Lʉkas 7:30 - Kálara Zyɛ̌m Edwán é mpʉ̌n

³⁰ Sa gwar, oFarizyɛŋ bé e l'oyeʼle o motie, bé a si kʉ bene bɨsa Zyɛm a bɛa tiʼe é leme we nɨ. Ebe no ó bé a baamɛʼle ó, Yʉanes dùʼo be e.)

Kálar Nzyɛ̌m : Ejwán é Sáá

³⁰ Sâ gwár, oFarizyɛ̂n, le olɛ̂ʼla o métié, bé á si bene gwɨ́má mé Nzyɛ̌m yaá. Sá tɨ̂ʼ ó bé á be akam ó, Yʉánɛs dúʼoo bé yɨ́.

Lʉkas 7:30 ပူးပေါင်းရင်းမြစ်များ

Lʉkas 13:34

«Yerʉsalɛm, Yerʉsalɛm, gwɔɔ mʉr lé ebɛa jʉ ogwiha o mɨlɔb le elumo baa Zyɛm lé elomlo go e, mokoʼ e! Zɔʼ ntɨɛ me a be lé egwɨm syɛŋ bwan bo, mpʉ abyɛɛ-kuo lé esyɛŋ bwan be é mompaba me si ɨ, bɨn bɛɛ kʉ bene-bene bena.

2 Korɛnt 6:1

No ó, mpʉ bɨh lé esea e Zyɛm syɛɛ gwar yaa ɛ, no nteme ó bɨh lé ejwɨʼla e bɨn ó, é mpʉ Zyɛm mu si lɛʼle bɨn ncwɨncwɨa no e, abi ga ncwɨncwɨa waa mbɛh,

Rôm 10:21

É paʼ bwa b'Ɨzraɛl bɛɛ, Zyɛm, nye elwib, tiibe e be ó: «Me a be ó si syɛm mobo mam, tɔɔ moho ntinɨ, lé ejebe bʉr bam. Bɛɛ kʉ ka sa ó njɨ esa me ebɨh. Sa yiyɛh me lé elɛɛ be e, bɛɛ kʉ tɨ-tɨ tɨʼe.»

Mɨlʉmlʉ 20:27

ebe, me a baaliʼa lé egwih bɨn sa yiyɛh Zyɛm a tiʼe é leme we e.

Mataos 22:35

Nuu mʉr é sama yɔɔ a be yeʼle motie e, ze lam Yesʉs é mbi lwib nye óbɨha e nye e. No ó nye a ze dî e nye ó:

Éfɛsɔs 1:11

Bɨh oYʉden, bɨ syɛŋa é Yesʉs-Krɨst tʉŋlʉ ebe pɛha Zyɛm a pɛh bɨh ó, bɨh diʼe baa be, lé edu mɨtiila mɨ leme we. Nye ó mʉr lé egba nyʉl é sa ye yiyɛh, waa ndɨ esa ó, bɨsa bibyɛh, byé duʼo bɨgwɨma bɨ leme we e.

Galásia 2:21

Me abe e nkul epyeh ncwɨncwɨa mo Zyɛm. Yé be ó, mʉr fih mʉr kɛ̀l, nyi pʉʼa é nkar, sɔba é feerɨ ebe mbi nye lé edu motie nɛʼɛ, lɛɛ ó, Yesʉs-Krɨst a kʉ dwè ó, mbɛh!»

Lʉkas 7:31

Yesʉs ze lɛɛ ó: «Ebe no, me jwɨʼɨ bʉr o mya wiʼ e l'ozé? Bé nteme, bé enwɨɨla e wáa mbi bʉr?

Lʉkas 20:6

ǃBɨna si bɨha ga ó: “Bʉr o b'a lomo nye” nɛʼɛ, bʉr bɨbɛh, bé ólumo bɨna ga mokoʼ, ebe, bɛɛ bɨ kʉ gʉa ó, Yʉanes a be ó ngwiha mɨlɔb.»