Lʉkas 6:35 - Kálara Zyɛ̌m Edwán é mpʉ̌n

³⁵ Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Kálar Nzyɛ̌m : Ejwán é Sáá

³⁵ Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

Lʉkas 6:35 ပူးပေါင်းရင်းမြစ်များ

Yʉanes 13:35

ǃBɨn si kpɛla paʼra win nɛʼɛ, bʉr bɨbɛh, bé ógʉa ó, bɨn bé ó ompʉn bam.»

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.

Yʉanes 15:8

Sɔŋ wam óbi kum ó, é jɔʼ bɨn bé ógumo buobuo mpumo, le edi ompʉn bam ɨ.

Mɨlʉmlʉ 14:17

Dam be no, nye a baaliʼe be é mozi maa tɨtoʼo. Nye a si boʼlo, tiibe e nye mʉr tɨ. Nye a si bul cwɨa e bʉr bɨbɛh. É yiʼ jɔʼ, nye efil bɨn ompie, duho é jobo kʉ. É yʉʉ jɔʼ, nye edwe bɨn nkul eto é mɨngol. Nye edwe-dwe bɨn mode, le esa ó, bɨn díla. Nye egba bɨsʉhʉ é mɨleme min.»

Lʉkas 1:32

Nye óbe ó mʉr nɨnɨ. Bʉr, bé ójebe-jebe nye ó, Mwan mo Zyɛm ndɨ Lʉ bɨsa bibyɛh ɛ. Da Zyɛm ódil nye é dia taʼa mo sɔŋ mpam we David.

Markus 5:7

ntɔʼ behe Yesʉs. Nye ó: «Yesʉs, Mwan mo Zyɛm ndɨ Lʉ bɨsa bibyɛh ɛ! Go esaa yé e me? Paʼ kʉ de mɨnkɛla é die mo Zyɛm ó, go aŋa dwe me ntɨʼa!»

Mataos 5:9

Mocyɛʼ mo mpom e bʉr o ndɨ egba motala paʼra bʉr e bʉr ɨ, ebe, bé ójebe be ó, bwan mo Zyɛm!

Lʉkas 6:36

Jwɨʼɨ ga bʉr nkoo mpʉ Sɔŋ win ndɨ e njwɨʼa-nkoo e.»

2 Timotɛ 3:2

É til molu yaa, bʉr, bé óbul kpɛl ó, njɨ bé bʉr o tɨ. Bé ókpɛl mɔn laŋle. Bé e jaale ndwe e nkɛa nyʉl. Bé óbul pyeh bʉʉ bʉr. Bé aŋa joʼo obyɛl bɔɔ. Bé ólono embɨa bé lé esaŋɔ ɛ. Bé óbe ó bʉr o ndɨ epyeh Zyɛm ɨ.