Mataos 10:3 - Kálara Zyɛ̌m Edwán é mpʉ̌n

³ Filip bé e Bartelemi, Tomas bé e Mataos, mʉr a taare be nwɨa tœa ɛ, Jacques, mwan mo Alfe bé e Tade,

Kálar Nzyɛ̌m : Ejwán é Sáá

³ Philippe bé e Barthélemy, Thomas bé e Matthieu (mʉr á be lɨ́ enʉǎ mɔnɨ́ tœ́a nyá), Jacques, mwân mé Alfê, Tadê,

Mataos 10:3 ပူးပေါင်းရင်းမြစ်များ

Mɨlʉmlʉ 1:13

É jɔʼ bé a pyal gʉʼ ɨ, bé ze bere é tiʼe toloŋo mbɛr bé a di ɨ. Bé a be ó: Pyɛr, Yʉanes, Jacques ndwe e Andreas, Filip ndwe e Tomas, Bartelemi ndwe e Mataos, Jacques, mwan mo Alfe, Simɔn, mʉr a jebɔ ó, Mʉr ndɨ ekamle e bʉr o lal ɨ, ndwe e Yʉdas, mwan mo Jacques.

Markus 3:18

Nye a si cyel é l'esama laa nteme ó, Andreas bé e Filip e Bartelemi ndwe e Mataos bé e Tomas e Jacques, mwan mo Alfe, ndwe e Tade bé e Simɔn, mʉr Kanan,

Markus 2:14

É zi nye a cwɨɨ ɨ, nye ze bee Levi, mwan mo Alfe. Nye a kœb nye ó, ndindil é gumo nye a dɨ nʉa tœa ɛ. Yesʉs, nye e nye ó: «Duʼo me.» Nye ntɔʼ mʉa si, taare lé edu nye.

Mataos 9:9

Yesʉs, nye osi duho é gumo yaa, nye mu lé elaa nɛʼɛ, nye ka bee ó, nuu mʉr a be die Mataos ɨ. Nye a kœb nye ó, ndindil é gumo nye a dɨ nʉa tœa ɛ. Yesʉs, nye e nye ó: «Duʼo me.» Nye ntɔʼ mʉa si, ntɔʼ taare lé edu nye.

Yʉanes 21:2

Yé a be ó, bʉʉ bʉr é l'esama le ompʉn be, bé osi to é nkpah maŋ. Tɨʼ é sama yaa, yé a be ó Simɔn Pyɛr e Tomas (waa bé ejebe-jebe ó, Egbah ɛ), bé e Natanaɛl (mʉr Kana, lal Galɨle), ndwe e mɨsoho mo Zebede, ka kɛl bʉʉ ompʉn oba.

Yʉanes 11:16

No ó, Tomas bé lé ejebe ó, Egbah ɛ, a ze lɛɛ e bʉʉ ompʉn ó: «Ncʉʼ ga. Bɨna ga e boo nɔɔ to dwè ga gumo gwar!»

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

Jacques 1:1

Jacques, syɛl mosa mo Zyɛm bé e Da Yesʉs-Krɨst ó lé etile bɨn kalara nwa. Me esoho bɨn, bʉr o moveh ewʉm e moba mo Zyɛm, mu si myɛʼa, jala si nwaʼ nyiwɛh ɛ.

Galásia 2:9

Jacques bé e Sefas ndwe e Yʉanes, bé ó b'a bul nyin é mih ó, bé ó ndɨ modwii mo sɔŋ é Mbɛr-Zyɛm tʉŋlʉ. Bé a si gʉa é l'ocyecye ó, Zyɛm a si lɛʼle me ncwɨncwɨa we, bé ntɔʼ bara e bɨh e Barnabas, lé elɛʼle bʉr ofih ó, bɨh e boo nɔɔ, bé a kʉ be ó e mpaʼra osyɛl o mosa mpwar. Bɨh ntɔʼ twe twii ó, bɨh bé óto boo bʉr o ndɨ abe oYʉden ɨ, bɛɛ, lé eto boo oYʉden.

Galásia 1:19

Me a baabee nuu mʉr fih é sama mɨlʉmlʉ. Me a kʉ ka bee ó njɨ Jacques, waa ndɨ mɨɔ mo Da Yesʉs ɨ.

Mɨlʉmlʉ 21:18

É mɛn tɨ, bɨh e boo Pol, bé ze to mbɛr mo Jacques. Ocyɛb be efoʼ o mbɛr Zyɛm waa, bé ntɔʼ ze gwɨhla nteme tɨ.

