Lʉkas 6:28 - Kálara Zyɛ̌m Edwán é mpʉ̌n

²⁸ Sʉʼo ga bʉr mocyɛʼ mo mpom é jɔʼ bé lé esyɛm bɨn ɨ. Yé be ó, bʉr, bé esa bɨn ebebe nɛʼɛ, jwɨʼla ga é l'efu lɔɔ.

Kálar Nzyɛ̌m : Ejwán é Sáá

²⁸ Sʉʼoo gá bʉr metyɛʼ me mpóm ɨ́ jɔʼ bé dí esyɛm bɨ́n yɨ́. Bʉ̂r sá bɨ́n ebébe nɛ́ɛ: jɨʼlaa gá lɨ́ esú lɔ́ɔ́!

Lʉkas 6:28 ပူးပေါင်းရင်းမြစ်များ

1 Pyɛr 3:9

Mʉr beʼ l'abala ebebe e l'ebebe. Laa ó, go bala molwɨɨ go lwɨɔ ɛ, fuo sʉ yɛɛ baanya-molwɨɨ mocyɛʼ mo mpom. Zyɛm a jebe bɨn ó, bɨn saʼ no, bɨn nkʉʼ sʉŋɔ nkɔb é mocyɛʼ mo mpom nye lé esʉ bʉr be e.

1 Korɛnt 4:12

Bɨh bé esea syɛɛ ndɨ é lele lele e, lé esaa tiʼ yih, bɨh bʉr o tɨ. É jɔʼ bé lé elwɨɨ bɨh ɨ, bɨh bɛɛ, bé esʉ be ó, mocyɛʼ mo mpom. É jɔʼ bé lé etíile bɨh ɨ, bɨh bé edihbe tíila yɔɔ.

Rôm 12:14

É jɔʼ bʉr lé etíile bɨn ɨ, sʉʼo ga be mocyɛʼ mo mpom. Laa ó, bɨn syɛmɨ be, fuo sʉ ga yɛɛ be mocyɛʼ mo mpom.

Jacques 3:10

Nʉm ngwar waa, wé epyɛl bɨkɔ́ɔlʉ, ntɔʼ sʉ bʉr mocyɛʼ mo mpom. Obɨɔ ga bam aa! Yé ajala le ebe no.

Lʉkas 23:34

Yesʉs ntɔʼ lɛɛ ó: «Da, pɛʼɛ be baa ebebe go niʼe be e, ebe, bé agʉa sa bé lé esa ɛ.» Bɨzima ntɔʼ kabla mɨkan mye, doŋɔ mye ebya.

Lʉkas 6:27

«É paʼ win, bʉr o ndɨ ejoʼo me e, me elɛɛ bɨn ó nɛɛ: kpɛlɨ ga bʉr o dɔm bɨn. Cwɨa ga e bʉr o ndɨ enwim bɨn ɨ.

Mataos 5:44

No ó, mɛm, me elɛɛ bɨn ó nɛɛ: kpɛlɨ ga bʉr o dɔm bɨn. Jwɨʼla ga é l'efu e bʉr o lé etíile bɨn ɨ.

Mɨlʉmlʉ 7:60

Nye ntɔʼ ze kur moboo si, ntɔʼ lwib lé eyɨm twii ó: «Da, aniʼe be baa é lɔb syem wi.» Jɨh tɨʼ nye a kʉ lɛɛ ekan laa, nye ntɔʼ fil mɨswɨh mɨ epihe.

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Mɨlʉmlʉ 14:5

OYʉden, le baa ndɨ abe oYʉden ɨ, ndwe e l'otamabʉr o kul oYʉden, ze bònɔ pɨʼ ó, bé tíila Pol bé e Barnabas le elumo be mokoʼ.