Lʉkas 6:37 - Kálara Zyɛ̌m Edwán é mpʉ̌n

³⁷ «Atiʼe ga mɨlɔb mɨ bʉʉ bʉr; Zyɛm nkʉʼ be, atiʼe myaa min. Adwe ga bʉr mobe, bɨn jaa dweŋɔ mobe. Pɛʼɛ ga bʉr bɨbaa bɨ ebebe bɨn bé a niʼe be e, Zyɛm nkʉʼ pɛʼ bɨn byaa nye lé eniʼe bɨn ɨ.

Kálar Nzyɛ̌m : Ejwán é Sáá

³⁷ «Ayɨ́ dwe gá bʉr mebě, ebě, Nzyɛ̌m ámû jaá dwe bɨ́n mebě tɨ̂. Ayɨ́ dwe gá bʉr mpono. Nzyɛ̌m nkʉ̂ be, adwe bɨ́n mpono. Pɛʼɛɛ gá bʉr bibaa bí ébébe bɨ́n á niʼe bé bí, Nzyɛ̌m nkʉ̂ pɛʼ bɨ́n byaá nyé á niʼe bɨ̌n bí.

Lʉkas 6:37 ပူးပေါင်းရင်းမြစ်များ

Éfɛsɔs 4:32

Diʼe ga e ncwɨncwɨa e nkʉnkoo paʼra win. Pɛʼla ga bɨbaa bɨ ebebe bɨn ndɨ eniʼla paʼra win ɨ, mpʉ Zyɛm a pɛʼ byaa nye a niʼe bɨn dumo e Krɨst ɨ.

Jacques 5:9

Obɨɔ ga bam aa! Asa ga bɨpura paʼra win, ebe, Zyɛm nkʉʼ be, atiʼe bɨn lɔb tɨ. Tiʼà mɨlɔb ga wina mu ó kunokuno le epyal!

Markus 11:25

ǃBɨn si cyɛb cɨcyel lé esa mɨnjwɨʼla nɛʼɛ, yé be ó bɨn e boo bʉr, bé e lɔb nɛʼɛ, saʼ ga ó, bɨn taara pɛʼ bɨbaa bɨ ebebe bɨn bé a niʼe be e. No ó Sɔŋ win ndɨ é jobo kʉ ɨ, nye ópɛʼ nteme bɨbaa nye lé eniʼe bɨn é lɔb bɨgwìh bin ɨ. [

Kolosi 3:13

Dihba ga ebebe paʼra win, alwib. ǃƗ mʉr si fuuba be e lɔb, bé e nuu mbuʼla nɛʼɛ, bé ejala le epɛʼla bɨbaa bɨ ebebe bé a niʼla paʼra wɔɔ ɛ. Dɨʼe pɛʼla ga bɨbaa bɨ ebebe paʼra win mpʉ Da Yesʉs a pɛʼ byaa nye a niʼe bɨn ɨ.

Mataos 5:7

Mocyɛʼ mo mpom e bʉr o ndɨ ejwɨʼ bʉʉ bʉr nkoo e, ebe, Zyɛm ójwɨʼ be nteme nkoo!

Mataos 18:30

Sa gwar, nyɛɛ, nye a baakpɛl jwɨʼ fo we nkoo. Nye ze mʉa, gba nye é mbʉʼ, to bono jɔʼ nye ójɛna nye mpɔla waa ɛ.

Lʉkas 6:36

Jwɨʼɨ ga bʉr nkoo mpʉ Sɔŋ win ndɨ e njwɨʼa-nkoo e.»

Lʉkas 23:16

Ebe no, me óturo nye lʉ, me òbir nye.» [

Mɨlʉmlʉ 3:13

Nyi tiʼɔ mpʉnʉ ó, ebe Zyɛm mo Abraham, e Ɨzak ndwe e Yakɔb ndwe e bɨmpam ga bɨna. Nyɛɛ be ó si kpɛl ó, nye dwiibɨ syɛl mosa we Yesʉs. Bɨn bɛɛ, bé a si kɛha nye, ntɛŋɔ nye é mobo mo Pilat ó, nye jʉʼo nye. Bɨn bé a kɛha nye no ó, Pilat, nye osi tiʼe é leme we ó, nye bir ó nye.

Jacques 2:13

Mʉr ndɨ ajwɨʼ bʉr nkoo e, nye nteme, nye aŋa jwɨʼɔ nkoo é dobo Zyɛm ótiʼe lɔb we e. Njwɨʼa-nkoo, wé ekʉ doʼo é mih mo tiʼ mɨlɔb.