɔɔ ɛ, nye ze syɛl ba é buobuo, bé e bʉr o Yerʉsalɛm bɨbɛh jwɨʼ gwar.

Mataos 2:5

Bé e nye ó: «Yé óbe ó Betɛlɛhɛm, nkana lal Yʉda. Bɨna bé egʉa ga no, ebe, nuu ngwiha mɨlɔb a tile é lɔb waa ó: