Lʉkas 24:52 - Kálara Zyɛ̌m Edwán é mpʉ̌n

⁵² Ompʉn be, bé ze bɨʼ mompom mɔɔ si é mih me lé edwiibɨ nye. Pie tɨ, bé ze fiʼ, toŋɔ Yerʉsalɛm, bɨsʉhʉ, byé mu be é mɨleme lwɨŋla.

Kálar Nzyɛ̌m : Ejwán é Sáá

⁵² Ompʉ́n bé bɨ́ɛ lîʼ náǎ, lɨ́ edweŋɔɔ nyé kûm. Píe tɨ̂, bê nzě swîʼ, tóŋɔɔ̌ Yerʉ́zalɛm; bisʉhʉʉ, byé mû bé ɨ́ miléme lwɨ́ŋlá.

Lʉkas 24:52 ပူးပေါင်းရင်းမြစ်များ

Mataos 28:9

Cye e cye yaa, bé ka twɨra ó, Yesʉs lé eze bɔma e be. Nye ó: «Me esoho bɨn!» Bé ze to, to bɨʼ mompom mɔɔ si é mih mo Yesʉs, lé edwiibɨ nye, mobo mɔɔ lé emɛr nye é mokʉ.

Yʉanes 16:22

Jwɨʼ gwar e gwar yaa, banana, bɨn bɨ joʼo mompime ebe mpɔʼa ga wina. To kœb ó, me óbâʼle bee bɨn. Bɨn bé òjoʼo bɨsʉhʉ. Abe e mʉr óka pɛʼ bɨn bya é mɨleme.

1 Pyɛr 1:8

Bɨn bé ekpɛl nye, bɨn l'apa bee yɛɛ nye. Bɨn bé ejyɛʼ taa buʼo yin boo nye, dam be ó bɨn bé apa bee nye, ze pyal é banana. Ebe no ó bɨn ndɨ lwɨŋla e bɨsʉhʉ, é mbi ndɨ ó, mʉr, nye abe e nkul etaŋle bye é lwib ɨ. Bɨn mu ó e kum, duho tɨ.

Yʉanes 20:28

Tomas ze lɛɛ e nye ó: «Go ó Tî wam ndwe e Zyɛm wam!»

Yʉanes 14:28

«Bɨn bé a be ó si joʼo mpʉ me a lɛɛ e bɨn ó: “Me muno ze fiʼ. Me óbula ze, ze pyal gumo bɨn bé óbe e.” Nkʉ bɨn bé a be ó be, kpɛl me cyecye nɛʼɛ, mpa bɨn mu ó lé esoho, le egʉa ó, me efiʼ ó, to boo Sɔŋ wam, ebe, Sɔŋ wam ó lé elaa me.

Mataos 28:17

No ó, mbea bé a bee nye e, bé ze dwiibɨ nye. Sa gwar, bʉʉ bʉr o sama yɔɔ, bé a be yɛɛ ó lé esoŋlo.

Yʉanes 16:7

Me elɛɛ bɨn cyecye ó nɛɛ: embɨa, lé é nko paʼ win ó, me toʼ. ǃMe baato nɛʼɛ, mʉr ndɨ ekamle e bɨn ɨ, nye aŋa ze kœb bɨn. ǃMe si ka to nɛʼɛ, me ntɨh bɨn nya.

Lʉkas 24:51

Ngbaa le eka be, nye dina lé esʉ be mocyɛʼ mo mpom nɛʼɛ, nye ze duho gumo bé a cyɛb ɨ, ze bɨnɔ é jobo kʉ.

Lʉkas 24:53

No ó bé a be-be é jɔʼ yiyɛh ó, é jahla bii mo Zyɛm, lé edwe Zyɛm kum.

Mɨlʉmlʉ 1:12

Mɨlʉmlʉ, myé ntɔʼ taare lé ekɔa ecwɨʼ bé lé ejebe ó, Ecwɨʼ le olivye e, ze toŋɔ ɨ Yerʉsalɛm. Cyen yɔɔ yaa, yé a be ó kwoʼ be kilmɨra ngwar.