Lʉkas 7:22 - Kálara Zyɛ̌m Edwán é mpʉ̌n

²² Nye ze bɨha e be ó: «Bula to lɛɛ ga Yʉanes sa bɨn a bee le ejoʼo e. Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé etiʼɔ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Kálar Nzyɛ̌m : Ejwán é Sáá

²² Nye nzě yala e bé ó: «Tó lɛ́ɛ gá Yʉánɛs sá bɨ̂n beě le ejóʼo yɨ̂: ó baántím, bé mû ó lɨ́ ebáʼǎ bee. Bʉr o b'á nyɛɛ tɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo. Odwe, bé lɨ́ epah ɨ́ mesoo. Mbɨambɨa Lɔ́ɔ mû ó lɨ́ elɛ́ɔɔ míndyêbndyéb, bé e bʉr o dí ɨ́ kpaa nkóó bá.

Lʉkas 7:22 ပူးပေါင်းရင်းမြစ်များ

Lʉkas 4:18

«Sisim mo Da, wé e me. Nye a lœm me mulo, ntɔʼ lomo me ó, me toʼ le elɛɛ Mbɨambɨa Lɔɔ we boo baanteʼenteʼe. Nye a lomo me ó, me toʼ le elɛɛ e mɨkomo ó, mi pɛʼɔ é l'okomo. Me lɛŋɨ nteme ontim ó, bé mu ó lé ebee. Me lɛŋɨ baa lé etíilɔ ɛ, ó bɨ pɛʼɔ é mpel.

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

Mataos 21:14

Ontim le baanya-bɨjyɛm ze dihle fum nye a be é jahla bii mo Zyɛm ɨ, nye ntɔʼ tiʼ be.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Lʉkas 7:21

É jɔʼ gwar yaa, bé a pyal ó, kœb Yesʉs lé etiʼ mɨsyoblʉ é buobuo, baa b'a be e bɨnumò e, le baa b'a be e bɨjyɛm ɨ, le baa b'a sia e moleme e. Nye a si tiʼ nteme buobuo ontim, sa ó, bé bula bee.

Yʉanes 1:46

Natanaɛl, nye e Filip ó: «Zê Kalara Zyɛm, nye elɛɛ ó, yʉʉ mpaŋ sɔʼɔ, yé ó e nkul eduho Nazarɛt ɛ?» Filip, nye e nye ó: «Ntaʼ, ze bee.»

Mataos 11:5

Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé epɛʼɔ sa ndɨ elœʼ be é mih mo Zyɛm ɨ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Lʉkas 7:23

Mocyɛʼ mo mpom, mé ó e mʉr bɨsyɛɛla byam byé óbe, akol ebɔʼ lé ódumo nye e!»