Mataos 10:4 - Kálara Zyɛ̌m Edwán é mpʉ̌n

⁴ Simɔn, mʉr Kanan, bé e Yʉdas Iskariot, mʉr a be ó, nye ókɛha nye e.

Kálar Nzyɛ̌m : Ejwán é Sáá

⁴ Simon, mʉr á jɨjébɔɔ ó, “Kɔmlʉ kwár” nyá, le Yʉ́das Iskariôt, mʉr á bɛ́ma Yésʉs nyá.

Mataos 10:4 ပူးပေါင်းရင်းမြစ်များ

Mataos 26:14

No ó nuu mpʉn é l'Esama le ompʉn ewʉm e l'oba mo Yesʉs a be die Yʉdas Iskariot ɨ, a ze to bee ojwɨɨ be opara.

Yʉanes 13:2

Yesʉs bé e l'ompʉn be, bé a be ó lé ede é bii kʉʼ. É jɔʼ yaa, Njwɨɨ moleme a be ó si cyɛb Yʉdas Iskariot, mwan mo Simɔn, é leme, dwe nye jwɨʼ ó, nye kɛha Yesʉs.

Yʉanes 6:71

Nye a lwib no ó, tiibe e Yʉdas, mwan mo Simɔn Iskariot. Dam be mpʉ Yʉdas a be é l'Esama le ompʉn ewʉm e l'oba ɛ, nye ó b'a be nteme mʉr a be ó, nye ókɛha nye e.

Markus 14:43

Yesʉs dina lé elwib no nɛʼɛ, Yʉdas bé e mpampaʼ bʉr ze pyalɔ é kpɨm. Yʉdas a be ó mʉr ngwar é l'Esama le ompʉn ewʉm e l'oba mo Yesʉs. Bʉr o b'a ze e, bé a ze ó, baʼ e mɨfòŋ, bʉʉ e mɨmbɨŋ. Ojwɨɨ be opara bé e l'oyeʼle o motie ndwe e l'otamabʉr o lal ó b'a lomo be.

Mataos 26:47

Yesʉs dina lé elwib no nɛʼɛ, Yʉdas bé e mpampaʼ bʉr é bwaʼbwaʼ ze pyalɔ é kpɨm. (Yʉdas a be ó mʉr ngwar é l'Esama le ompʉn ewʉm e l'oba mo Yesʉs.) Bʉr o b'a ze e, bé a ze ó, baʼ e mɨfòŋ, bʉʉ e mɨmbɨŋ. Ojwɨɨ be opara ndwe e l'otamabʉr o lal ó b'a lomo be.

Lʉkas 22:47

Yesʉs dina lé elwib, ka twɨra nɛʼɛ, ntuntuma bʉr, yi ze pyal é kpɨm. Mʉr a cyɛb be zi dolo e, a be die ó Yʉdas, mʉr ngwar é l'Esama le ompʉn ewʉm e l'oba! Nye ntɔʼ dihle nko Yesʉs a be e, ó nye duʼo emuʼ le.

Lʉkas 22:3

Yʉdas a be ó é l'Esama le ompʉn ewʉm e l'oba, nyɛɛ mʉr a jebɔ-jebɔ ó, Iskariot ɨ. Satan ze ni nye é leme.

Markus 14:10

No ó Yʉdas Iskariot, nuu mpʉn é l'Esama le ompʉn ewʉm e l'oba mo Yesʉs, a ze to boo ojwɨɨ be opara, ó nye kɛha ó be Yesʉs.

Mataos 27:3

Yʉdas, mʉr a kɛha Yesʉs ɨ, é jɔʼ nye a bee ó, bɨ dwe nye mobe mo jala e l'efie e, nye ntɔʼ gwɨma syɛɛla ye, ze to ó, nye to ó, buulo mɨsaŋ mɨ mɔn mowʉm molɛl bé a dwe nye e, dwe ojwɨɨ be opara ndwe e l'otamabʉr o lal.

Mɨlʉmlʉ 1:25

ebe, yé ekʉ jala ó, ngwar tɨʼ nʉŋa dia lʉmlʉ mo Yesʉs, yaa Yʉdas a dimle lé eto kœb dia yé a jala e nye e. Nyiha óto e syɛɛ lʉmlʉ dolo.»

Mɨlʉmlʉ 1:13

É jɔʼ bé a pyal gʉʼ ɨ, bé ze bere é tiʼe toloŋo mbɛr bé a di ɨ. Bé a be ó: Pyɛr, Yʉanes, Jacques ndwe e Andreas, Filip ndwe e Tomas, Bartelemi ndwe e Mataos, Jacques, mwan mo Alfe, Simɔn, mʉr a jebɔ ó, Mʉr ndɨ ekamle e bʉr o lal ɨ, ndwe e Yʉdas, mwan mo Jacques.

Mataos 26:2

«Bɨn bé egʉa ó, ebʉʼ e Paska, lɨ ka liʼ molu moba ó, lé pyala. No ó Mwan mo Mʉr óze kɛhɔ, ó bé cyèlɨ nye é klos kʉ.»

Mataos 26:15

Nye e be ó: «Bɨn bé ódwe me yé, ó me kɛha bɨn Yesʉs?» Bé ntɔʼ kɛʼ nye mɨsaŋ mɨ mɔn mowʉm molɛl.

Yʉanes 6:64

Sa gwar, bʉʉ bʉr o sama yin, bé ajyɛʼ taa buʼo yɔɔ boo me.» (Yesʉs a lɛɛ no ó, ebe, nye a be ó lé ebɛa gʉa, duho é l'etɔɔrʉ, baa b'a baajyɛʼ taa buʼo yɔɔ boo nye e, ndwe e waa a be ó, nye ókɛha nye e.)