Mataos 10:1 - Kálara Zyɛ̌m Edwán é mpʉ̌n

¹ No ó Yesʉs a ze jebe Esama le ompʉn ewʉm e l'oba be, ntɔʼ dwe be nkul ó, bé dwihɨ bʉr bɨbɨbla mɨsisim le etiʼ mɨsyoblʉ mimyɛh myé a be e mosyɛb nkʉ bɨjyɛm ɨ.

Kálar Nzyɛ̌m : Ejwán é Sáá

¹ Nó ó Yésʉs á nze jébe ompʉ́n kám le obá bé, ntɔ̂ʼ dwe bé nkul jwɨ́ɨ eso méleme le etiʼ mímbél mímyɛ̂h myé á be e mekpaa nkʉ̂ bidyɛ̂m mí.

Mataos 10:1 ပူးပေါင်းရင်းမြစ်များ

Lʉkas 10:19

Mbe ga: me a si dwe bɨn nkul mojwɨ̀ʼa é l'efu ó, bɨn tiba onyʉa ndwe e bɨkʉʼlɨl, le nkul ó, bɨn ntaŋa monkul mo Mʉr dɔm ga wina mɨmɛh. Sa ebebe, yé abe e nkul epyal bɨn.

Lʉkas 24:49

No ó, me ótaare lé entɨh bɨn sa Sɔŋ wam a kɛʼ bɨn ɨ. Diʼe ga wâʼ é nkana yi, lé ebono dobo nye óntɨh bɨn nkul ɨ. Nkul waa óduho nye ye, é jobo kʉ.»

Mɨlʉmlʉ 1:8

Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»

Yʉanes 3:27

Yʉanes, nye e be ó: «ǃƗ Zyɛm si bene lé edwe mʉr sɔʼɔ nɛʼɛ, nye abe e nkul ebi ye.

Lʉkas 6:13

No ó, é jɔʼ mɛn, wé a lama ɛ, nye ze jebe ompʉn be, ntɔʼ pɛh bʉʉ o tɨ. Bim nye a pɛh ɛ, bʉr ewʉm e l'oba. Nye ntɔʼ cyel be é dia mɨlʉmlʉ mye.

Lʉkas 21:15

ebe, me mʉr tɨ, me óbɛa dwe bɨn mokan e pɨʼ, é mbi ndɨ ó, bʉr o ndɨ esa bɨn mongan ɨ, bé óbe, abe e nkul eka pɨr, nkʉ tɨ mɨlɛa min ɨ.

Mɨlʉmlʉ 19:15

yʉʉ bɨbla sisim, yé ntɔʼ bɨha e be ó: «Me egʉa Yesʉs. Mɨ gʉa nteme yʉʉ sɔʼɔ é lʉ mo Pol. A bɨn bɛɛ, bé ó ozé?»

Yʉanes 17:2

ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

Yʉanes 6:70

Yesʉs, nye e be ó: «Ntʉʼ mɛm mʉr tɨʼ a pɛh bɨn, Esama le ompʉn ewʉm e l'oba ɛ? Dam be no, nuu mʉr é l'esama lɨn, nye ó waa mo Njwɨɨ moleme!»

Yʉanes 3:35

«Zyɛm Sɔŋ, nye ekpɛl Mwan we. Nyi bɛa gba sa yiyɛh é jwɨ̀ʼa ye.

Mɨngwiha 12:1

Pie tɨ, bwaʼbwaʼ dweʼle nkul mo Zyɛm, yé a si nyin é jobo kʉ. Me a bee ó, mʉma lé ebwar dobo mpʉ kan! Alomo ó b'a be cyela mokʉ ye! Nye a be ó e baatwitwɛn ewʉm e l'oba lé ebʉmra lʉ we é nka, bɛɛ lé enwɨɨla e l'epʉʼlʉ.

Mataos 26:47

Yesʉs dina lé elwib no nɛʼɛ, Yʉdas bé e mpampaʼ bʉr é bwaʼbwaʼ ze pyalɔ é kpɨm. (Yʉdas a be ó mʉr ngwar é l'Esama le ompʉn ewʉm e l'oba mo Yesʉs.) Bʉr o b'a ze e, bé a ze ó, baʼ e mɨfòŋ, bʉʉ e mɨmbɨŋ. Ojwɨɨ be opara ndwe e l'otamabʉr o lal ó b'a lomo be.

Mataos 26:20

É bii kʉʼ nɛʼɛ, Yesʉs bé e l'Esama le ompʉn ewʉm e l'oba, ze diŋɔ si é teble.

Mataos 19:28

Yesʉs ze bɨha e be ó: «Me elɛɛ bɨn cyecye ó nɛɛ: bɨn bʉr o b'a du me é koo pihe e, é jɔʼ Mwan mo Mʉr ódi é dia taʼa ye é jɔʼ dɔnwa bɨsa bibyɛh ɛ, bɨn bé ódi é bɨdia bɨ taʼa bin ewʉm e bɨba. Bɨn bé ótiʼe moveh mo bwa b'Ɨzraɛl ewʉm e moba mɨlɔb.

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Mataos 4:23

No ó Yesʉs a to le ekœʼ é bɨgumo bɨ Galɨle bibyɛh, to le eyeʼle bʉr é mompah mɨnjwɨʼla mɔɔ, le elɛɛ Mbɨambɨa Lɔɔ lé etiibe e jwɨ̀ʼa mo Da ɛ, le etiʼ mɨsyoblʉ mɨ kul bʉr ye, lé epɛʼ mosyɛb mɨmɛh le bɨjyɛm bibyɛh.

Mataos 9:35

Yesʉs ze to le etiʼbe bɨnkana e bɨnkana byɛh, e mokwar e mokwar mɛh, lé eto le eyeʼle bʉr é mompah mɨnjwɨʼla mɔɔ, le elɛɛ Mbɨambɨa Lɔɔ lé etiibe e jwɨ̀ʼa mo Da ɛ. Nye a be nteme ó lé etiʼ bʉr o b'a be e mosyɛb mɨmbi mimyɛh le bɨjyɛm mɨmbi mimyɛh ɛ.

Mataos 9:38

No ó, saʼ ga Mʉr peme mɨnjwɨʼla ó, nye loma osyɛl o mosa é buobuo lé eto é mɨngol é peme ye.»