Lʉkas 6:42 - Kálara Zyɛ̌m Edwán é mpʉ̌n

⁴² Wáa mbi go ndɨ e nkul elɛɛ e mɨɔ go ó: “Mɨɔ wam, paʼ cyɛb, me pɛʼɛ go mpum ndɨ go é dih ɨ,” gwɔɔ yɛɛ apa bee, nkʉ pɛʼ pehe ndɨ é laa lo dih ɨ? Anya-bɨkʉʉŋʉ nwa, taara pɛʼ pehe ndɨ é dih lo e! É jɔʼ yaa ó go óbee é sʉlʉlʉ, pɛʼ mpum ndɨ mɨɔ go é dih le e.»

Kálar Nzyɛ̌m : Ejwán é Sáá

⁴² Wáǎ mbi gó dí e nkul elɛ́ɛ e mɨ́ɔɔ́ gǒ ó: “Paá nze! Mɨ́ɔɔ́ wǎm, me pɛ́ʼɛɛ go mâ sɔ̂ʼ dí go ɨ́ dîh nyá,” gua yɨ́ɛ apǎ pɛ̌ʼ mbʉ́ŋʉʉ dí go ɨ́ dîh wɨ́ ɛ́? Baányâ-mikóo bâ, tááráá épɛ̌ʼ mbʉ́ŋʉʉ dí ɨ́ díh lô wɨ́! Jɔʼ yaá ó gó ngá bee ɨ́ sʉ́lʉ́lʉ́, pɛ̌ʼ mpǔm dí mɨ́ɔɔ́ gǒ ɨ́ díh yɨ́.»

Lʉkas 6:42 ပူးပေါင်းရင်းမြစ်များ

2 Pyɛr 1:9

Sa gwar, mʉr ndɨ akœʼ ebò e cyen laa ɛ, mbea we, wé ajaa to. Nye ó mpʉ ntim. Nyi kʉ jɨha ó, Zyɛm a be ó si pubo nye é nko paʼ mɨsyem nye a be lé esa ɛ.

2 Timotɛ 2:21

Ebe no, ǃɨ mʉr óbe si puba ndwe le ebene bɨsyɛɛla byaa nɛʼɛ, Zyɛm ópɛh nye é l'efu e bɨsyɛɛ bɨ duu, le ecyel nye é dia mʉr we ndɨ saŋ ɨ. Da óbee ó, mʉr waa, nye é bul buo nyɔm é nko paʼ we. Leme, wé óbe ó mʉr waa é ntɨɨɨŋ ó, nye saʼ bɨsyɛɛla bɨ ncwɨncwɨa bibyɛh nye ótimle nye e.

2 Korɛnt 5:18

No ó, syɛɛla yaa yiyɛh, yé eduho ó, njɨ boo Zyɛm. Nye ó b'a sa sàa lé edira bɨna ga e boo nɔɔ ɛ. Nye a sàa lɔb ga wina ó, dumo e Krɨst. Nye nteme ó b'a cyel bɨh é syɛɛ ó, bɨh niŋla bʉʉ bʉr é sama bʉr o bé e boo nɔɔ mu é sàa ɛ.

Rôm 2:1

No ó, gwɔɔ, mʉr lé edwe bʉr mobe e, go abe e nkar é mih mo Zyɛm! É jɔʼ go be ó, go dwe ó bʉr mobe e, nʉm go, wé ebula dwe go mʉr tɨʼ mobe, ebe, gwɔɔ yɛɛ «tiʼà mɨlɔb», gwɔɔ lé ekʉ sa nteme bɨsyɛɛla bɨmpwar byaa!

Mɨlʉmlʉ 13:10

Nye e nye ó: «Gwɔɔ mwan mo Njwɨɨ moleme, mʉr dɔm ndɨ elwimla e sa yiyɛh ndɨ é l'ocɨcyel ɨ. Go ó lwɨŋla e bɨlwib bɨkʉʉŋʉ le mpʉl, mɨmbi mimyɛh. Zê go aŋa gwaʼ lé eze e mbʉl é mɨlɔb mo Da ɛ?

Mɨlʉmlʉ 8:21

Go abe e nkul etœb lɔb wi. Go abe e nuu nkɔb tɨ, ebe, leme go, wé abe cɨcyel é mih mo Zyɛm.

Mɨlʉmlʉ 2:38

No ó Pyɛr a bɨha e be ó: «Gwɨma ga mobebe mɨn. Bɨn bé à dwir mɨleme. Mʉr nyiwɛh é sama yin, nye nʉŋa ndubo é nkul die mo Yesʉs-Krɨst, ó Zyɛm pɛʼɛ nye bɨbaa nye lé eniʼe é lɔb mɨsyem mye e. No ó bɨn bé òka ntɨhɔ Mbɨambɨa Sisim, sa Zyɛm a bɛa kɛʼ bɨn ɨ,

Lʉkas 22:32

Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

Lʉkas 13:15

Da, nye e njwɨɨ mpah mɨnjwɨʼla ó: «Bɨn baanya-bɨkʉʉŋʉ ba! É moho saba, bɨn bɨbɛh bé etii bɨntɛɛ ndwe e bɨtab bin, lé eto e bye é montibe. Zê yé abe no ɛ?

Mataos 26:75

Pyɛr ze toŋlo sa Yesʉs a lɛɛ e nye ó: «Zʉm kuo l'apa kwaʼle, go ókɛla bɨjɔʼ bɨlɛl ó, go agʉa me.» Nye ntɔʼ pyal kʉl, ntɔʼ tʉl e l'edwe.

Mataos 7:3

Ebe yé go lé ebee mpum ndɨ mɨɔ go é dih ɨ, gwɔɔ yɛɛ apa jʉʼra pehe go lé enkɛɛ é dih lo e?

Mataos 7:4

Wáa mbi go ndɨ e nkul elɛɛ e mɨɔ go ó: “Paʼ cyɛb, me pɛʼɛ go mpum ndɨ go é dih ɨ,” gwɔɔ yɛɛ apa pɛʼ pehe ndɨ é laa lo dih ɨ?

Lʉkas 6:41

«Ebe yé go lé ebee mpum ndɨ mɨɔ go é dih ɨ, gwɔɔ yɛɛ apa jʉʼra pehe go ndɨ enkɛɛ é dih lo e?

Lʉkas 6:43

«Mbɨambɨa lɨ, yé abe e nkul egumo bɨbebebebe bɨ mpumo. Bebebebe lɨ agumo mɨmpaŋ mɨ mpumo.