Lʉkas 6:47 - Kálara Zyɛ̌m Edwán é mpʉ̌n

⁴⁷ Mbi mʉr lé eze boo me, joʼo mokan mam, ntɔʼ du me e, wé wáa?

Kálar Nzyɛ̌m : Ejwán é Sáá

⁴⁷ Me ólɛ̂ʼle bɨ́n dweʼle mʉ̂r dí enze kwá nyǎm, jóʼo mékǎn mâm, ntɔ̂ʼ dû mé nyá.

Lʉkas 6:47 ပူးပေါင်းရင်းမြစ်များ

Lʉkas 11:28

No ó Yesʉs a bɨha e nye ó: «Mocyɛʼ mo mpom, mé é bul laŋle ó, e baa lé ejoʼo lɔɔ Zyɛm le edu we e.»

Yʉanes 14:15

«ǃBɨn si kpɛl me nɛʼɛ, bɨn nteme, bé ódu mɨtiila me lé etiile bɨn ɨ.

Jacques 4:17

Ebe no, mʉr waa lé egʉa mpaŋ syɛɛla nye lé ejala le esa ɛ, ntɔʼ bula di, asa ye e, nyi sa syem.

Mataos 12:50

Mʉr nyiwɛh lé esa sa Sɔŋ wam ndɨ é jobo kʉ ɨ, lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»

Yʉanes 13:17

Banana, bɨn mu ó si gʉa bɨsa byaa. ǃBɨn si ka sa bye nɛʼɛ, gʉŋa ga ó, bɨn bé óbe ó mbɨmbɨa.

1 Pyɛr 2:4

Dihla ga be kunokuno e mʉr ndɨ kublakubla ekoʼ, laa bʉr, bé a pyeh ɨ. Zyɛm nyɛɛ a si pɛh nye, ebe, nye a bee nye ó, mpʉ sa ndɨ é bul buo dime e.

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Mɨngwiha 22:14

Mocyɛʼ mo mpom, mé e bʉr o ndɨ esohlo mɨkan myɔɔ mpuban ɨ. Bé ó ndɨ e nkul eni é nkana yaa. Bé nteme, bé óbe e nkul emwaʼ mpumo lé ecyèl é lɨ tiʼ ɨ, de.

Lʉkas 14:26

«Mʉr óze boo me le edi mpʉn wam ó, nye osi kpɛl me, laa mpʉ nye lé ekpɛl sɔŋ we le nyɔŋ we, myɛl we e bwan be, obɨɔ be le okɛl be, dam be tiʼ ye nye mʉr tɨʼ ɨ.

1 Yʉanes 3:7

Bwan bam aa! Abir ga ó, mʉr gomla bɨn é bebebebe zi. Mʉr lé esa mɨmpaŋ bɨsyɛɛla ɛ, nyiha ó ndɨ cɨcyel mpʉ mo Yesʉs-Krɨst.

1 Yʉanes 2:29

Bɨna bé egʉa ga ó, Krɨst, nye ó cɨcyel mʉr. Bɨn bé ejala le egʉa nteme ó, mʉr nyiwɛh lé esa mɨmpaŋ bɨsyɛɛla ɛ, nye ó ndɨ mbyɛla mo Zyɛm.

Yʉanes 10:27

Bɨntœme byam, byé ejoʼo ecel lam. Me egʉa bye. Byé nteme, byé edu me é koo pihe.

2 Pyɛr 1:10

Obɨɔ ga bam aa! Me elɛɛ bɨn ó nɛɛ: gbaʼ ga monyʉl lé esea é dwiii é l'efu ó, bɨn gʉŋa cyecye ó, Zyɛm a si jebe bɨn, le epɛh bɨn, ebe, ǃbɨn si sa no nɛʼɛ, bɨn bé ákwoʼ duma é syem.

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Yʉanes 6:35

Yesʉs, nye e be ó: «Me ó ndɨ mode lé etiʼ bʉr ɨ. Mʉr nyiwɛh lé eze boo me e, nye abe e nkul eka joʼo za. Mʉr nyiwɛh lé ejyɛʼ taa buʼo ye boo me e, nye abe e nkul eka joʼo dweh modibe.

Yʉanes 5:40

Sa gwar, bɨn bé amɛʼle lé eze boo me, ó bɨn ntaʼ, ze bi tiʼ molu mo mpoʼ mɨmɛh.

Lʉkas 8:13

Mʉʉ mompœʼ, mé a kur ó, é bwah yé a be é bah ekoʼ kʉ ɨ, sa nɨ lé edweʼle bʉr o b'a joʼo lɔɔ Zyɛm e bɨsʉhʉ é jɔʼ bé a jà we e. Sa gwar, bé a baadib lɔɔ waa zi ó, wé niʼe be é mɨleme tʉŋlʉ. Bé a kʉ ka buʼla we ó njɨ é ma jɔʼ, bʉr, bé ze tíile be é lɔb buʼo yɔɔ, bé ntɔʼ kaŋa e lɔɔ waa.

Lʉkas 8:8

Dam be no, guu paʼ mompœʼ wɛɛ, wé a si kur é si mocyɛʼ. Mompœʼ maa ze gwɨe le egumo mpumo. Etin egwar gumo mpumo nter.» É jɔʼ Yesʉs a sil lɛɛ be no e, nye ze lwib e be lé eyɨm twii ó: «Mʉr ndɨ e mogwal mo ejoʼo e, nye joʼa naa.»

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

Yʉanes 8:52

OYʉden, bé e nye ó: «Banana, bɨh bɨ gʉa ó, go ó bana kʉ be e l'eleme! Abraham a si dwè, ogwiha o mɨlɔb si dwè nteme. To kœb ó, gwɔɔ, go elɛɛ ó, ǃɨ mʉr si baʼle lwib yo nɛʼɛ, nye l'aka dwè!

Lʉkas 6:48

Me ólɛʼle bɨn mpʉ nye ndɨ ɨ. Nye enwɨɨla ó e mʉr a fumo mbɛr é mbi wiʼ ɨ. Nye a bɨr bɨpab bɨ tɨʼ ó, nye osi pu si, lime mompɨ, to pyal é bah ekoʼ. Nye ntɔʼ cyel modwii mo nkan mé ófuʼo bɨpab é bah ekoʼ yaa ɛ. Mpɨɨ ntɔʼ ni é dɨŋa-dɨŋa-dɨŋa, oboʼo ntɔʼ bila é mbɛr waa. Wé a be yɛɛ ó, abwiʼ, ebe mbɨambɨa fumo nye a fumo we e.