Lʉkas 24:30 - Kálara Zyɛ̌m Edwán é mpʉ̌n

³⁰ ǃBé mu é teble lé ejɨ puhba mobo nɛʼɛ, Yesʉs ze nʉa bler, ntɔʼ dwe Zyɛm ekiba. Nye ntɔʼ pɛ̂ʼ ye, dwe be ya.

Kálar Nzyɛ̌m : Ejwán é Sáá

³⁰ Jɔʼ bé á be ɨ́ téble lɨ́ edǐ de yɨ́, nó ó Yésʉs á nze nʉa blêr, ntɔ̂ʼ dwě Nzyɛ̌m nzyǒo. Nye ntɔ̂ʼ pɛ̂ʼ yê, dwe bé yǎ.

Lʉkas 24:30 ပူးပေါင်းရင်းမြစ်များ

Mataos 14:19

Pie tɨ, nye ze lɛɛ e ntuntuma bʉr ó, yé diʼe si é bwaʼbwaʼ jahla yaa. Tɨʼ yé a be ó e bwa bɨka ajaa kʉ. Nye ntɔʼ nʉa bɨbler bɨtɛn e l'ofu oba baa, ze bɨn mih kʉ, dwe Zyɛm ekiba, ze pɛ̂ʼ bɨbler byaa bɨpeh, bɨpeh, ze dwe ompʉn be bya. Bé ntɔʼ kab ntuntuma bʉr bɨbler byaa.

Lʉkas 24:35

Bé ntɔʼ lɛɛ bɨha ompʉn sa laa zi e zi ɨ, le elɛɛ mpʉ bé ka dweʼe Yesʉs é pɛ̂ʼa nye pɛ̂ʼ be bler ɨ.

Lʉkas 9:16

Yesʉs ntɔʼ nʉa bɨbler bɨtɛn e l'ofu oba, bɨn mih kʉ, ze dwe Zyɛm ekiba é lɔb mode maa, ze pɛ̂ʼ me bɨpeh, timle ompʉn be, ó bé kaba bʉr bya.

Mataos 15:36

Nye ntɔʼ nʉa bɨbler tambɛl byaa le bwa ofu baa, dwe Zyɛm ekiba, ntɔʼ pɛ̂ʼ bye bɨpeh, to le edwe ompʉn be bya. Bé ze nʉa, kab bʉr bɨbɛh.

Mɨlʉmlʉ 27:35

Jɔʼ Pol a sil lɛɛ be no e, nye ze nʉa bler, ntɔʼ dwe Zyɛm ekiba, mʉr nyiwɛh lé ebee. Nye ze pɛ̂ʼ ye bɨpeh, ntɔʼ taare lé ede.

Yʉanes 6:11

Yesʉs ze nʉa bɨbler byaa. É jɔʼ nye a be si dwe Zyɛm ekiba é lɔb bɨbler byaa ɛ, nye ntɔʼ ze kab bʉr bɨbɛh bé a be ondindil ɨ. Nye ze dwe be nteme ofu, bim yiyɛh bé a gwɨm de e.

Lʉkas 22:19

Nye ze nʉa bler, ntɔʼ dwe Zyɛm ekiba é lɔb we, ze pɛ̂ʼ ye bɨpeh, dwe be bya. Nye e be ó: «Nyʉl wam ó nwa, waa mu si dweŋɔ, jala e bɨn ɨ. Bɨn bé óto le esa syɛɛla yiʼ bɨjɔʼ bibyɛh, lé etoŋlo me.»

Markus 14:22

É mpʉ bé a be, bé dina lé ede e, Yesʉs ntɔʼ nʉa bler, dwe Zyɛm ekiba é lɔb bler yaa, pɛ̂ʼ ye bɨpeh, dwe ompʉn bya. Nye ó: «Nʉŋa ga. Nyʉl wam ó nwa.»

Markus 8:6

No ó nye a ze lɛɛ e ntuntuma bʉr ó, bɨbɛh diʼe si. Nye ntɔʼ nʉa bɨbler tambɛl byaa, ze dwe Zyɛm ekiba, ntɔʼ pɛ̂ʼ bye bɨpeh, to le edwe ompʉn be ó, bé kaba bʉr bya. Bé ze nʉa, kab bʉr bɨbɛh.

Markus 6:41

No ó Yesʉs a nʉa bɨbler bɨtɛn e l'ofu oba baa, ze bɨn mih kʉ, ze dwe Zyɛm ekiba, ntɔʼ pɛ̂ʼ bɨbler byaa bɨpeh, bɨpeh, timle ompʉn, ó bé kaba bʉr bya. Nye ze kab bʉr bɨbɛh ofu oba baa.

Mataos 26:26

É mpʉ bé a be, bé mu lé ede e, Yesʉs ntɔʼ nʉa bler yaa, dwe Zyɛm ekiba, pɛ̂ʼ ye bɨpeh, dwe ompʉn be bya. Nye ó: «Nʉŋa ga. Bɨn deʼ. Nyʉl wam ó nwa.»

Lʉkas 24:29

Bé e nye ó: «Bɨna diʼe ga wâ. Dobo mu ó lé elɨŋa. Edurʉ, lé mu ó lé emara bɨna ga!» Mpʉ bé a yɨm nye e, nye ntɔʼ fuo mɛʼle. Bé e boo nɔɔ ze ni mbɛr.

Mɨlʉmlʉ 2:42

Bé a be ó lé ekʉ gba monyʉl é jɔʼ yiyɛh lé eto joʼlo sikʉlʉ mɨlʉmlʉ myé a dwe-dwe be e. Bé a di-di nteme ó, é zyɛŋa-mɨleme tʉŋlʉ, le ede-de nteme gumo gwar, le ejwɨʼla-jwɨʼla e Zyɛm.

Mɨlʉmlʉ 2:46

É dobo lɨlɛh, bé a si to dolo lé egwɨhla é jahla bii mo Zyɛm tʉŋlʉ. Go ó, é mɨmbɛr myɔɔ, bé a be-be ó lé epɛ̂ʼla bler, le edeŋɔ mode mɔɔ, mɨleme myɔɔ, myé osi loŋlo e bɨsʉhʉ byé a duho be é mɨmo si ɨ.