Lʉkas 6:49 - Kálara Zyɛ̌m Edwán é mpʉ̌n

⁴⁹ To kœb ó, mʉr lé ejoʼo mokan mam, adu mpʉ mé lé elɛɛ ɛ, nye enwɨɨla ó e mʉr a fumo mbɛr, cyel we njɨ é bɨbwah kʉ ɨ. Nye a baapu bɨ, nkʉ cyel pab é bah ekoʼ. Nia mpɨɨ a ni ɨ, mbila oboʼo, bé a bila é biha bɨpab ɨ, mbɛr we nɨ, wé ntɔʼ ze swɨɨ si wiwɛh.»

Kálar Nzyɛ̌m : Ejwán é Sáá

⁴⁹ Mʉr dí ejóʼo mékǎn mâm, adû mé nyá, nyě nwɨɨlá ó e mʉr waá á sumo mbɛ̌r njɨ ɨ́ bibwǎh kʉ́ nyá. Nye á bé apû óbɨ́ʼ, nkʉ̂ tyêl bípǎb lɨ́ ekóʼ. Jɔʼ mpɨ́ɨ á mâʼla ɨ́ bíhaá bípǎb yɨ́, mbɛ̌r wé nɨ̌ ntɔ̂ʼ bîʼ wɨ́wɛ̂h.»

Lʉkas 6:49 ပူးပေါင်းရင်းမြစ်များ

Mataos 23:3

Ebe no, saʼ ga mpʉ bé lé elɛɛ bɨn ɨ. Duʼo ga sikʉlʉ yɔɔ yaa. Sa gwar, abaŋa ga yɛɛ bɨsyɛɛla byɔɔ, ebe, bé elɛɛ ó lɛŋɨ, asa.

1 Yʉanes 2:19

Bʉr baa, bé a si kaŋa e Krɨst, mʉa é l'esama ga lɨna, toŋɔ kʉl. Bé a baabe yɛɛ obɨɔ ga bɨna. Nkʉ bé a be ó be, be bʉr be esama ga lɨna nɛʼɛ, mpa bɨna ga e boo nɔɔ, bé dina ó sama, ze pyal é muh é dobo lɨ. To kœb ó, yé a kʉ jala ó, bé laŋa, to yɔɔ, yé nkʉʼ nyin é kpɛŋlɛm ó, abe e mʉr é sama yɔɔ a be é zyɛŋa ga wina.

Yʉanes 15:2

Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Lʉkas 12:47

«Syɛl mosa mu si bɛa gʉa bɨgwɨma bɨ sɔŋ we, nyɛɛ yɛɛ l'akʉmsa, nkʉ loŋlo bɨgwɨma byaa ɛ, nye ófuurɔ mɨmbihe é buobuo.

Lʉkas 6:46

«Ebe yé bɨn lé ejebe me ó: “Da ɔɔ, Da ɛɛ!”, bɨn yɛɛ l'akpɛl sa mpʉ me lé elɛɛ bɨn ɨ?

Markus 4:17

sa gwar, wɛɛ l'ani be é mɨleme tʉŋlʉ. Bé ekʉ ka baʼle we ó njɨ é ma peh jɔʼ. É jɔʼ bé mu lé esia e mɨtuu le etíilɔ ebe lɔɔ Zyɛm ɨ, bé óka bee ó, wé mu ó ebɔʼ bé lé ebɨm é mɨleme, laa lé ódumo be e.

2 Pyɛr 2:20

ǃƗ mʉr si gʉa Tî ga wina le Tiʼbʉr ga wina Yesʉs-Krɨst, le esyɛhle bɨbol bɨ si nwaʼ nɛʼɛ, ǃnye si bâʼle kʉ bir pie tɨʼ ó, ebebe laa, lé bâʼla mara nye wa, tiʼ ye, yé óka bebe, ntaa njɨ, laa mpʉ yé a taare be e,

1 Tesalonika 3:5

Ebe no, é mpʉ me a baaka be e nkul edihbe e, yé ó me a fuo lomo Timote ó, nye ntaʼ gʉʼ bɨn ye, ó nye gʉŋa cye buʼo yin mu ɨ. Leme, wé a si kolo me é lɔb win, ó yʉʉ jɔʼ, mpʉ Satan lé eboblo bɨn ɨ, bɨn bé a si to gʉmla é yʉʉ bebebebe zi. Me a dɨ syɛl ba e bɨn, mɛm lé etoŋlo ó, syɛɛ bɨh bé a sea bɨn ye e, yi dwè ntuʼ.

Mɨlʉmlʉ 26:11

É jɔʼ yiyɛh, me a be lé eto é mompah mɨnjwɨʼla ó, me nkʉʼ kab be bɨntɨʼa. Me a tine be ó, bé lwɨŋɨ Yesʉs. Empime lam, lé a bul bwaʼ ó bwaʼa, to pyal é jɔʼ me a to pyal é bɨnkana mɨlal mɨfih, to tíile be.

Mɨlʉmlʉ 20:29

Me egʉa ó, é jɔʼ me óbe si laa ɛ, bʉr lé enwɨɨla e l'otir o monyan ɨ, bé ópyal-pyal gumo bɨn ndɨ ɨ. Bé aŋa pɨm daa e bɨntœme mo Zyɛm l'asaŋɔ bye ebebe.

Lʉkas 19:27

No ó bʉr o dɔm bam, bé a bene ó, me l'aka cyɛb njwɨɨ é paʼ wɔɔ ɛ, ntaʼ ga me e ba wâ. Bɨn jʉʼo be é mih mam!”»

Lʉkas 19:14

«Tina, yé ó, bʉr o lal we, bé a be ó lé enwim nye. No ó bé a lomo bʉr ó, bé duʼo nye, lé eto myɛʼɔ lɔɔ gʉʼ ó: “Bɨh bɛɛ, bé amɛʼle ó, mʉr nwaʼ cyɛbɨ njwɨɨ é paʼ wih.”

Mataos 24:10

No ó bɨsyɛɛla byam, byé ókol bʉr é buobuo ebɔʼ bé óbɨm é mɨleme, laa lé ódumo be e. Bʉr, bé ókɛha bʉr o sama yɔɔ. Bé ónwimla paʼra wɔɔ.

Lʉkas 6:48

Me ólɛʼle bɨn mpʉ nye ndɨ ɨ. Nye enwɨɨla ó e mʉr a fumo mbɛr é mbi wiʼ ɨ. Nye a bɨr bɨpab bɨ tɨʼ ó, nye osi pu si, lime mompɨ, to pyal é bah ekoʼ. Nye ntɔʼ cyel modwii mo nkan mé ófuʼo bɨpab é bah ekoʼ yaa ɛ. Mpɨɨ ntɔʼ ni é dɨŋa-dɨŋa-dɨŋa, oboʼo ntɔʼ bila é mbɛr waa. Wé a be yɛɛ ó, abwiʼ, ebe mbɨambɨa fumo nye a fumo we e.

Lʉkas 7:1

Jɔʼ Yesʉs a sil lɛɛ bʉr bɨsa byaa bibyɛh ɛ, nye ntɔʼ ze mʉa, ni Kapernaʉm.