Lʉkas 9:28 - Kálara Zyɛ̌m Edwán é mpʉ̌n

²⁸ Yesʉs ze nʉa Pyɛr bé e Yʉanes ndwe e Jacques, ntɔʼ bere é l'ecwɨʼ kʉ, lé eto jwɨʼla e Zyɛm, é jɔʼ yaa, nye osi lwib mokan monɨ e molu mwom.

Kálar Nzyɛ̌m : Ejwán é Sáá

²⁸ Píě Yésʉs á bě sí lwib nó yɨ́, melû mwom nzě laa. Nye nzě nʉǎ Pétrus, bé e Yʉánɛs ndu e Jacques, ntɔ̂ʼ bére lɨ́ ecwɨ̂ʼ, lɨ́ etó jɨʼla e Nzyɛ̌m.

Lʉkas 9:28 ပူးပေါင်းရင်းမြစ်များ

Lʉkas 6:12

É jɔʼ yaa, Yesʉs ntɔʼ bere é l'ecwɨʼ kʉ, lé eto jwɨʼla e Zyɛm. Pum waa wiwɛh ntinɨ, wé a sie ó, njɨ nye lé ejwɨʼla e Zyɛm.

Lʉkas 9:18

É lʉʉ dobo, Yesʉs a be ó lé ejwɨʼla e Zyɛm nye ome é l'empàh. Ompʉn be ze pyal. Nye ntɔʼ dî e be ó: «Bʉr, bé epa kʉ lɛɛ wâʼ ó, me zé?»

Lʉkas 8:51

Pyala bé a pyal mbɛr ɨ, Yesʉs ntɔʼ kamle bʉr lé eni mbɛr. Nye a kʉ ka niŋle ó njɨ Pyɛr, Yʉanes, Jacques, ndwe e sɔŋ e nyɔŋ mo mwan waa.

Markus 6:46

É jɔʼ nye a be si buulo be e, nye ntɔʼ ze bere é l'ecwɨʼ kʉ, lé eto jwɨʼla e Zyɛm.

Markus 1:35

É dwine mɛn ntuʼkolo, Yesʉs ze mʉa si, pyal kʉl, to é lʉn. Tɨʼ ó nye a jwɨʼla e Zyɛm ɨ.

Ebrœ̂ 5:7

Jyɛm Yesʉs a tiʼe é si nwaʼ ɛ, nye a be-be lé ejwɨʼla e waa a be e nkul epɛʼ nye é l'efie e. Nye a si bʉ tim, jɨ kʉ kʉ, lé eto le edî le ejaʼ Zyɛm ngula. Zyɛm nyɛɛ ntɔʼ joʼo nye é lɔb mojoʼo Yesʉs a sa nye e.

2 Korɛnt 13:1

Yé mu ó jɔʼ lɛl me muno ze pyal gʉʼ bɨn ye e. Yé ó tila ó: «Lɔb wiwɛh, wé ókʉ tiʼɔ ó, njɨ ebe bɨlwib bɨ oboʼla oba, nkʉ olɛl.»

Lʉkas 3:21

É mpʉ ntuntuma bʉr, yé a be si fwal lé eze nʉa ndubo e, Yesʉs nteme a si ze, lé eze nʉa we. Mpʉ nye a be si sil dùŋɔ ɛ, jɨh tɨʼ nye a kʉ sil jwɨʼla e Zyɛm, jobo ntɔʼ ze bɔa,

Mataos 5:1

Mbea Yesʉs a bee ntuntuma bʉr ɨ, nye ntɔʼ bere é l'ecwɨʼ kʉ, di si. Ompʉn be ze dihle gumo nye a be e.

Mataos 14:23

Jɔʼ nye a be si buulo be e, nye ntɔʼ ze bere é l'ecwɨʼ kʉ, lé eto jwɨʼla e Zyɛm. Mpʉ dobo, lé a be, lé mu si lɨŋa ɛ, nye a kʉ ka liʼ gʉʼ ó nye ome.

Lʉkas 5:16

Sa gwar, Yesʉs a be ó si dulo nyʉl we, ze to é lʉn, to jwɨʼla e Zyɛm.

Yʉanes 6:3

Yesʉs ze to bere é l'ecwɨʼ, bé e l'ompʉn be, ze diŋɔ si.

2 Pyɛr 1:16

Bɨh ó b'a sa ó, bɨn gʉŋa mpʉ Tî ga wina Yesʉs-Krɨst a nyin e buobuo nkul ɨ. Yé a baabe ebe pɨʼ bɨh bé a nʉa, duho é bɨkɨkɛna bɨ mpʉl ɨ. Sa yé a sa ó, bɨh lɛʼla bɨn no e, yé a be ó bɨh bé a si bee mpwaʼ we e mih mɨh.