Mataos 1:20 - Kálara Zyɛ̌m Edwán é mpʉ̌n

²⁰ Nye dina e jwɨʼ yaa é lʉ, engles mo Da ntɔʼ ze pyal nye é lima. Engles waa ze lɛɛ e nye ó: «Yoseb, nta mo David, akpɛɛ lé enʉa mʉma go Maaria, ebe, nye nʉa ebum ó e nkul mo Mbɨambɨa Sisim.

Kálar Nzyɛ̌m : Ejwán é Sáá

²⁰ Nye dína lɨ́ ejwɨʼ nó nɛ́ɛ: nye nzě bee éngeles mé Dâ ɨ́ líma. Éngeles waá nzě lɛ́ɛ e né ó: «Yóseb, mâ nta mé David, alíʼa lɨ́ enʉǎ Maria, mʉmá gǒ, ebě, nye nʉa ébum ó e nkul Sísǐm mé Nzyɛ̌m.

Mataos 1:20 ပူးပေါင်းရင်းမြစ်များ

Lʉkas 1:19

Engles ntɔʼ bɨha ó: «Mɛm Gabryɛl ó ndɨ ecyɛb é mih mo Zyɛm! Me eze ó é lʉmlʉ we, ó me ntaʼ, ze lwib e go, lé eze lɛɛ go mbɨambɨa lɔɔ wi.

Mataos 1:18

É mbi wiʼ ó Yesʉs-Krɨst a byɛl ɨ: nyɔŋ we Maaria bé e Yoseb, bé a be e l'etie ó, bé óbɛa. Bé l'apa syɛŋa duo, Maaria ze nʉa ebum e nkul mo Mbɨambɨa Sisim.

Mataos 2:19

Pie e l'efie mo Erod, Yoseb dina Egipten, nye ze bâʼle bee engles mo Da é lima.

Lʉkas 2:4

Yoseb nteme ze mʉa é nkana Nazarɛt é lal Galɨle, ze to lal Yʉda. Gʉʼ ó nye a to, nko nkana eveh le, Betɛlɛhɛm, gumo njwɨɨbʉr David a byɛl ɨ. Nye a to gʉʼ ó, ebe, nye a be ó mʉr mpoŋbʉr mo David.

Mataos 28:5

No ó engles a lɛɛ e bʉba baa ó: «Bɨn bɛɛ, daʼ joʼo ga bʉa, ebe, mɨ gʉa ó, bɨn bé esaa ó, Yesʉs, mʉr bé a cyèl é klos kʉ ɨ.

Mataos 2:22

Sa gwar, é jɔʼ nye a ka joʼo ó, Arkelaos ó b'a nʉa jwɨɨ é lal Yʉda pie koo sɔŋ we Erod ɨ, nye ntɔʼ joʼo bʉa lé ebula to gʉ. É jɔʼ yaa ó Zyɛm a ze tɨe nye é zi bɨlima ó, nye toʼ é lal Galɨle.

Mataos 2:13

Jɔʼ onkaa baa, bé a be, bé mu si fiʼ ɨ, nuu engles mo Da ntɔʼ pyal Yoseb é lima. Nye e nye ó: «Mʉŋa si, nʉŋa mwan bé e nyɔŋ. Bɨn bé à kpɛɛ, to Egipten. Go òdi gʉ, to pyal é jɔʼ me ólɛɛ e go ó, go bula ɛ, ebe, Erod mu ó lé esaa ó, nye jʉ ó mwan nwa.»

Mataos 2:12

Pie tɨ, Zyɛm ze tɨe be é zi bɨlima ó, bé l'ayi bula to boo Erod. Bé a to kumo kwar wɔɔ ó, cwɨɔ é zi fih.

Mataos 27:19

É jɔʼ nye a be, nye dina lé elwib lɔb waa é dia tiʼà mɨlɔb ɨ, myɛl ntɔʼ lomlo nye twii ó: «Atœb lɔb wi, ebe, me be ó si bul sia e bɨlima muh é pum wiʼ é lʉ mo cɨcyel mʉr nɨ.»

Mɨlʉmlʉ 5:19

No ó, é pum waa, engles mo Da ze dib mobe mo mbɛr mɨmbʉʼ, ntɔʼ pyɛl mɨlʉmlʉ kʉl. Nye ó:

Mɨngwiha 19:7

Bɨna soha ga é buobuo. Bɨna gumla ga nye, ebe, Ma Ntœme mu ó ze ba mʉma we! Mʉma waa, nyi komlo sa yiyɛh ó, nye bwama.