Mataos 13:30 - Kálara Zyɛ̌m Edwán é mpʉ̌n

³⁰ Birɨ ga bɨka ndɨ abe e mpi ɨ, byé gwɨa, byé e mompœʼ mam, to pyal é mya me ólomo bʉr ó, bé ntaʼ é mɨngol ɨ. É mya mɨngol ó me ólɛɛ e bʉr baa ó, bé taara tɨ bɨka ndɨ abe e mpi ɨ, kaʼ bye mɨmbom, diʼɔ bye. Pie tɨ, bé òpɛʼ mpaŋ mode, kaale me é l'enkuna lam.”»

Kálar Nzyɛ̌m : Ejwán é Sáá

³⁰ Bírɨ́ɨ́ gâ, byé gwɨ́aa sɔ́má, tó pyâl ɨ́ jɔ̌ʼ swɨɨ ékpɛm, jɔʼ bé ngá kpɛm méde yɨ́. Jɔʼ yaá ó mé ólɛ́ɛ ókpɛma ó, lɨ́ esôʼ, bé táaraa emɛɛ bébebébe ká yaá, kâʼ yé mimbom, díʼɔɔ yê. Píe tɨ̂, bé okpɛm méde mempâ, kaale mé ɨ́ nkuna nyǎm.”»

Mataos 13:30 ပူးပေါင်းရင်းမြစ်များ

Mataos 3:12

Nye e pyɛba é mobo. Nye ólwal mpumo, ntɔʼ pyɛb. Pie tɨ, nye ógwamle duò epyɛb yaa, ntɔʼ komo mɨpyɛba é bɨtaa. No ó, mpʉn nyɛɛ, nye ósyɛŋ nye é syɛŋ syɛŋ, ntɔʼ sʉ é siʼe ndɨ adime-dime e.»

1 Timotɛ 5:24

Mɨsyem mɨ bʉʉ bʉr, myé asa dɨʼ. Myé ebana gʉŋɔ, bʉr baa l'apa dweŋɔ mobe. Bʉʉ bʉr bɛɛ, mɨsyem myɔɔ, myé eka gʉŋa é kpɛhla ó, njɨ é l'epihe.

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

Yʉanes 15:6

Mʉr bɨh e nɔɔ ndɨ abe é zyɛŋa ɛ, nye ómyahɔ kʉl mpʉ lɔɔ rezɛŋ ndɨ agumo e, wé lé emyahɔ ɛ. Wé efwâh. Bé ntɔʼ syɛŋ mɨlɔɔ myaa, é syɛŋ, syɛŋ, guho mye é l'ebeʼe e siʼe. Myé ntɔʼ sie lé ediʼe.

Mataos 25:32

No ó, bɨkul bibyɛh, byé ófwal é mih me. Nye óbɛʼ bʉr mpʉ kobla bɨtab lé ebɛʼ bɨntœme e bɨkɨla ɛ.

Lʉkas 3:17

Nye e pyɛba é mobo. Nye ólwal mpumo, ntɔʼ pyɛb. Pie tɨ, nye ógwamle duò epyɛb yaa, ntɔʼ komo mɨpyɛba é bɨtaa bye. No ó, mpʉn nyɛɛ, nye ósyɛŋ nye é syɛŋ syɛŋ, ntɔʼ sʉ é siʼe ndɨ adime-dime e.»

Mataos 25:41

«Pie tɨ, nye ólɛɛ e baa ndɨ nye é mbo emyɛl ó: “Pʉʼa ga gumo me ndɨ ɨ, bʉr o Zyɛm a bɛa káale e. Toʼ ga é siʼe lé eduo njʉmdia e njʉmdia ɛ, siʼe Zyɛm a bɛa tira é l'efu mo Njwɨɨ moleme bé e beengles be e,

Mataos 13:25

Yé a ze be ó, é guu pum, bʉr bɨbɛh bɨdwo e bɨdwo. Nuu mʉr dɔm we ze pyal é peme yaa é nyololo, ze bè mpœʼ bɨka ndɨ abe e mpi ɨ, gumo mɨmpaŋ mompœʼ mé a bèŋɔ ɛ, bè é bè bè, ntɔʼ laa, to.

Mataos 13:29

“Hɨʼɨ, yé e nkul epyal ó, ǃbɨn si tɨ bɨka ndɨ abe e mpi nɛʼɛ, byé óbɛm duuba ndwe e mɨmpaŋ mompœʼ mɨmɛh é jɔʼ gwar.