Lʉkas 9:27 - Kálara Zyɛ̌m Edwán é mpʉ̌n

²⁷ Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ bé aŋa dwè, bé l'apa bee jwɨ̀ʼa mo Zyɛm.»

Kálar Nzyɛ̌m : Ejwán é Sáá

²⁷ Mě lɛ́ɛ́ bɨ́n lɨ́ otyeetye ó, ɨ́ sɔ́má bʉ̂r o dí wâʼ báánâʼ bá, bʉ́ʉ́ bé ákóʼó dwe, apǎ bee Mpóʼo mé Nzyɛ̌m.»

Lʉkas 9:27 ပူးပေါင်းရင်းမြစ်များ

Mataos 16:28

Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ, bé aŋa dwè, bé l'apa bee Mwan mo Mʉr lé eze cyel jwɨ̀ʼa ye cyecye.»

Markus 9:1

No ó Yesʉs a lɛɛ e be ó: «Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ bé aŋa dwè, l'apa bee jwɨ̀ʼa mo Zyɛm lé ecyelɔ cyecye.»

Lʉkas 22:18

ebe, me elɛɛ bɨn cyecye ó nɛɛ: me aŋa ka nyʉl monwoʼ ma, taare é banana, to pyal é jɔʼ Zyɛm ócyel jwɨ̀ʼa ye cyecye e.»

Ebrœ̂ 2:9

Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.

Lʉkas 2:26

Nye a si bɛa lɛɛ e nye é zi Mbɨambɨa Sisim ó, nye óbee Lœma mulo mo Zyɛm Da a kɛʼ ɛ, nye l'apa dwè.

Markus 14:25

Me elɛɛ bɨn cyecye ó nɛɛ: me aŋa ka bâʼle nyʉl monwoʼ ma, taare é banana, to pyal é jɔʼ me óbâʼle nyʉl maa modwan é jwɨ̀ʼa mo Zyɛm ɨ.»

Yʉanes 16:7

Me elɛɛ bɨn cyecye ó nɛɛ: embɨa, lé é nko paʼ win ó, me toʼ. ǃMe baato nɛʼɛ, mʉr ndɨ ekamle e bɨn ɨ, nye aŋa ze kœb bɨn. ǃMe si ka to nɛʼɛ, me ntɨh bɨn nya.

Yʉanes 8:59

Bé ze nkɛɛ mokoʼ ó, bé lumo ó nye. Yesʉs ntɔʼ fwab, bé l'aka bee nye. Nye ze duho é jahla bii mo Zyɛm.

Yʉanes 14:2

Me paʼ to komlo bɨn modia gumo bɨn bé óto di ɨ. Mbɛr mo Sɔŋ wam, wé ó, é buo modia. Nkʉ yé a be ó be, abe no nɛʼɛ, mpa me a baalɛɛ e bɨn ó, me óto komlo bɨn modia gʉ.