Mataos 19:9 - Kálara Zyɛ̌m Edwán é mpʉ̌n

⁹ Me elɛɛ bɨn ó nɛɛ: ǃɨ mʉr si buulo myɛl—nyɛɛ yɛɛ l'asa mɨfyɛba—ntɔʼ ba mʉma fih nɛʼɛ, nyi sa mɨfyɛba ó tɨʼ ɨ.»

Kálar Nzyɛ̌m : Ejwán é Sáá

⁹ Mě lɛ́ɛ́ bɨ́n ó, mʉ̂r óbwóolo mʉ́má wé, nyɨɛ yɨ́ɛ l'asâ médyɛ̂n, ntɔ̂ʼ bâ waá swîh nó, nyɨ́ sâ médyɛ̂n ó tɨ̂ʼ yɨ́.»

Mataos 19:9 ပူးပေါင်းရင်းမြစ်များ

Mataos 5:32

No ó, mɛm, me elɛɛ bɨn ó nɛɛ: ǃɨ mʉr si buulo mʉma we nyɛɛ yɛɛ l'asa mɨfyɛba, myɛl ntɔʼ to sa mɨfyɛba nɛʼɛ, nyi sa ó, nye diʼe mʉma mɨfyɛba. ǃƗ mʉr si ba mʉma nuu mʉr a buulo nɛʼɛ, mʉr waa nteme, nyi sa mɨfyɛba.»

Lʉkas 16:18

«ǃƗ mʉr si buulo myɛl, ntɔʼ ba fih nɛʼɛ, nyi sa mɨfyɛba. ǃƗ mʉr si ba mʉma nuu mʉr a buulo nɛʼɛ, mʉr waa nteme, nyi sa mɨfyɛba.»

1 Korɛnt 7:39

Mbɛa mʉma nyiwɛh, nye ejala le ebaʼle njʉm we, cye yiyɛh njʉm we dina kʉ ɨ. ǃƗ njʉm si dwè nɛʼɛ, kʉ gʉa ó, nye mu ó mʉr ndɨ é dia otî ɨ. Nye óbɛm ka to ni é l'eba boo mʉrʉm nyiwɛh nye kpɛl ɨ. Nye à ni é l'eba yɛɛ boo mʉrʉm ndɨ bɛa be é zyɛŋa wɔɔ boo Da Yesʉs ɨ.

1 Korɛnt 5:1

Bʉr bé ejoʼo bé lé elɛɛ é gumo yiyɛh ó, yé e mʉr é l'esama lɨn lé esa bɨmala é lɔʼba-lɔʼba, é mbi mɨnjeʼe-Zyɛm ndɨ abe lé esa ɛ. Nuu mʉr é l'esama lɨn, nye ebana tiʼe e myaa sɔŋ!

1 Korɛnt 7:4

Mʉma, nye abe e nkul ó, nye saʼ nyʉl we njɨ mpʉ nye lé ekpɛl ɨ. Njʉm ó ndɨ ejwɨʼ nyʉl mo mʉma. Jwɨʼ gwar yaa, mʉrʉm, nye abe e nkul ó, nye saʼ nyʉl we njɨ mpʉ nye lé ekpɛl ɨ. Myɛl ó ndɨ ejwɨʼ nyʉl mo njʉm.

Mataos 19:8

Nye ó: «Moyiz a fuo tiile etie laa ó, bɨn nkʉʼ bir-bir bʉba bɨn ó, ebe, bɨn bé é bul lele mɨlʉ. To kœb ó, é l'etɔɔrʉ, etie laa, lé a baabe tɨ.

Mataos 19:10

No ó ompʉn be, bé a ze lɛɛ e nye ó: «Yé be ó, tiʼ mʉma e mʉrʉm, yé óbe no nɛʼɛ, lɛɛ ó, yé agum ka jala ó, mʉr baʼ.»