Lʉkas 6:45 - Kálara Zyɛ̌m Edwán é mpʉ̌n

⁴⁵ Leme mʉr, wé ó mpʉ ekʉm. Mʉr ndɨ é mbɨa ɛ, nye enʉa bɨsa bɨ embɨa bye ó, tɨ, é l'ekʉm le tʉŋlʉ, ntɔʼ pyɛl-pyɛl bye kʉl. Mʉr ndɨ é bebe e, nye enʉa bɨsa bɨ ebebe bye ó, é leme we, ndɨ mpʉ bebebebe ekʉm le e, pyɛl bye kʉl. Sa mʉr ndɨ e ye lwɨŋla é leme we e, yé ó nʉm we lé epyɛl kʉl ɨ.»

Kálar Nzyɛ̌m : Ejwán é Sáá

⁴⁵ Lémé mʉ̂r, wé ó ekʉ̌m, gúmó mʉ̂r tɨ̂ʼ dí ekomo bísá byé yɨ́. Mbɨambɨa mʉr pípyél tɨ̂ʼ ó bisá bí émbɨa. Bɨ́bla mʉ̂r jaá pyél tɨ̂ʼ ó, njɨ byaá bí ébébe. Mbǐ lwǐb mʉ̂r dí elwib mílɔ̌b wɨ́, wé ó dí elɛ̂ʼlě sá dí nye ɨ́ buo buo ɨ́ lémé wé yɨ́.»

Lʉkas 6:45 ပူးပေါင်းရင်းမြစ်များ

Éfɛsɔs 4:29

Bol lwib l'anyamle pʉʼa é nʉm win, njɨ yaa ndɨ e nyɔm é nko paʼ bʉʉ bʉr ɨ, ó bé gwɨa é buʼo yɔɔ. Yé ó é l'efu ó, Zyɛm sʉʼo bʉr o ndɨ ejoʼo bɨn ɨ, mocyɛʼ mo mpom. Lwib ye, yé diʼe sa ndɨ é bul jala ɛ.

Yʉanes 7:38

Mʉr nyiwɛh lé ejyɛʼ taa buʼo ye boo me nwa ɔɔ, “Mɨsʉm montibe, myé ódɨ sah, lé eduho é leme we,” é mpʉ yé ndɨ tila é Kalara Zyɛm yi ɔɔ.»

Kolosi 3:16

Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.

Kolosi 4:6

Mokan mɨn, mé ejala le ebe é jɔʼ yiyɛh ó, é mbɨa mbɨa, lwɨŋla e nyɔm. Gʉa bɨha ga e mʉr nyiwɛh mbɨmbɨa.

Ebrœ̂ 8:10

Ebe no ó Da lé elɛɛ ó: “Pie molu maa, mpʉn me óde e bwa b'Ɨzraɛl ɨ, nye óbe ó, é mbi wi: Me ógba motie mam é mɨpɛhla myɔɔ. Motie maa, mé óbe nteme ó mɨtila é mɨleme myɔɔ. Me óbe ó Zyɛm wɔɔ; bɛɛ, bé óbe ó baa bam.

Éfɛsɔs 5:19

Jɛŋɨ ga osam, e bɨjɛɛ mo Zyɛm ndwe e bɨjɛɛ Sisim we lé elɛʼle bɨn ɨ. Jɛŋɨ ga bɨjɛɛ ndɨ e nyɔm le eseʼle Da Yesʉs ɨ, e mɨleme min mimyɛh.

Mɨlʉmlʉ 5:3

No ó Pyɛr a ze lɛɛ e nye ó: «Ananias, ebe yé Satan bana cyɛb go é leme, ze sa ó, go lɛŋɨ Mbɨambɨa Sisim mpʉl mpʉnʉ nɨ ɨ? Ebe, gɨ nara e guu paʼ mɔn Mbɛr-Zyɛm go a nʉa é l'ebom e peme yo e, komo é l'empàh!

Yʉ̂d 1:15

é l'efu ó, nye tiʼa bʉr bɨbɛh mɨlɔb le edwe bʉr bɨbɛh ndɨ adwaabe nye e, mobe. Mɨsyem myɔɔ, myé enyin é bɨsyɛɛla bɨ ebebe byɔɔ bibyɛh. Zyɛm ólɛʼle osyɛl o mɨsyem, baa ndɨ adwaabe nye e, mpʉ bé a sa syem lé elwib bɨlwib bɨ mpyoo, tiibe e nye e.»

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.