Lʉkas 9:20 - Kálara Zyɛ̌m Edwán é mpʉ̌n

²⁰ Nye ntɔʼ dî e be ó: «A bɨn bɛɛ, bé elɛɛ ó, me zé?» Pyɛr ntɔʼ bɨha ó: «Go ó Lœma mulo mo Zyɛm!»

Kálar Nzyɛ̌m : Ejwán é Sáá

²⁰ Nye ntɔ̂ʼ báʼǎ dî e bé ó: «Nó bɨ̌n bɨɛ̌ lɛ́ɛ́ ó, me nzé?» Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá.»

Lʉkas 9:20 ပူးပေါင်းရင်းမြစ်များ

Yʉanes 7:41

Bʉʉ, bé ó: «Nye ó Lœma mulo mo Zyɛm.» Bʉʉ nteme, bé ó: «Zê yé a jala ó, Lœma mulo mo Zyɛm, nye duha Galɨle ɛ?

Yʉanes 4:29

«Ntaʼ, ze bee ga me wiʼ ɔɔ! Mʉr nwaʼ, nyi lɛɛ me sa yiyɛh me a sa yi ɔɔ! Zê nye óbɛm be Lœma mulo mo Zyɛm ɨ?»

Mɨlʉmlʉ 17:3

Pol a sa-sa ó, pɛʼle sa ogwiha o mɨlɔb bé a lɛɛ é lʉ mo Lœma mulo mo Zyɛm ɨ, é l'efu ó, bé gʉŋa ebe yé nye a jala le edihbe mokpaa, dwè, ze pàh é foo e. Nye a si lɛɛ nteme be ó: «Yesʉs me lé elwib e bɨn, tiibe e nye e, nye ó mʉr Zyɛm a lœm mulo e!»

Mɨlʉmlʉ 9:22

Sol nyɛɛ a kʉ lɛɛ-lɛɛ be sɔʼɔ ó, njɨ lɔɔ waa e buobuo nkul. OYʉden bé a di-di Damas ɨ, bé a baagʉa ekan bé lɛŋɨ. Nye a si dwe be bɨdweʼle byé a kʉ lɛʼle be ó, Lœma mulo mo Zyɛm ó ndɨ Yesʉs.

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

Yʉanes 11:27

Nye e nye ó: «Da, me ekʉ gʉa no. Mɨ buʼla ó, go ó ndɨ Lœma mulo mo Zyɛm le Mwan mo Zyɛm, mʉr a be ó, nye óze kaʼ é si nwaʼ ɛ.»

Yʉanes 4:42

Bé e mʉma nɨ ó: «Banana, bɨh bé aka buʼla njɨ ebe lɔɔ go. Bɨh bʉr o tɨʼ, bɨ joʼo lwib ye, le ekʉ gʉa ó, é si nwaʼ nyiwɛh, nye ó ndɨ Tiʼbʉr é l'efu e si nwaʼ nyiwɛh.»

Yʉanes 1:49

Natanaɛl, nye e nye ó: «Yeʼle, go ó bana kʉ be Mwan mo Zyɛm cyecye! Go ó ndɨ njwɨɨbʉr lal Ɨzraɛl!»

Yʉanes 1:41

No ó, mʉr efoʼ Andreas a taare to kœb ɨ, a be ó tʉl we Simɔn. Nye e nye ó: «Bɨh bɨ bee waa ndɨ Messie ɨ!» (No yé edwirɔ ó: «Lœma mulo mo Zyɛm».)

Markus 8:29

Nye ntɔʼ bâʼle dî e be ó: «A bɨn bɛɛ, bɨn bé elɛɛ ó, me zé?» Pyɛr ntɔʼ bɨha ó: «Go ó Lœma mulo mo Zyɛm!»

1 Yʉanes 5:1

Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.

Mɨlʉmlʉ 8:36

É mpʉ bé a to-to zi e zi ɨ, bé ze pyal é dibe. Myaʼ mʉr waa ntɔʼ lɛɛ e nye ó: «Paʼ bee modibe ma. Yé ndɨ e nkul eka kamle me lé enʉa ndubo ɛ?» [

Lʉkas 22:67

ze dîŋɔ e nye ó: «Lɛŋɨ bɨh nkʉ go ó Lœma mulo mo Zyɛm.» Nye ntɔʼ bɨha e be ó: «ǃMe si lɛɛ bɨn ya nɛʼɛ, bɨn bé aŋa mɛʼle.

Markus 14:61

Yesʉs a kʉ ka di ó njɨ titil, agum bɨha ekan. No ó njwɨɨ opara a bâʼle dî e nye ó: «Zê go ó Lœma mulo mo Zyɛm le mwan mo Zyɛm bɨh lé edwiibɨ ɨ?»

Mataos 22:42

«Bɨn bé epa kʉ jwɨʼ é yé, tiibe e Lœma mulo mo Zyɛm ɨ? Nye mwan mo zé?» Bé ntɔʼ bɨha e nye ó: «Nye ó mwan mo David.»

Mataos 5:47

ǃBɨn si kʉ soho njɨ obɨɔ bɨn nɛʼɛ, yé ndɨ sa edwan tɨʼ ɨ? Dam be bʉr o ndɨ abe oYʉden ɨ, bé esa nteme no.

Mataos 26:63

Yesʉs a kʉ ka di ó njɨ é titil. No ó njwɨɨ opara a ze lɛɛ e nye ó: «Me egwii go mofoo é die mo Zyɛm ndɨ kublakubla ɛ, ó go lɛŋɨ bɨh nkʉ go ó Lœma mulo mo Zyɛm le Mwan mo Zyɛm.»

Lʉkas 9:19

Ompʉn, bé ntɔʼ bɨha ó: «Baʼ, bé elɛɛ ó, go ó Yʉanes Ndubʉr. Bʉʉ, bé ó, go ó Élie. Bʉʉ nteme, bé elɛɛ ó, go ó nuu ngwiha mɨlɔb a bɛa dwè, ntɔʼ bula pàh ɛ.»