Mataos 10:5 - Kálara Zyɛ̌m Edwán é mpʉ̌n

⁵ Esama le ompʉn ewʉm e l'oba onɨ ó Yesʉs a lomo, nye osi lɛɛ be ó: «Laa ó, bɨn toʼ boo bʉr o ndɨ abe oYʉden ɨ, nkʉ é bɨnkana bɨ bʉr o Samari,

Kálar Nzyɛ̌m : Ejwán é Sáá

⁵ Bʉr kám le obá ónɨ̌ ó Yésʉs á lómo, nyé osí pǎ dwe bé metwɨ́ɨ́ mâ. Nye ó: «Atô gá kwá bʉr o dí abe óYúden bá. Anî gá ɨ́ nkana bʉ̂r ó Samarî.

Mataos 10:5 ပူးပေါင်းရင်းမြစ်များ

Yʉanes 4:9

Ebe no ó sile Samari a bula dî e nye ó: «Nyá? Wáa mbi gwɔɔ Yʉden, lé eze jaʼ me modibe, mɛm, sile Samari ɨ?» (Tina, yé ó, oYʉden bé e boo bʉr o Samari, bé abe lé ebɨlan e bɨsɔʼɔ bɨmpwar.)

1 Tesalonika 2:16

Bé ejɨ kamle bɨh lé eto le elɛɛ bɨkul bɨfih mpʉ Zyɛm ndɨ e nkul edwe be tiʼ molu mo mpoʼ mɨmɛh ɛ. É syɛɛla yaa, bé mu ó si loŋlo mɨsyem myɔɔ, bim Zyɛm a mɛʼle ó, bé saʼ ɛ. Bɨ gba Zyɛm empime é leme. No ó, banana, nyi ka kpaa empime e be.

Lʉkas 17:16

No ó nye a ze bɨʼ mpom we si é mih mo Yesʉs, lé edwe nye ekiba. To kœb ó, mʉr waa a be ó mʉr Samari!

Mɨlʉmlʉ 10:45

Obuʼla bé e boo Pyɛr bé a ze, baa b'a saŋɔ mpʉn ɨ, bé a si bul laŋle jehe lé ebee bʉr o ndɨ abe oYʉden ɨ, lé ebi Mbɨambɨa Sisim nteme.

Lʉkas 9:2

Nye ntɔʼ lomo be ó, myé toʼ le elɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ, le etiʼ mɨsyoblʉ.

Mɨlʉmlʉ 1:8

Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»

Yʉanes 20:21

Nye ntɔʼ bâʼle lɛɛ e be ó: «Motala, mé swɨŋɨ é bɨn. Mpʉ Sɔŋ wam a lomo me e, mɛm nteme, mɨ lomo bɨn.»

Yʉanes 7:35

OYʉden ze taare lé edîila paʼra wɔɔ ó: «Nye óto wâʼ yɛɛ nko, é mbi ndɨ ó, bɨna bé aŋa ka bee ga nye e? Zê nye óto le eyeʼle oYʉden mu si myɛʼa, jala lal Grɛs ba ɛ? Zê nye óyeʼle nteme bʉr o Grɛs ɛ?

Yʉanes 4:5

Nye ntɔʼ to pyal kunokuno e yʉʉ nkana Samari bé lé ejebe ó, Sukar ɨ. Nye a be ó, nye mu kunokuno e peme Yakɔb a dwe mwan we Yoseb ɨ.

Lʉkas 10:33

No ó, yé a ka ze be ó, nuu mʉr Samari a be ó lé ecwɨɨ é zi ngwar waa, nye nteme ze pyal é gumo yaa. Mbea nye a bee mʉr waa ɛ, nye kʉ ze jwɨʼ nye nkoo,

Mataos 4:15

«Kul bʉr mo Zabulon, bʉr o Nɛftali, bɨn ó ndɨ nko maŋ ndɨ ɨ. Bɨn ó ndɨ é l'opɨn o dibe Yʉrdɛŋ. Bʉr o Galɨle, gumo bʉr o ndɨ abe oYʉden ɨ lé ebuo e!

Mɨlʉmlʉ 8:1

Sol a be ó lé emɛʼle efie mo Etyɛn. É moho ngwar waa, bé ze taare lé etíile mbɛr Zyɛm wé a be Yerʉsalɛm ɨ. Ompʉn bɨbɛh, pɛʼ njɨ mɨlʉmlʉ, ze gbɛha é mɨlal mɨ Yʉda ndwe e Samari.

Yʉanes 8:48

OYʉden, bé e nye ó: «Zê yé abe mpʉ bɨh lé elɛɛ ɛ? Go ó mʉr Samari! Go nteme, go ó e l'eleme!»

Yʉanes 4:20

Bɨmpam bih, byé a ze ó wâʼ é l'ecwɨʼ lɨ, lé eze dwiibɨ Zyɛm. No ó, bɨn oYʉden bɛɛ, bé elɛɛ ó, gumo mʉr lé ejala le edwiibɨ nye e, yé ó njɨ Yerʉsalɛm.»

Lʉkas 10:1

Pie tɨ, Da ze pɛh bʉʉ bʉr, tɔɔ mowʉm tambɛl [e l'oba], ntɔʼ cen be zi dolo oba oba. Bé ntɔʼ to bɨnkana e bɨnkana byɛh, é bɨfum bibyɛh nye a be ó, nye kuma ɛ.

Mataos 22:3

Nye ze lomo osyɛl o mosa be ó, bé toʼ, to jebe bʉr o nye a baŋle é zɔɔ waa ɛ. Bé ntɔʼ bene lé eze.

Markus 6:7

No ó nye a ze jebe Esama le ompʉn ewʉm e l'oba, ntɔʼ lomo be oba oba, nye osi dwe be nkul ó, bé dwihɨ bʉr bɨbɨbla mɨsisim.

Lʉkas 9:1

No ó Yesʉs a ze jebe esama le ompʉn be ewʉm e l'oba, ze dwe be nkul ó, bé dwihɨ bʉr moleme, le ejomo bʉr mosyɛb.

Yʉanes 17:18

Mɨ lomo be é si nwaʼ mpʉ go nteme a ntɨh me kaʼ é si nwaʼ ɛ.