Lʉkas 24:36 - Kálara Zyɛ̌m Edwán é mpʉ̌n

³⁶ Bé dina lé etimle lɔb waa paʼra wɔɔ, ka twɨra nɛʼɛ, Yesʉs nye mʉr tɨ, nyi ze cyɛb teme ompʉn be! Nye ó: «Motala, mé swɨŋɨ é bɨn!»

Kálar Nzyɛ̌m : Ejwán é Sáá

³⁶ Bʉr obá baá dína lɨ́ elɛ́ɛ bé nó, kǎ saʼ nɛ́ɛ: Yésʉs mʉr tɨ̂ʼ lɨ́ etyɛ̂b tîtyěl páʼ nyɔ́ɔ́. Nye ó: «Mepyɛbla, mé díʼee bɨ̌n ɨ́ miléme!»

Lʉkas 24:36 ပူးပေါင်းရင်းမြစ်များ

2 Tesalonika 3:16

No ó, Da Yesʉs, waa lé egba bɨna ga motala é mɨleme e, nye gbaʼ bɨn motala maa é mɨleme bɨjɔʼ bibyɛh, le mozi mɨmɛh. Da Yesʉs diʼe e bɨn bɨbɛh.

Lʉkas 10:5

«Mbɛr wiwɛh bɨn bé óni ɨ, lɛŋɨ ga e bʉr o mbɛr waa ó: “Motala, mé swɨŋɨ é bɨn!”

Markus 16:14

Pie tɨ, Yesʉs ntɔʼ lɛʼle esama le ompʉn ewʉm e ngwar le nyʉl we, é jɔʼ bé a be ondindil lé ede e. Nye a si tɛɛ be, ebe, bé a baabuʼla nye, ndwe nteme, bé a be ó e mɨleme é lele lele. Bé a baabuʼla bʉr o b'a lɛɛ be e. Bé a lɛɛ be yɛɛ ó, bé a si bee nye; nyi pàh é foo!

Mɨngwiha 1:4

Mɛm Yʉanes ó lé etile bɨn, bʉr o mɨmbɛr mɨ Zyɛm tambɛl ndɨ é lal Azia ɛ. Mocyɛʼ mo mpom le motala mo Zyɛm, mé swɨŋɨ é bɨn. Nye ó waa a bɛa be, waa ndɨ, ndwe e waa lé eze e. Mé diʼe e bɨn nteme, duho é Mbɨambɨa Sisim ndɨ ti, waa ndɨ é l'empom e dia taʼa ye e.

1 Korɛnt 15:5

Nye a be ó si pyal boo Sefas, ze pyal nteme boo Esama le ompʉn ewʉm e l'oba be.

Yʉanes 20:26

Molu mwom, mé osi laa nɛʼɛ, ompʉn mo Yesʉs bâʼle to syɛŋa é mbɛr waa. Tomas a be ó tɨ. Mobe, mé a be ó mɨpɨra e mongʉŋ. Yesʉs ze pyal, cyɛb teme ompʉn be. Nye ó: «Motala, mé swɨŋɨ é bɨn.»

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Yʉanes 14:27

«Motala ó me lé eliʼe bɨn e ma ma. Motala mam ó me lé edwe bɨn ma. Me adwe bɨn motala mam mpʉ bʉr o si nwaʼ lé edweela bɨsɔʼɔ, ka bula dɛn bye e. Asyɛl ga ba. Ajoʼo ga bʉa.

Mataos 10:13

ǃƗ bʉr o mbɛr waa si bɨlan e bɨn mbi ndɨ ejala nɛʼɛ, motala mɨn, mé liʼɨ é sama yɔɔ é jɔʼ bɨn bé ólaa, to e. Yé be ó, bé abɨlan e bɨn no nɛʼɛ, motala mɨn maa, mé óbula ze kœb bɨn.

Mɨlʉmlʉ 1:3

É jɔʼ nye a be si sia e mɨtuu ɨ, nye a si lɛʼle mɨlʉmlʉ mye bɨsyɛɛla ndwe e bɨdweʼle é buobuo, lé elɛʼle mye ó, nye a kʉ be ó kublakubla. É molu mowʉm monâ, bé e boo nɔɔ ó b'a be-be e, nye a be ó lé elɛɛ-lɛɛ be mɨlɔb mɨ jwɨ̀ʼa mo Zyɛm.

1 Korɛnt 15:7

Nye ze bâʼle pyal boo Jacques bé e mɨlʉmlʉ mimyɛh.