Mataos 11:20 - Kálara Zyɛ̌m Edwán é mpʉ̌n

²⁰ No ó Yesʉs a tɛɛ bʉr o b'a bee-bee mosima me, bé yɛɛ l'agwɨma mobebe mɔɔ, nkʉ dwir mɨleme e. Nye ó:

Kálar Nzyɛ̌m : Ejwán é Sáá

²⁰ Nó ó Yésʉs á dwe binkana, súm nyé á bu sâ mesimá yɨ́, mebě, ebě, bé á bé atúmo míkoo myɔ́ɔ́ e mebébe mɔ́ɔ́, nkʉ̂ dwira míléme. Nye ó:

Mataos 11:20 ပူးပေါင်းရင်းမြစ်များ

Mɨngwiha 2:21

Me a dwe nye jɔʼ ó, nye gwɨma bɨmala nye lé esa-sa ɛ, le edwir leme, nyɛɛ l'akpɛl sa no.

Mɨngwiha 16:11

Dam be no, bé a baagwɨma bɨsyɛɛla bɨ ebebe byɔɔ, nkʉ dwir mɨleme. Bé a si to dolo lé elwɨɔ Zyɛm, nyɛɛ mʉr ndɨ é jobo kʉ ɨ. Bé a sa no ó ebe mokpaa ndwe e mopɨɨ mɔɔ.

Mɨngwiha 16:9

Jɔʼ bʉr, bé a diʼe no e, bé a si to dolo lé elwɨɔ Zyɛm, nyɛɛ mʉr a kab be bɨntɨʼa byaa ɛ. Bé a baamɛʼle egwɨma mobebe mɔɔ, nkʉ dwir mɨleme, nkʉ dwiibɨ nye.

Jacques 1:5

ǃƗ nuu mʉr é mbɛr Zyɛm win si bee ó, ocyoo, wé ejɨ sa nye sɔɔlʉ nɛʼɛ, nye jaʼa Zyɛm wa. Nye ódwe nye wa. Zyɛm, nye edwe bʉr bɨbɛh ó, é ntuʼ-ntu-ntuʼ, atam be.

Mɨlʉmlʉ 17:20

Ebe, go esa ó, bɨh joʼa bɨsa ndɨ bɨh modwan ɨ. No ó bɨh bɨ tiʼe é mɨleme mih ó, bɨh paʼ kʉ gʉa sa sikʉlʉ yo nɨ lé ejɨ lɛɛ ɛ.»

Markus 16:14

Pie tɨ, Yesʉs ntɔʼ lɛʼle esama le ompʉn ewʉm e ngwar le nyʉl we, é jɔʼ bé a be ondindil lé ede e. Nye a si tɛɛ be, ebe, bé a baabuʼla nye, ndwe nteme, bé a be ó e mɨleme é lele lele. Bé a baabuʼla bʉr o b'a lɛɛ be e. Bé a lɛɛ be yɛɛ ó, bé a si bee nye; nyi pàh é foo!

Markus 9:19

Yesʉs ntɔʼ lɛɛ e be ó: «Bɨn bʉr o ndɨ akpɛl buʼla ɛ! Me kaʼ diibe é sama yin, to pyal é yáa jɔʼ? Me ódihbe bɨn, to fiʼ yáa gumo? Ntaʼ ga me e mwan nɨ wâ.»

Mataos 12:41

É dobo le etiʼ e mɨlɔb, bʉrʉm o nkana Niniv, bé ómʉa, nwahle bʉr o mya wi, ebe, bé a be ó si gwɨma mobebe mɔɔ le edwir mɨleme lé ejoʼo mpaŋla Yonas a cen be e. No ó, paʼ bee ga: cyela mɨtuno lé elaa Yonas ɨ, nye ó bana kʉ be wâ!

2 Korɛnt 12:21

Sa lé esa ó, me kpɛŋɨ ebâʼle ze gʉʼ bɨn ye e, yé ó, ebe, Zyɛm Sɔŋ wam amu jaa gba me fwon é nyʉl é mih mɨn. Bɨn bé amu jaa bee me lé ejɨ edwe é jɔʼ me óbee ó, bɨn bé agwɨma mɨsyem min ndwe le edwir mɨleme e. Me óbɛm kœb bʉr o b'a taare jwɨ̂ʼlɨ e mɨsyem ɨ, bɛɛ dina lé elama fwon lé edu njɨ bɨjyɛʼ byɔɔ, le elœʼ nyʉl é zi bɨduo, ndwe le esa bɨmala zam e l'ekomo, jwɨʼ gwar e gwar mpʉ bé a bɛa sa-sa ɛ.