Mataos 10:16 - Kálara Zyɛ̌m Edwán é mpʉ̌n

¹⁶ «Mbe ga: mɨ lomo bɨn mpʉ bɨntœme teme onkœœ! No ó, diʼe ga ncye! Cɨa ga mpʉ onyʉa. Bɨn bé à tala mɨleme mpʉ mopɨba.

Kálar Nzyɛ̌m : Ejwán é Sáá

¹⁶ «Paá bee gâ: mɨ́ lómo bɨ́n mpʉ bínteme páʼ onkœœ! Nó, gwá di gá le ocwóó. Cɨ́áá gá mpʉ ónyʉ́a. Bɨ̌n a tálá míléme mpʉ mépɨbaa.

Mataos 10:16 ပူးပေါင်းရင်းမြစ်များ

Lʉkas 10:3

Toʼ ga. Paʼ bee: mɨ lomo bɨn mpʉ bwa o bɨntœme teme onkœœ.

Filipi 2:15

Ebe no ó bɨn bé óbe e mɨleme é sɔɔɔ ɛ. Ebò e cyen lɨn, lé óbe ó, alɨŋa ba. Bɨn bé óbe ó bwan mo Zyɛm, abe e sa ebebe bé a ngbaa nwahle bɨn e tɨ. Bɨn bé óbul pan mpʉ baatwitwɛn ndɨ é jobo kʉ, teme ozyɛhozyɛh o bʉr o b'a lɨŋa, jyɛl ɨ diʼ ɨ.

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

Kolosi 4:5

É jɔʼ bɨn lé ekœʼ ebò e cyen lɨn teme bʉr o ndɨ abe okristen ɨ, dɨʼe sa no e gwɨma ó, bé mɛʼla ó, bɨn bé ó mɨcɨcyoo. Dɨʼe sa ga ó, bɨjɔʼ bin bibyɛh, byé ó bɨn e mpaŋ nyɔm.

Lʉkas 21:15

ebe, me mʉr tɨ, me óbɛa dwe bɨn mokan e pɨʼ, é mbi ndɨ ó, bʉr o ndɨ esa bɨn mongan ɨ, bé óbe, abe e nkul eka pɨr, nkʉ tɨ mɨlɛa min ɨ.

Mɨlʉmlʉ 20:29

Me egʉa ó, é jɔʼ me óbe si laa ɛ, bʉr lé enwɨɨla e l'otir o monyan ɨ, bé ópyal-pyal gumo bɨn ndɨ ɨ. Bé aŋa pɨm daa e bɨntœme mo Zyɛm l'asaŋɔ bye ebebe.

2 Korɛnt 11:3

Me ejoʼo bʉa. Me ekpɛɛ ó, bɨn bé amu jaa gomlo bɨbɛh é bebebebe zi ebe bɨkʉʉŋʉ. Bɨn bé amu dwibra e Krɨst jɔʼ gwar é dwirɨ, jwɨʼ gwar e gwar e mpʉ nyʉa a kʉa Efa, nye ntɔʼ bil é bɨkʉʉŋʉ ɨ. Bɨn bé amu jaa gwaʼ lé edwiibɨ Krɨst ntinɨ e ntinɨ.

1 Tesalonika 5:22

Diʼe ga é l'ecyooŋʉ, lé esyɛhle lɔb esa bɨsyɛɛla bɨ ebebe bibyɛh.

2 Korɛnt 11:14

No ó, sa yaa, yé abe sa jehe, ebe, Satan nye mʉr tɨ, nye ebɛa liŋ-liŋ nye mʉr tɨʼ engles myɛn!

1 Tesalonika 2:10

Bɨh bé a be paʼra win, obuʼla ó, e mɨleme é sɔɔɔ é mih mo Zyɛm, mpʉ bɨn boo Zyɛm nye mʉr tɨʼ ndɨ e nkul eboʼlo e. Bɨh bé a be nteme ó ocɨcyel o bʉr. Ebò e cyen lɨh, alɨŋa ba.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

2 Korɛnt 8:20

Mɔn yaa, yé é buo. No ó, bɨh bé ebi ye ó, e l'ocyoo, lé ekpɛɛ ó, nuu mʉr amu jaa fœʼ bɨh, lé elɛɛ ó, bɨh bé ejeʼe ebi ebeʼe e mɔn yaa.

Mataos 24:25

Mbe ga: mɨ bal bɨn é lɔb bɨsyɛɛla byaa, byé l'apa syɛɛ ó nɨ.»

Mataos 24:45

«Wáa mʉr é bɨn ndɨ syɛl mosa ebuʼlɔ, waa ndɨ cɨcyoo e? Nye ó waa masa we ócyel é mbɛr we ó, nye diʼe lʉ osyɛl o mosa be e? Nye ó ngo kab bʉr o nduo ye mode mɔɔ é bɨjɔʼ lé ejala ɛ.

Mataos 25:2

Maʼ motɛn, mé a be ó é gʉʼla. Mʉʉ motɛn, mɨcɨcyoo.

Mataos 25:4

Maa mé a be mɨcɨcyoo e, mɛɛ, mé a nʉa molama mɔɔ ó ndwe e mulo é bɨntaʼ.

Mataos 25:9

Mɨcɨcyoo mɨ bʉba myɛɛ ze lɛɛ e be ó: “Tɨtoʼo! Mulo mɨh maʼ, mé abe e nkul ejala e molama ga mɨna mɨmɛh. Laa ó, bɨn dîʼe bɨh, fuo to ga yɛɛ nko bʉr o ndɨ ebɛma mulo e, bɨn toʼ, to bwam maa mɔɔ!”