Lʉkas 7:6 - Kálara Zyɛ̌m Edwán é mpʉ̌n

⁶ Yesʉs ntɔʼ mʉa si, bé e boo nɔɔ toŋɔ mbɛr mo mʉr waa. Ngbaa le eka be, bé mu si kunbo e mbɛr waa nɛʼɛ, njwɨɨ nter bɨzima nɨ ntɔʼ lomo ofo be ó, bé toʼ, to bɔma e Yesʉs e mpaŋla nwaʼ ó: «Da, antɨʼ nyʉl go mbɛh. Mbi bɨbla mʉr me ndɨ ɨ, yé ajala ó, go niʼe ɨ modwii mam.

Kálar Nzyɛ̌m : Ejwán é Sáá

⁶ Yésʉs, bé e boo nɔ́ɔ́, ntɔ̂ʼ tô mbɛ̌r mʉ̂r waá. Bé mû bǎʼ e mbɛ̌r waá nɛ́ɛ: kapitɛ̂n waá ntɔ̂ʼ lómo ósó bé ó, bé tôʼ lɛ́ɛ e Yésʉs ó: «Dâ ɛ̌, ayɨ́ ntɨ̂ʼ nyʉ̂l nyǒ dwêh. Mbi bɨ́bla mʉ̂r mé dí wɨ́, yé ajala ó, go níʼee ɨ́ mbɛ̌r wâm.

Lʉkas 7:6 ပူးပေါင်းရင်းမြစ်များ

Jacques 4:6

To kœb ó, Zyɛm, nye esʉ bɨna ga mocyɛʼ mo mpom é buobuo. Yé ó mpʉ yé ndɨ tila é Kalara Zyɛm ɨ. Yé ó tila ó: «Zyɛm, nye esa bʉr o ndɨ enkɛɛ monyʉl ɨ, mongan. Baa lé efil monyʉl si e nye e, bɛɛ, nye esʉ be mocyɛʼ mo mpom.»

Markus 5:24

Yesʉs ntɔʼ to, bé e nɔɔ. Mpampaʼ bʉr ntɔʼ du nye. Bʉʉ, bé a be ó lé emana nye.

Lʉkas 8:49

Yesʉs dina lé elwib no nɛʼɛ, nuu mwa mɨlʉmlʉ ntɔʼ pyal, duho mbɛr mo Yarwis, njwɨɨ mpah mɨnjwɨʼla. Nye e Yarwis ó: «Sile go, wi dime mih. Aka ntɨʼ yeʼle mbɛh.»

Jacques 4:10

Filɨ ga monyʉl si e Da, nye nkʉʼ bɨn bɨn kʉ.

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Lʉkas 5:8

É jɔʼ Simɔn Pyɛr a bee syɛɛla yaa ɛ, nye ntɔʼ kur moboo si é mih mo Yesʉs. Nye e nye ó: «Da, diʼe é ncɛra e me, ebe, me ó mʉrʉm ndɨ syɛl mɨsyem ɨ.»

Mataos 20:28

ebe, Mwan mo Mʉr nye mʉr tɨʼ a baaze ó, bʉr sea e nye. Nye a ze ó, lé eze sea e bʉr, ndwe le ekɛha tiʼ ye lé ejala e mobebe mɔɔ, le ekʉr be.»

Mataos 3:11

«Mɛm, me edù bɨn ó e modibe, lé esaa ó, bɨn nkʉʼ gwɨma mobebe le edwir mɨleme min. Sa gwar, mʉr ndɨ edu me é koo pihe e, nye e nkul mojwɨ̀ʼa, laa me. Me abe mbi mʉr lé ejala le enkɛɛ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe!

Lʉkas 7:4

Bé ze to, to jwɨʼla e Yesʉs é mpɨna-mpɨna ó, nye tiʼɨ nye syɛl mosa we waa. Bé e Yesʉs ó: «Yé ekʉ jala yɛɛ ó, go gulɨ mʉr nɨ.

Lʉkas 7:5

Nye é bul kpɛl kul ga yina. Nye ó b'a fumo mpah mɨnjwɨʼla ga wina.»

Lʉkas 7:7

Ebe no ó me bee ó, yé ajala nteme ó, me mʉr tɨʼ soha go e. Lɛŋɨ njɨ ekan egwar, syɛl mosa wam tiʼa!