Mataos 11:6 - Kálara Zyɛ̌m Edwán é mpʉ̌n

⁶ Mocyɛʼ mo mpom, mé ó e mʉr bɨsyɛɛla byam byé óbe, akol ebɔʼ lé ódumo nye e!»

Kálar Nzyɛ̌m : Ejwán é Sáá

⁶ Metyɛʼ me mpóm, mé díʼee e mʉr bísyɛ́ɛla byâm ngá be, abe ébɔ̌ʼ lé óbɨma nyé ɨ́ léme lɨ́ nyá.»

Mataos 11:6 ပူးပေါင်းရင်းမြစ်များ

1 Korɛnt 2:14

Mʉr ndɨ ndu, abe e Mbɨambɨa Sisim ɨ, nye abe e nkul ebi ocyecye lé eduho é Sisim waa ɛ. Ocyecye waa, wé ó nye ogʉ. Nye abe e nkul egʉa we, ebe, mʉr ndɨ epahle ocyecye waa ɛ, nye ó njɨ waa ndɨ e Mbɨambɨa Sisim ɨ.

Mataos 26:31

Yesʉs ze lɛɛ e be ó: «Bɨsyɛɛla byam, byé ókol bɨn bɨbɛh ebɔʼ bɨn bé óbɨm é mɨleme, laa lé ódumo bɨn ɨ, ebe, yé ó tila é Kalara Zyɛm ó: “Me ójʉ kobla bɨntœme, bɨntœme bye ntɔʼ myɛma diʼ e diʼ.”»

Yʉanes 6:66

Dobo laa ó buobuo ompʉn be, bé a taare lé ebula é gœʼra-gœʼra e mocyɛʼ mo nyʉl, aka duŋɔ nye e.

Mataos 24:10

No ó bɨsyɛɛla byam, byé ókol bʉr é buobuo ebɔʼ bé óbɨm é mɨleme, laa lé ódumo be e. Bʉr, bé ókɛha bʉr o sama yɔɔ. Bé ónwimla paʼra wɔɔ.

1 Pyɛr 2:8

Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.

Mataos 18:7

«A vwaʼ e bʉr o si nwaʼ ndɨ egomlo bʉʉ bʉr é zi mɨsyem ɨ! Yé cyecye ó, mobɔʼ mé ndɨ edumo bʉr ɨ, mé abe e nkul edi, abe. Sa gwar, a vwaʼ e mʉr ókol bʉʉ bʉr mobɔʼ maa ɛ!

Galásia 5:11

Obɨɔ ga bam, nkʉ me be ó be, to dolo lé eyɨm bʉr ó, bé saŋɔ mpʉn nɛʼɛ, mpa yé aka be e mʉr lé etíile me! Waa nyiwɛh lé enyiŋ bʉr ó, bé saŋɔ mpʉn ɨ, nye ó ndɨ waa lé edwih ebɔʼ Zyɛm a kol oYʉden ɨ. Ebɔʼ laa, lé ó mbi efie Krɨst a dwè, cyèla é klos kʉ ɨ.

Lʉkas 2:34

Pie tɨ, Simeɔn ze sʉ be mocyɛʼ mo mpom le elɛɛ e Maaria, nyɔŋ mo Yesʉs ó: «Mwan nwa, nye ó waa Zyɛm a ntɨh ó, nye twehla buobuo bwa b'Ɨzraɛl, le egbɛl bʉʉ. Nye óbe ó e l'ejwɨʼ ndɨ elɛʼle nkul mo Zyɛm ɨ. Bʉʉ bʉr bɛɛ, bé ótɨ mɨlɛa mye.

Mataos 5:29

«No ó, yé be ó, dih le ejʉm lo, lé ó ndɨ esa ó, go duma é l'ebebe nɛʼɛ, pɛʼɛ le. Laa ó, go diʼe e mih moba mo, go ntɔʼ guhɔ é Bɨ-siʼe, fuo pɛʼ yɛɛ dih, go à myah le, ebe, yé é bul mbɨa é nko paʼ go ó, go dimla yʉʉ fum nyʉl yo gwar, abe ó, nyʉl go nyiwɛh, nye guhɔ é Bɨ-siʼe.

Mataos 13:21

Sa gwar, lɔɔ Zyɛm, wé anara nye é leme tʉŋlʉ. Nye ebaʼle we ó, njɨ é ma peh jɔʼ. Jɔʼ nye mu lé esia e mɨtuu le etíilɔ ebe lɔɔ Zyɛm ɨ, nye óka bee ó, wé mu ó ebɔʼ nye lé ebɨm é leme, laa lé ódumo nye e.

Markus 6:3

Ntʉʼ nye be-be kabina ɛ? Ntʉʼ mwan mo Maaria nwaʼ ɛ? Ntʉʼ nye ndɨ mɨɔ mo Jacques bé e Yose, ndwe e Yʉd, ka kɛl Simɔn ɨ? Ntʉʼ bɨna ga e l'okɛl be lé etiʼe wâʼ ɛ?» Syɛɛla yaa ze kol be ebɔʼ bé a bɨm é mɨleme e.

Lʉkas 7:23

Mocyɛʼ mo mpom, mé ó e mʉr bɨsyɛɛla byam byé óbe, akol ebɔʼ lé ódumo nye e!»

Yʉanes 16:1

«Me si lwib e bɨn é mbi nɨ ó, lé esa ó, bɨn l'ayi bɨm ebɔʼ é mɨleme, laa lé ódumo bɨn ɨ.