Lʉkas 6:19 - Kálara Zyɛ̌m Edwán é mpʉ̌n

¹⁹ Bʉr bɨbɛh é mpampaʼ bʉr yaa, bé a be ó lé esaa ó, bé dɨʼe kuna e nye, diŋa ó, bé ótiʼe. Nkul a be ó si duho é Yesʉs, nye ntɔʼ tiʼ mɨsyoblʉ mimyɛh myé a be tɨʼ ɨ.

Kálar Nzyɛ̌m : Ejwán é Sáá

¹⁹ Mʉr nyɨnyɛ̂h ɨ́ sɔ́má bʉ̂r baá á be lɨ́ esáa édǐ kúna e né ɨ́ lɔ̌b nkûl á duduho ɨ́ nye, nyé á be e né ɨ́ nyʉ̂l nyɨ́. Nye á si tiʼ bɨ́bɛ̂h.

Lʉkas 6:19 ပူးပေါင်းရင်းမြစ်များ

Mataos 14:36

Bé ze jwɨʼla e nye ó, nye mɛʼla ó, bé kuna sɔʼɔ njɨ e mozeʼle mo kan we. Mʉr nyiwɛh a kuna e me e, a be ó si tiʼe.

Markus 3:10

Bé a bul ze boo nye ó, ebe, nye a si bul tiʼ bʉr, to pyal ó, mɨsyoblʉ mimyɛh, myé a be ó lé egwɨm kuna e nye.

Markus 6:56

É gumo yiyɛh Yesʉs a to-to e, é mokwar, le bɨnkana ndwe e mompɔ́ɔ́, bʉr, bé a be ó lé eze e mɨsyoblʉ myɔɔ, to le ejyɛʼ mye é mobɨm bɨnkana. Bé ze jwɨʼla e nye ó, nye mɛʼla ó, bé kuna e mozeʼle mo kan we. Mʉr nyiwɛh a kuna e me e, a be ó si tiʼe.

Markus 5:30

É cye gwar yaa, Yesʉs ntɔʼ jʉʼra ó, nkul a be ó si duho nye é nyʉl. Nye ze dwibra teme bʉr, ntɔʼ dî ó: «Eʼ! Zé kuna e mɨkan myam ɛ?»

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Markus 8:22

Bé ze pyal Betsɛda. Bʉr ntɔʼ ze nye e ntim, ze jwɨʼla e nye ó, nye kɛlɨ nye mbo.

Mɨlʉmlʉ 19:12

No nteme, osana o mɨkan ndwe e bɨpeh mɨkan Pol a kuna e bye e, bʉr bé a dɨ ó nʉa bye, ze taare lé ekɛl mɨsyoblʉ bya é monyʉl, myé ntɔʼ tiʼe! Bɨbɨbla mɨsisim nteme bana duho be é monyʉl!

Lʉkas 5:17

É lʉʉ dobo, Yesʉs a be ó lé eyeʼle ntuntuma bʉr. OFarizyɛŋ bé e l'oyeʼle o motie, bé a be ó tɨʼ nteme é ntuntuma bʉr yaa, ondindil. Bʉr onɨ, bé a duho ó, é mokwar mɨmɛh mo Galɨle le Yʉda; baʼ duho nteme Yerʉsalɛm. Yesʉs a be ó e nkul mo Da é l'efu ó, nye tiʼɨ mɨsyoblʉ.

Lʉkas 6:18

Bé a ze ó, bé joʼla sikʉlʉ mo Yesʉs, le eze jʉmba mosyɛb mɔɔ. Nye a si tiʼ bʉr o b'a sia e bɨbɨbla mɨsisim ɨ.