Mataos 18:3 - Kálara Zyɛ̌m Edwán é mpʉ̌n

³ «Me elɛɛ bɨn cyecye ó nɛɛ: ǃbɨn bé adwir mɨleme, bâʼle di mpʉ bwɔɔncyom nɛʼɛ, bɨn bé ákwoʼ ni é jwɨ̀ʼa mo Da.

Kálar Nzyɛ̌m : Ejwán é Sáá

³ «Mě lɛ́ɛ́ bɨ́n lɨ́ otyeetye ó, bɨ́n bé adwira, báʼǎ dǐ mpʉ bwá ó ntwǒm nó, bɨ̌n bé ákóʼó nî níʼée ɨ́ Mpóʼo mé Dâ Nzyɛ̌m.

Mataos 18:3 ပူးပေါင်းရင်းမြစ်များ

1 Pyɛr 2:2

Gwɨmɨ ga ó, bɨn jwɨʼɨ mɨmpaŋ mɨyeʼla, myaa ndɨ ejala e bɨn ɨ. Myé ó ngo sa ó, bɨn gwɨa é zi we, bɨn ntɔʼ bi tiʼ molu mo mpoʼ mɨmɛh. Saʼ ga no mpʉ bɨcyee ndɨ egwɨm monyaŋ ɨ,

Mataos 19:14

Yesʉs nyɛɛ ze lɛɛ e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e.»

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

Yʉanes 3:5

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, apa byɛl mbyɛla modibe e waa Sisim nɛʼɛ, gʉŋa ó, mʉr waa, nye ákwoʼ ni é jwɨ̀ʼa mo Zyɛm.

Yʉanes 3:3

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Lʉkas 13:24

«Gbaʼ ga monyʉl lé eni é l'ebe ndɨ é ban ɨ. Me elɛɛ bɨn ó: buobuo bʉr, bé ósaa eni tɨ, bɛɛ abe e nkul.

Mɨlʉmlʉ 3:19

No ó, gwɨma ga mobebe mɨn. Bɨn bé à dwibra nko Zyɛm ndɨ ɨ, nye nkʉʼ pɛʼ bɨbaa bɨ ebebe nye a niʼe é lɔb mɨsyem min ɨ.

Mɨlʉmlʉ 28:27

Bʉr o kul yi, bɨ lɨl mɨleme. Mogwal mɔɔ, mé agʉa joʼo sɔʼɔ. Bɨ dible mih mɔɔ. Nkʉ bé a be ó be, bee e mih mɔɔ é sʉlʉlʉ ndwe le ejoʼo e mogwal mɔɔ é saŋ-saŋ, mpa bɨ gʉa é kpɛhla é jɔʼ yaa. Nkʉ bé a be ó be, gʉa ocyecye nɛʼɛ, mpa bɨ dwibra, ntɔʼ ze boo me. Mpa bɨ sa nteme ó, me dweʼ be tiʼ molu mo mpoʼ mɨmɛh.’”»

Yʉanes 1:51

Yesʉs ze ko tɨʼ ó: «Me elɛɛ bɨn cyecye ó nɛɛ: bɨn bé óbee jobo lé ebɔa mbɨembɨe e lʉ Mwan mo Mʉr, beengles mo Zyɛm lé ebere le efulo tɨ.»

Mataos 5:20

Ebe no, me elɛɛ bɨn ó nɛɛ: ǃɨ ocɨcyel win, wé si be, alaa waa oFarizyɛŋ, nkʉ waa oyeʼle o motie nɛʼɛ, bɨn bé ákwoʼ ni é jwɨ̀ʼa mo Da.»

Lʉkas 22:32

Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

Markus 4:12

“Bé ósyɛm mih é jɔʼ yiyɛh; sa gwar, bé aŋa gʉa bee. Bé óceŋle mogwal; abi ba pɨʼ. Nkʉ bé a be ó be, bi pɨʼ waa nɛʼɛ, mpa bɨ gwɨma ebebe lɔɔ, le edwir mɨleme. Yé a ngbaa be nteme ó, mɛm lé epɛʼ bɨbaa bɨ ebebe me a niʼe be e.”»

2 Pyɛr 1:11

No nteme ó Zyɛm óbeŋle bɨn le edib bɨn zi ó, bɨn niʼe é jwɨ̀ʼa mo Tî ga wina le Tiʼbʉr ga wina Yesʉs-Krɨst ɨ. Jwɨ̀ʼa ye yaa, yé ódi ó njʉmdia e njʉmdia.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Mataos 19:23

Yesʉs ze lɛɛ e l'ompʉn be ó: «Me elɛɛ bɨn cyecye ó nɛɛ: yé é bul kɔbla lé eni é jwɨ̀ʼa mo Da é jɔʼ mʉr ndɨ e l'okum e l'ogbaa twiha ɛ!

Mataos 13:15

Bʉr o kul yi, bɨ lɨl mɨleme. Mogwal mɔɔ, mé agʉa joʼo sɔʼɔ. Bɨ dible mih mɔɔ. Nkʉ bé a be ó be, bee e mih mɔɔ é sʉlʉlʉ ndwe le ejoʼo e mogwal mɔɔ é saŋ-saŋ nɛʼɛ, mpa bɨ gʉa é kpɛhla é jɔʼ yaa. Nkʉ bé a be ó be, gʉa ocyecye nɛʼɛ, mpa bɨ dwibra, ntɔʼ ze boo me. Mpa bɨ sa nteme ó, me dweʼ be tiʼ.”»

Mataos 6:16

«No ó, é jɔʼ bɨn lé eti mode e, mʉr alwaare monceme mpʉ baanya-bɨkʉʉŋʉ lé esa-sa ɛ. Bé elwaare-lwaare monceme ó, lé ekpɛl lɛʼle bʉr ó, bé mu ó lé eti mode. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 6:5

«Jɔʼ bɨn lé ejwɨʼla e Zyɛm ɨ, asa ga mpʉ baanya-bɨkʉʉŋʉ lé esa ɛ. Bé ejwɨʼla-jwɨʼla ó, ocɨcyel é mompah mɨnjwɨʼla mɔɔ le moman mɨmpaʼa, ó bʉr, bé beŋɨ be. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 6:2

«Ebe no, ǃgo óbe ó lé edwe baanteʼenteʼe o bʉr mɔn nɛʼɛ, ato le elɛɛ sa yaa kʉ kʉ, mpʉ baanya-bɨkʉʉŋʉ lé esa é mompah mɨnjwɨʼla mɨn le moman mɨmpaʼa ɛ. Bé esa no ó, bʉr nkʉʼ seʼle be. Me elɛɛ bɨn cyecye ó nɛɛ: bɨha bʉr, bɨ bɛa bi myɛna mɔɔ.

Mataos 5:18

Me elɛɛ bɨn cyecye ó nɛɛ: to pyal é jɔʼ kʉ e si, byé ósie e, kaŋa gwar tɨ, nkʉ ma etɔn egwar, byé ákwoʼ pʉʼa é motie mo Moyiz, to pyal é jɔʼ sa yiyɛh, yé ósyɛɛlɨ ɨ.

Mataos 18:2

Yesʉs ze jebe mancyom, cyel nye é mih mɔɔ. Nye ó:

Mataos 18:4

Ebe no, mʉr nyiwɛh ófil nyʉl we si, di mpʉ mwan nwaʼ ɛ, nye óbe bwaʼbwaʼ sɔʼɔ é jwɨ̀ʼa mo Da.