Lʉkas 6:20 - Kálara Zyɛ̌m Edwán é mpʉ̌n

²⁰ No ó nye a ze dwɛʼ nko ompʉn be, bé a be e, ze lɛɛ e be ó: «Mocyɛʼ mo mpom, mé e bɨn, baanteʼenteʼe. Jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bɨn ɨ.

Kálar Nzyɛ̌m : Ejwán é Sáá

²⁰ Nó nyé á nze dwɛ̂ʼ nko ómpʉ́n bé, bé á be yɨ́, nzě lɛ́ɛ e bé ó: «Metyɛʼ me mpóm, mé díʼee e bɨ̌n, baántéʼenteʼe o bʉ̂r. Mpóʼo mé Nzyɛ̌m á tyélɔɔ ó, lɨ́ esú é bʉ̂r o dí mpʉ bɨ́n bá.

Lʉkas 6:20 ပူးပေါင်းရင်းမြစ်များ

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.

Lʉkas 12:32

«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Mɨngwiha 2:9

“Me egʉa mɨtuu min, ndwe e l'enteʼe lɨn—to kœb ó, bɨn bé ó mɨsʉsʉ mɨ bʉr—, ndwe e movoʼ bʉr lé efœʼ bɨn ɨ. Baanya-movoʼ baa, bé dam lɛɛ ó, bé ó oYʉden, bé abe yɛɛ oYʉden ompa. Bé ó bʉr o mpah mɨnjwɨʼla mo Satan!

2 Korɛnt 6:10

é jɔʼ bé sa ó, bɨh liʼɨ é gœʼra-gœʼra e mocyɛʼ mo nyʉl ɨ, bɨh bé eto dolo lé esoho é jɔʼ yiyɛh, é jɔʼ bɨh ndɨ é l'enteʼe, bɨh bɛɛ lé ekab buobuo bʉr mopoʼ e, é jɔʼ bɨh ndɨ é l'enteʼe e, bɨh bɛɛ yɛɛ lé entuʼba ɛ.

Jacques 1:12

Zyɛm sʉʼo mocyɛʼ mo mpom me é mʉr lé entaa mobʉbla e bihbe e. Pim ndɨ é buʼo ye e, nye ókʉ nyin. Nye óbœrɔ epʉʼlʉ e tiʼ molu mo mpoʼ mɨmɛh é lʉ, yaa Zyɛm a kɛʼ bʉr o ndɨ ekpɛl nye e.

2 Tesalonika 1:5

Syɛɛla yin yaa, yé ó dweʼle, sa lé ekʉ lɛʼle bɨna ga ó, Zyɛm, nye e l'ocyecye é jɔʼ nye lé etiʼe bʉr mɨlɔb myɔɔ no e. É mpʉ bɨn lé esa bihbe no e, yé esa ó, bɨn jala e bɨdia é jwɨ̀ʼa mo Zyɛm mu lé ecyelɔ ɛ. Ebe no ó bɨn lé ebɔma e mɨtuu e mɨndɛl mɨnɨ ɨ.

1 Tesalonika 1:6

Bɨn ntɔʼ nʉa dweʼle tiʼ yih, le yaa mo Da Yesʉs. Bɨn bé a si buʼla lɔɔ Zyɛm, dam be é mɨtuu bɨn bé a sia e mye e. Mbɨambɨa Sisim a be ó si loŋlo mɨleme min e bɨsʉhʉ, dam be mɨtuu min myaa.

2 Korɛnt 8:2

Bé a si kʉ boblɔ é zi mɨtuu e mɨndɛl bé a sia e mye e. Dam be é l'enteʼe le egoblo lɔɔ, bwaʼbwaʼ bɨsʉhʉ byɔɔ, byé a si kʉ nyin é pono é zi mɨndwɛa myɔɔ.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Lʉkas 14:15

É mpʉ nuu mʉr a joʼo Yesʉs lé elwib no e, nye ze lɛɛ e nye ó: «Mocyɛʼ mo mpom, mé ó e mʉr óde dina é jwɨ̀ʼa mo Zyɛm ɨ!»

Lʉkas 13:28

Gumo yaa ó bɨn bé ódɨ time le elwaare moje e, é jɔʼ bɨn bé óbee Abraham, Ɨzak, Yakɔb, le ogwiha o mɨlɔb mu e bɨdia é jwɨ̀ʼa mo Zyɛm, bɨn bɛɛ guhɔ kʉl ɨ.

Lʉkas 4:18

«Sisim mo Da, wé e me. Nye a lœm me mulo, ntɔʼ lomo me ó, me toʼ le elɛɛ Mbɨambɨa Lɔɔ we boo baanteʼenteʼe. Nye a lomo me ó, me toʼ le elɛɛ e mɨkomo ó, mi pɛʼɔ é l'okomo. Me lɛŋɨ nteme ontim ó, bé mu ó lé ebee. Me lɛŋɨ baa lé etíilɔ ɛ, ó bɨ pɛʼɔ é mpel.

Mataos 11:5

Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé epɛʼɔ sa ndɨ elœʼ be é mih mo Zyɛm ɨ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Lʉkas 16:25

«No ó Abraham a lɛɛ e nye ó: “Mwan wam ɔɔ! Toŋla ó, go a di ó, é dia mopoʼ é jɔʼ go a be e tiʼ yi ɔɔ! Lazar nyɛɛ a kʉ ka di-di ó, njɨ é dia enteʼe ɔɔ! Banana, nye mu ó si poblɔ kaʼ ɔɔ! Gwɔɔ, go esia e mogumba ɔɔ!

Mataos 5:1

Mbea Yesʉs a bee ntuntuma bʉr ɨ, nye ntɔʼ bere é l'ecwɨʼ kʉ, di si. Ompʉn be ze dihle gumo nye a be e.