Lʉkas 6:30 - Kálara Zyɛ̌m Edwán é mpʉ̌n

³⁰ ǃƗ mʉr si jaʼ go sɔʼɔ nɛʼɛ, go à dwe nye ya. Adu bɨsa bʉr lé edɛn go e.

Kálar Nzyɛ̌m : Ejwán é Sáá

³⁰ Mʉr nyɨnyɛ̂h jáʼ gó sɔ̂ʼ nyá, bɨ̌n e dwé nyé yǎ. Ató dû bísá bʉ̂r, bé á dɛn bí.

Lʉkas 6:30 ပူးပေါင်းရင်းမြစ်များ

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.

Mɨlʉmlʉ 20:35

Bɨsyɛɛla byam bibyɛh, byé a be bɨn ó dweʼle. Yé ekʉ jala ó, bɨn sea syɛɛ é dwiii, le egul bʉr o ndɨ é cyɛʼ ɛ, ebe, bɨna bé etoŋlo ga sikʉlʉ Da Yesʉs nye mʉr tɨʼ a dwe ó: “Le mʉr lé edwe e, le waa lé enʉa ɛ, waa lé edwe ó ndɨ esʉŋɔ mocyɛʼ mo mpom.”»

Mataos 6:12

Pɛʼɛ bɨbaa bɨ ebebe bɨh go di eniʼe é lɔb mɨsyem mɨh ɨ, mpʉ bɨh lé epɛʼ byaa bɨ bʉr o ndɨ esa bɨh ebebe e.

Lʉkas 18:22

É jɔʼ Yesʉs a joʼo no e, nye ze lɛɛ e nye ó: «Yé eka saa go sa gwar. Toʼ, to bɛma bɨsa bibyɛh go ndɨ e bye e. Go à dwe baanteʼenteʼe mɔn tɨ. É jɔʼ yaa ó go óbi okum e l'ogbaa é lal mo Zyɛm ɨ. Pie tɨ, go òze du me.»

Lʉkas 12:33

Bɛma ga mobi mɨn. Fuʼa ga baanteʼenteʼe o bʉr. Lara ga mɨmpɨʼ bɨmɔn ndɨ ajwɨm ɨ. Maʼa ga okum e l'ogbaa win é jobo kʉ, gumo byé óbe, asie e, ebe, mɨndiblʉ, myé abe e nkul ekunbo e tɨ; osyoʼ nteme ajʉa bye.

Lʉkas 11:41

Dweʼ ga baanteʼenteʼe sa ndɨ é bɨfua bin tʉŋlʉ ɨ. Bɨn bé óbee ó, bɨfua bin bibyɛh, byé ó mɨfwɨʼra é mih mo Zyɛm.

Lʉkas 6:38

Dwɛna ga; bɨn nteme nkʉʼ dweŋɔ. Zyɛm ójwɨʼ bɨn bya e kar ndɨ é bwaʼ mo e. Nye ókaale bɨn bya ó, le ekaale, le edine, le ekaale, le edine, to dʉʉ, guu paʼ swɨɨ si. Bim bɨn lé ekaale bʉʉ bʉr ɨ, bim yaa nteme ó nye ókaale bɨn ɨ.»

Mataos 18:35

Yesʉs ze ko tɨʼ ó: «ǃBɨn si be, apɛʼ bɨbaa bɨ ebebe bɨn lé eniʼe obɨɔ bɨn e mɨleme min mimyɛh nɛʼɛ, Sɔŋ wam ndɨ é jobo kʉ ɨ, nye aŋa mɛʼle pɛʼ bɨbaa bɨ ebebe nye a niʼe mʉr nyiwɛh é l'esama lɨn ɨ.»

Éfɛsɔs 4:28

Mʉr a be-be ndiblʉ ɨ, nye gwaʼa díbe. Nye sea syɛɛ ndɨ e nyɔm ɨ, e mobo me, é mbi ndɨ ó, nye diʼe e sa nye ógul baanteʼenteʼe e ye e.

Mataos 5:39

No ó, mɛm, me elɛɛ bɨn ó nɛɛ: asa ga bɨbla mʉr mongan. ǃƗ mʉr si jaa go bɛh é l'emuʼ le ejʉm nɛʼɛ, birɨ nteme ó, nye ŋmɛhɛ é laa le emyɛl.

Lʉkas 6:29

ǃƗ mʉr si jaa go bɛh é l'emuʼ le ejʉm nɛʼɛ, syɛmɨ nteme laa le emyɛl. ǃƗ mʉr si dɛʼ go len kʉr nɛʼɛ, birɨ nye, nye nʉŋa ndwe e dur.

Lʉkas 6:31

«Mpʉ bɨn lé egwɨm ó, bʉr saʼ bɨn ɨ, dɨʼe sa ga nteme be no.