Mataos 13:3 - Kálara Zyɛ̌m Edwán é mpʉ̌n

³ Yesʉs ze lwib e be, lé edwe be sikʉlʉ é mɨlɔb é buobuo é zi bɨkɨkɛna. Nye ó: «Yé a ze be ó, nuu mbèl mompœʼ ze to myɛʼ mompœʼ é modiʼe mo peme ye.

Kálar Nzyɛ̌m : Ejwán é Sáá

³ Nye nzě dwe bé milɛ́ʼlá ɨ́ nzɨ̌ bikɨkɛna ɨ́ buo buo. Nye ó: «Yé á be ó e nyʉ́ʉ́ mbêl mempeʼ á to le emyam mémpeʼ ɨ́ pemé yé nyá.

Mataos 13:3 ပူးပေါင်းရင်းမြစ်များ

Markus 4:13

Nye ntɔʼ ntɛŋ ompʉn be tia, lé edî e be ó: «Bɨn apa taare joʼo kɨkɛna yi, bɨn bé ójoʼo byaa byʉʉ nyá ɛ?

Markus 4:33

Yesʉs a lɛɛ-lɛɛ be bɨsa bɨnɨ bibyɛh ó, é zi bɨkɨkɛna é buobuo, mpʉ byaa nye a bɛa lɛɛ ɛ. Nye a lɛɛ-lɛɛ be lɔɔ Zyɛm ó, bim cye bé a be e nkul ejoʼo e.

Mataos 13:53

Jɔʼ Yesʉs a sil sa be bɨkɨkɛna bɨnɨ ɨ, nye ntɔʼ laa tɨ.

Markus 12:12

No ó bé ntɔʼ taare lé ebà bɨjwɨʼ bɨ enaʼ Yesʉs mobo é nyʉl. Sa gwar, bé a be yɛɛ ó, lé ekpɛɛ ntuntuma bʉr, ebe, bé a be ó si gʉa ó, nye a sa kɨkɛna yaa ó, bé ó ndɨ osyɛl o mosa, ó die le «osyɛl o mosa», lé a dɨ tublo ó be! Bé ze liʼe nye, ntɔʼ to.

Yʉanes 16:25

«Me be lé elɛɛ bɨn bɨsa bɨnɨ bibyɛh é mokan bɨntuntu. Ewala, lé ópyal, jɔʼ me óbe, aka lwib e bɨn no e. Me óka lwib-lwib e bɨn, tiibe e Sɔŋ wam ó, anyam nʉm!

Lʉkas 12:41

Pyɛr ntɔʼ dî e nye ó: «Da, zê go lé esa yinɨ kɨkɛna ó, é l'efu lɨh ɛ? Zê é l'efu e bʉr bɨbɛh ɛ?»

Lʉkas 8:10

Yesʉs ntɔʼ bɨha ó: «Bɨn ó Zyɛm a gwih lwib odim lé etiibe e jwɨ̀ʼa ye e, ó bɨn gʉŋa ye é kpɛhla. Sa gwar, bʉr ofih bɛɛ, bé ekʉ ka gʉa joʼo ó njɨ é zi bɨkɨkɛna é l'efu ó, mokan mo Kalara Zyɛm, mé dira. Yé ó tila ó: “Bé ósyɛm mih é jɔʼ yiyɛh; sa gwar, bé aŋa gʉa bee. Bé óceŋle mogwal, abi ba pɨʼ.”

Markus 12:1

No ó Yesʉs a ze taare lé edwe bʉr sikʉlʉ é zi bɨkɨkɛna. Nye ó: «Yé a ze be ó, mʉr ze li peme, ze bè motin mo orezɛŋ tɨ, ntɔʼ fumo ekɔʼ lé ekɛb peme yaa é nka, kpaʼ ekoʼ enɨnɨ, sa epar, fum eman mpumo, ze fumo toloŋo mbɛr tɨ, fum ecyel bʉr é vaa. Nye ze liʼe ye e l'osyɛl o mosa be, ó bé sea nye ya, ó bé nkʉʼ dɨ cen nye we nkɔb é jɔʼ nkono. Pie tɨ, nye ze tɨ cyen, to é guu lal fih.

Markus 3:23

Nye ntɔʼ jebe be nko nye a be e, ze sa be kɨkɛna ó: «Satan, nye e nkul edwih Satan nyá ɛ?

Mataos 24:32

«Jwɨʼɨ ga sikʉlʉ lɨ figye yé mʉr tɨʼ lé edwe bɨn ɨ. Jɨh tɨʼ lɨ, yi dwanba, bɨka mu lé etaare lé epah, bɨn bé edweʼe ó, nkono, yé mu ó kunokuno le epyal.

Mataos 22:1

Yesʉs a be ó lé ebâʼle sa be bɨkɨkɛna. Nye ó:

Mataos 13:4

Mpʉ nye a to le emyɛʼ mompœʼ peme e peme e, wiʼ paʼ mompœʼ ze to le ekur é kakoo. Bɨnɔn ntɔʼ fulo, ze sil tor mompœʼ maa.