Lʉkas 9:29 - Kálara Zyɛ̌m Edwán é mpʉ̌n

²⁹ É jɔʼ Yesʉs a be, nye mu lé ejwɨʼla e Zyɛm ɨ, mpom we ndwe e mɨkan mye ntɔʼ siila. Bibyɛh mu kʉ be njɨ é pan-pan mpʉ ndweh mpie.

Kálar Nzyɛ̌m : Ejwán é Sáá

²⁹ Jɔ̌ʼ Yésʉs á be, nye mû lɨ́ ejɨʼla yɨ́, mpǒm nyé ndu e mikán myé, byé ntɔ̂ʼ dwira. Bíbyɛ̂h mû kwahaá ɨ́ pumo pumo.

Lʉkas 9:29 ပူးပေါင်းရင်းမြစ်များ

Mataos 17:2

Nye ze siila nyʉl é mih mɔɔ. Nye a be ó, nye mu dɨ nyin guu mbi fih. Mpom we a be ó, nye mu dɨ pan mpʉ dobo; mɨkan myé mu é pumo-pumo, mpʉ mɨmbah mɨ dobo.

Mɨngwiha 20:11

No ó, me ze bee dia taʼa nɨnɨ, yé a be é pumo-pumo e. Me ze bee nteme waa a be tɨʼ ndindil ɨ. Si nwaʼ ndwe e jobo, byé a si dim é mih me.

Mɨlʉmlʉ 6:15

Bʉr o Bʉm Nɨnɨ, é jɔʼ bé a dwɛʼ Etyɛn é tʉʉʉŋ ɨ, bɨbɛh, bé ka bee nɛʼɛ, mpom we a be ó, nye mu lé enwɨɨla e mpom engles!

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Markus 16:12

Pie tɨ, Yesʉs ze pyal boo bʉʉ ompʉn be oba, ze lɛʼle be nyʉl we, nye mu dɨ nyin guu mbi fih. Bé a be ó zi e zi, lé eto kwar wɔɔ.

Lʉkas 3:21

É mpʉ ntuntuma bʉr, yé a be si fwal lé eze nʉa ndubo e, Yesʉs nteme a si ze, lé eze nʉa we. Mpʉ nye a be si sil dùŋɔ ɛ, jɨh tɨʼ nye a kʉ sil jwɨʼla e Zyɛm, jobo ntɔʼ ze bɔa,

Lʉkas 5:16

Sa gwar, Yesʉs a be ó si dulo nyʉl we, ze to é lʉn, to jwɨʼla e Zyɛm.

Lʉkas 6:12

É jɔʼ yaa, Yesʉs ntɔʼ bere é l'ecwɨʼ kʉ, lé eto jwɨʼla e Zyɛm. Pum waa wiwɛh ntinɨ, wé a sie ó, njɨ nye lé ejwɨʼla e Zyɛm.

Lʉkas 9:18

É lʉʉ dobo, Yesʉs a be ó lé ejwɨʼla e Zyɛm nye ome é l'empàh. Ompʉn be ze pyal. Nye ntɔʼ dî e be ó: «Bʉr, bé epa kʉ lɛɛ wâʼ ó, me zé?»

Lʉkas 9:30

Ngbaa le eka be nɛʼɛ, bʉʉ bʉrʉm oba ze nyin kunokuno e nye, bé e boo nɔɔ lé elɛɛla. Yé a be ó Moyiz bé e Élie.