Lʉkas 5:29 - Kálara Zyɛ̌m Edwán é mpʉ̌n

²⁹ No ó Levi a ze cyel sa nɨnɨ dina lé esoho Yesʉs é mbɛr we. Nye a si baŋle buobuo onwɨa o tœa bé e bʉʉ bʉr ofih. Bé a be ó lé ede, bé e boo nɔɔ.

Kálar Nzyɛ̌m : Ejwán é Sáá

²⁹ Nó Levî á nze tyêl ánɨ̂nɨ̂n nzɔɔ lɨ́ esohǒ Yésʉs ɨ́ mbɛ̌r wé. Nye á si báŋle bʉ́ʉ́ ónwɨa ó mɔnɨ́ tœ́a ɨ́ buo buo, bé e bʉ́ʉ́ bʉ̂r oswîh. Bé á be ó lɨ́ ede, bé e boo nɔ́ɔ́.

Lʉkas 5:29 ပူးပေါင်းရင်းမြစ်များ

Lʉkas 15:1

Onwɨa o tœa bɨbɛh ndwe e bʉr o ndɨ é bul jwɨ̂ʼlɨ e mɨsyem ɨ, bé a be ó lé edihle nko Yesʉs a be e, lé eto joʼlo nye.

1 Korɛnt 10:27

ǃƗ mʉr ndɨ abe mbuʼla, si jebe go ó, go toʼ, to de dina é mbɛr we nɛʼɛ, ǃgo si mɛʼle to nye ye wa, deʼ sa yiyɛh nye ódwe go e, abe e tia é leme go.

Yʉanes 12:2

Bé ze cyel dina é die mo Yesʉs. Marta a be ó lé eka bʉr mode. Lazar bé e Yesʉs, bé a be ó é sama bʉr o b'a be ondindil lé ede e.

Markus 2:15

É jɔʼ bé a be lé ede é mbɛr we e, buobuo onwɨa o tœa ofih, le bʉʉ bʉr ofih bé a be é bul jwɨ̂ʼlɨ e mɨsyem ɨ, bé a be nteme ó, lé ede, bé e boo nɔɔ, e l'ompʉn mo Yesʉs, ebe, bʉr bé a du nye e, bé a be ó é buo.

Mataos 9:10

Jɔʼ bé a be lé ede é mbɛr mo Mataos ɨ, buobuo onwɨa o tœa ofih, le bʉʉ bʉr ofih bé a be é bul jwɨ̂ʼlɨ e mɨsyem ɨ, bé a si pyal, ze di si nteme lé ede, bé e boo nɔɔ, e l'ompʉn mo Yesʉs.

Mataos 5:46

Yé be ó, bɨn bé ekpɛl ó, njɨ baa lé ekpɛl bɨn nɛʼɛ, a bɨn bé óbono myɛna mo Zyɛm naa yáa gumo? Onwɨa o tœa, bé esa nteme ó, jwɨʼ gwar yaa!

Mataos 9:9

Yesʉs, nye osi duho é gumo yaa, nye mu lé elaa nɛʼɛ, nye ka bee ó, nuu mʉr a be die Mataos ɨ. Nye a kœb nye ó, ndindil é gumo nye a dɨ nʉa tœa ɛ. Yesʉs, nye e nye ó: «Duʼo me.» Nye ntɔʼ mʉa si, ntɔʼ taare lé edu nye.

Mataos 11:19

É jɔʼ yi, Mwan mo Mʉr, nyi ka pyal: nye ede mode le enyʉl monwoʼ. Bé ó: “Dwɛʼa ga. Nwaʼ mʉr, nye ó kʉ be ancyadoʼ, fufwɔʼ monwoʼ, fo onwɨa o tœa, fo bʉr o ndɨ é bul jwɨ̂ʼlɨ e mɨsyem ɨ!” Sa gwar, bʉr, bé eka mɛʼle ó, Zyɛm, nye ó cɨcyel é jɔʼ bé ndɨ ebee ebò e cyen mɨcɨcyoo ndɨ ekœʼ œ.»