Mataos 18:7 - Kálara Zyɛ̌m Edwán é mpʉ̌n

⁷ «A vwaʼ e bʉr o si nwaʼ ndɨ egomlo bʉʉ bʉr é zi mɨsyem ɨ! Yé cyecye ó, mobɔʼ mé ndɨ edumo bʉr ɨ, mé abe e nkul edi, abe. Sa gwar, a vwaʼ e mʉr ókol bʉʉ bʉr mobɔʼ maa ɛ!

Kálar Nzyɛ̌m : Ejwán é Sáá

⁷ Nkoó, nyé e bʉr ó sí yɨ̂ʼ dí egbâ mébɔ̌ʼ mé óbɨma bʉ́ʉ́ bʉ̂r ɨ́ miléme ó, bé sâʼ misyóm má bá! Yê tyeetye ó, mebɔ̌ʼ me dí ebɨma bʉ̂r ɨ́ miléme má, mé abe e nkul edi, abe. Sâ gwár, nkoó nye ó e mbi mʉ̂r dí egbâ bʉ́ʉ́ bʉ̂r mǎ wɨ́!

Mataos 18:7 ပူးပေါင်းရင်းမြစ်များ

Lʉkas 17:1

No ó Yesʉs a lɛɛ e l'ompʉn be ó: «Yé óbe é jɔʼ yiyɛh ó e mozi bʉr, bé ódɨ jyɛl tɨʼ, ó bé saʼ mɨsyem ɨ. Sa gwar, a vwaʼ e mʉr ógomlo bʉʉ bʉr é zi waa ɛ!

1 Korɛnt 11:19

Yé ekʉ jala ó, mpɔʼa monkɔm dɨʼe nyin paʼra win, ó bé nkʉʼ gʉa dweʼe baa ndɨ egʉa jyɛʼ taa buʼo yɔɔ boo Zyɛm ɨ.

Mataos 26:24

Yé ó no: Mwan mo Mʉr ódwè é mpʉ yé ndɨ tila é Kalara Zyɛm, tiibe e nye e. Sa gwar, a vwaʼ e mʉr ókɛha Mwan mo Mʉr ɨ! Yé a ngbaa mbɨa mʉr waa ó, mpa nye a baabyɛl!»

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

Títos 2:8

Lwib yo, yé duʼo mpaŋ sikʉlʉ bɨna lé ejwɨʼ ga ɛ. Ebe no ó bʉr bé óbe, akœb sa elɛɛ é l'ebebe, tiibe e lwib yo e. Bʉr o dɔm onɨ, bé óka joʼo fwon nteme, bé l'abe e sa ebebe bé ólɛɛ, tiibe e bɨna ga.

Títos 2:5

Mé gʉa pahle mɨlɔb. Mé diʼe é pememe. Mé sea é mɨmbɛr myɔɔ, lé ecwɨa e bʉr. Mé saʼ ojʉm bɔɔ mojoʼo. Ebe no ó bʉr, bé óbe, l'afœʼ lɔɔ Zyɛm ɨ.

1 Timotɛ 6:1

Molʉa, mé ejala le enʉa omasa bɔɔ mpʉ bʉr bé lé ejala le edwaabe e. No ó bʉr nkʉʼ di, apyeh Zyɛm, nkʉ fœʼ bʉr o lé edu sikʉlʉ bɨna lé eyeʼle ga bʉr ɨ.

Mɨlʉmlʉ 1:16

«Obɨɔ ga bam aa! Yé a kʉ jala ó, yé syɛŋɨ lé edira lɔɔ ndɨ tila é Kalara Zyɛm ɨ! Peh Kalara Zyɛm yaa, yé a tilɔ ó, mpʉ Mbɨambɨa Sisim a bɛa lɛɛ bɨna ga é nʉm mo David ɨ. Nye a tile ó, é lɔb mo Yʉdas, waa a lɛʼle bʉr mpʉ bé toʼ, to naʼ Yesʉs mobo é nyʉl ɨ.

Yʉanes 17:12

É jɔʼ bɨh e boo nɔɔ, bé a be-be e, me a dɨ baʼle be ó, é nkul die lo go a dwe me e. Me a si kʉ kamle e be! Abe e mʉr ngwar a dim é l'esama lɔɔ, alaa ó waa a bɛa be ó, nye lé ejala le edim ɨ. Yé a syɛɛlɨ no ó, lé edira lɔɔ ndɨ tila é Kalara Zyɛm ɨ.

Markus 13:7

Bɨn bé ójoʼo mɨlɔɔ é lɔb mɔm bé mu lé elwimla ɛ, ndwe é lɔb mɔm bé lé edɨ kaʼ ɛ. É jɔʼ bɨn bé ójoʼo no e, mʉr ayi twɨra, ebe, yé ókʉ be bɨn é nere-nere ó, bɨsɨa byaa taara syɛɛlɨ. Dam be no, ntʉʼ bɨsɨa byaa, byé ócemle esie e mbi jɔʼ yi.

Mataos 16:23

Yesʉs ze dwibra, nye e Pyɛr ó: «Satan, pʉʼa me é mih! Akol me ebɔʼ lé ódumo me e. Mɨpɛhla myo, myé abe myaa mo Zyɛm, njɨ myaa mɨ bʉr.»