Mɨlʉmlʉ 12:17

Nye ze peble be mbo. É jɔʼ bʉr bɨbɛh, bé a be, bé mu é gʉʼʉʉ ɨ, nye ntɔʼ taŋle mpʉ Da a pɛʼ nye é mbɛr mɨmbʉʼ ɨ. Nye ó: «Toʼ, to lɛɛ ga Jacques bé e l'obuʼla ga bɨna no.» Nye ze laa, to é yʉʉ gumo.

Lʉkas 5:27

Pie tɨ, Yesʉs ze fuuba e nuu nwɨa tœa ndindil é gumo nye a dɨ nʉa tœa ɛ, die le Levi. Nye e nye ó: «Duʼo me.»

Mɨlʉmlʉ 15:13

Jɔʼ bé a sil lwib ɨ, Jacques ntɔʼ nʉa lwib. Nye ó: «Obɨɔ ga bam aa! Bɛŋɨ ga mogwal.

Yʉanes 14:22

Yʉd (abe yɛɛ Yʉdas yaa Iskariot), nye e nye ó: «Da, ebe yé go ópyal njɨ boo bɨh, aka pyal boo bʉr o si nwaʼ ɛ?»

Yʉanes 14:9

Yesʉs ze bɨha e nye ó: «A bɛa bɨna bɨ di ga! No ó, Filip, go dina ó apa gʉa me? Mʉr mu si bee me e, nyi bee nteme Sɔŋ wam. A, ebe yé go lɛɛ ó: “Lɛʼla bɨh Sɔŋ go” e?

Mataos 27:56

É sama bʉba yaa tʉŋlʉ, yé a be ó: e Maaria, sile Magdala bé e Maaria, nyɔŋ mo Jacques bé e Yose, ndwe e nyɔŋ bwan mo Zebede.

Mataos 18:17

ǃNye si bene lé edweʼe ó, nyi sa syem nɨ é mih mɨn boo nɔɔ nɛʼɛ, go òto e nye gumo mbɛr Zyɛm lé egwɨhla ɛ. ǃNye si bâʼle bene lé edweʼe gʉʼ ó, nyi gwìh e mbɛr Zyɛm nɛʼɛ, nye fuʼla di é mbea win mpʉ mʉr ndɨ abuʼla ɛ, nkʉ ó, mpʉ nwɨa tœa.

Markus 15:40

Yé a be nteme ó e bʉʉ bʉba, bé a be lé edwɛʼ sa yé a be lé esyɛɛlɨ ɨ, cyɛbɔ-cyɛbɔ ká ká. Bé a be ó: Maaria, sile Magdala, e Salʉma ndwe e Maaria, nyɔŋ mo Jacques twaʼa, bé e Yose.

Lʉkas 18:10

Nye a lɛɛ ó: «Yé a ze be ó, bʉr oba é jahla bii mo Zyɛm lé esa mɨnjwɨʼla. Nwaʼ mʉr é nkɔm oFarizyɛŋ; nuu, nwɨa tœa.

Lʉkas 18:11

Farizyɛŋ waa ntɔʼ cyɛb, ze taare lé ejwɨʼla é leme we tʉŋlʉ é mbi wi: “Zyoo e Da Zyɛm, ebe, me abe mpʉ bʉʉ bʉr. Baʼ, bé edɛʼ bɨmɔn byoonkan; bʉʉ, bé ekœʼ é l'ozyɛhozyɛh; bʉʉ nteme, osyɛl o bɨmala. Me edwe go ekiba tɨ, ebe, me abe mpʉ nwɨa tœa nwa.

Lʉkas 18:13

Sa gwar, nwɨa tœa a cyɛb ó pɨnʉ. Nye a baakpɛl bɨn ba mih kʉ. Nye a kɛl ó njɨ mobo é lʉ, lé elɛɛ ó: “Da Zyɛm, saʼ ó, empime lo, lé tala é l'efu lam, ebe, me ó syɛl mɨsyem.”»

Lʉkas 19:2

Nuu mʉr a be ó tɨ, die le Zachée. Nye ó b'a be cyɛb efoʼ é sama onwɨa o tœa bɨbɛh, nye nteme e l'okum e l'ogbaa.

Yʉanes 1:48

No ó Natanaɛl a ze dî e Yesʉs ó: «Gwɔɔ, go egʉa me no é wáa paʼ?» Yesʉs, nye e nye ó: «Me be ó si bɛa bee go é jɔʼ go be é bene yʉʉ lɨ figye e. É jɔʼ yaa, Filip l'apa jebe go.»

Yʉanes 14:5

Tomas, nye e nye ó: «Da, bɨh bé agʉa nko go muno to e. A bɨh bɛɛ, bé ódweʼe zi waa nyá ɛ?»