Mataos 13:44 - Kálara Zyɛ̌m Edwán é mpʉ̌n

⁴⁴ «Jwɨ̀ʼa mo Da, yé enwɨɨla ó e sa ndɨ é buo dime e, yaa yé a be fola é peme e. No ó nuu mʉr a to pu tɨ, ntɔʼ gbɛm efo laa, nye ntɔʼ bâʼle buuro le tɨ. Nye ze bul soho, ntɔʼ to bɛma mobi me mɨmɛh, bula kwar, ze bwam peme yaa e mɔn ye.»

Kálar Nzyɛ̌m : Ejwán é Sáá

⁴⁴ «Mpóʼo mé Dâ Nzyɛ̌m nwɨɨla ó e sá dí ɨ́ buo ódimé, yaá nyʉ́ʉ́ mʉ̂r á sol ɨ́ pemé yɨ́. Nó nyʉ́ʉ́ mʉ̂r swîh á to pû, ntɔ̂ʼ kúlwa lɨ́ esǒ lé laá, nye ntɔ̂ʼ báʼǎ búblo yé tɨ̂. Nye nzě buú soho, ntɔ̂ʼ tó bɛ́ma mébi mé mɨ́mɛ̂h, búla, nzě bwâm pemé yaá e mɔnɨ́ yé.»

Mataos 13:44 ပူးပေါင်းရင်းမြစ်များ

Kolosi 2:3

Ocyoo le ngwɨa wiwɛh, bɨn bé ejala le esaa bye ó, é Krɨst tʉŋlʉ, fum byé ndɨ mɨfela ɛ.

Lʉkas 14:33

Jwɨʼ gwar yaa, é sama yin, bɨn bɨbɛh, abe e mʉr ndɨ e nkul edi mpʉn wam, nkʉ nye apa nkɛɛ klos ye.»

Mataos 6:21

Maʼa ga okum e l'ogbaa win gʉ, ebe, gumo okum win ndɨ ɨ, tɨʼ nteme ó mɨleme min, myé óbe e!»

Mataos 19:29

Mʉr nyiwɛh ndɨ si liʼe mɨmbɛr mye, obɨɔ be, okɛl be, sɔŋ we, nyɔŋ we, bwan be, nkʉ bɨpeme bye é lɔb wam ɨ, nye óbula bi bye zɔʼ nter, bi nteme tiʼ molu mo mpoʼ mɨmɛh.

Mɨngwiha 3:18

Me etɨe bɨn ó: ǃbɨn si gwɨm bi mpaŋ okum nɛʼɛ, bwama ga gol yam. Yi duho é duro e molul. Bwama ga mɨkan mɨpumo. Bɨn bé à bwar mye, aka di fufwah é nda ndwe e fwon. Bɨn bé à bwam nteme mir etwaale é mih, ó bɨn nkʉʼ bula bee.”

Mataos 19:27

Pyɛr ntɔʼ nʉa lwib. Nye e nye ó: «Paʼ bee! Bɨh bɨ liʼe bɨsa bih bibyɛh, njɨ lé edu go. A bɨh bɛɛ, bé óbi yé?»

Mataos 19:21

Yesʉs ze lɛɛ e nye ó: «Yé be ó, go egwɨm kumo é l'ombɨmbɨa é mɨpaʼ mimyɛh nɛʼɛ, toʼ, to bɛma bim bɨsa go ndɨ e bye e. Go à dwe baanteʼenteʼe o bʉr mɔn tɨ. É jɔʼ yaa ó go óbi okum e l'ogbaa twiha é lal mo Zyɛm ɨ. Pie tɨ, go òze du me.»

Rôm 15:4

Sa yiyɛh ndɨ tila é Kalara Zyɛm ɨ, yé a tilɔ no ó, é l'efu ó, bɨna jwɨʼɨ ga bɨsikʉlʉ ndɨ tɨʼ ɨ. Kalara waa, nye egba bɨna ga nkul é monyʉl. Nkul waa, ndwe e bihbe bɨna lé ebi ga ɛ, byé esa ó, mɨleme ga mina, myé lwɨŋlɨ e mbɛla.

Mataos 13:24

Yesʉs ntɔʼ bâʼle sa be kɨkɛna fih. Nye ó: «Jwɨ̀ʼa mo Da, yé enwɨɨla ó e mʉr a bè mbɨambɨa mpœʼ é peme ye e.

Ebrœ̂ 10:34

Bɨn bé a si jwɨʼ bʉr o mɨmbʉʼ nkoo. É jɔʼ bʉr, bé a dɛn bɨn bɨsa bin ɨ, bɨn bé a be ó si bir bɨsa byaa e bɨsʉhʉ, ebe, bɨn bé a be ó si kʉ gʉa ó, bɨn bé óbana bi bɨdime bɨsa, laa byaa bé a dɛn ɨ. Byé nteme, byé ó bɨsa lé edi ɨ.

Yʉanes 6:35

Yesʉs, nye e be ó: «Me ó ndɨ mode lé etiʼ bʉr ɨ. Mʉr nyiwɛh lé eze boo me e, nye abe e nkul eka joʼo za. Mʉr nyiwɛh lé ejyɛʼ taa buʼo ye boo me e, nye abe e nkul eka joʼo dweh modibe.

Kolosi 3:16

Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.

Mataos 13:46

Jɔʼ nye a to bee ekoʼ e mɨndwe ndɨ é bul buo dime e, nye ntɔʼ to bɛma mobi me mɨmɛh, ntɔʼ bula, ze bwam mbɨambɨa ekoʼ e mɨndwe laa.»

Mataos 13:47

«Jwɨ̀ʼa mo Da, yé ebâʼle nwɨɨla ó e kʉa bé a la é modibe maŋ ɨ. Bé a be ó lé egwɨm mɛr ofu bé ókwɨa tɨʼ ɨ, mɨmbi mimyɛh.